Tuesday, March 15, 2016

၂၀၁၆-ခုနှစ် အယ်နီညိုရာသီဥတုကာလ ပြည်သူများအား အသိပညာပေးခြင်းလုပ်ငန်းများဆောင်ရွက်




မင်းဘူး       မတ်      ၁၃
          မကွေးတိုင်းဒေသကြီး၊မင်းဘူး(စကု)မြို့နယ်အတွင်းရှိ ကျေးလက်နေပြည်သူများ ၂၀၁၆-ခုနှစ်  အယ်နီညိုရာသီဥတုကာလတွင် ကျန်းမာရေး၊မီးဘေးအန္တရာယ်လုံခြုံရေး၊မွေးမြူရေးလုပ်ငန်းများ၊ရေကြောင်း သွားလာရေး၊သောက်သုံးရေဖူလုံစွာရရှိစေရေးနှင့် စိုက်ပျိုးရေးလုပ်ငန်းများ အဆင်ပြေချော့မွေ့စေရေးတို့အ တွက်  မင်းဘူးမြို့နယ် အုပ်ချုပ်ရေးမှူး ဦးညီညီဝင်း ဦးဆောင်သော အဖွဲ့မှ မတ်လ(၁၂)ရက်နေ့မှ စ၍ ကျေးရွာများသို့ ကွင်းဆင်း အသိပညာပေး ဟောပြောလျက်ရှိသည်။
          အဆိုပါ အသိပညာပေး ဟောပြောသည့်အဖွဲ့တွင် မြို့နယ် မီးသတ်ဦးစီးအရာရှိ ဦးထွန်းထွန်း၊ မြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာမှလက်ထောက်ညွှန်ကြားရေးမှူး ဦးအောင်ဘုန်းလင်း၊ သစ်တောဦးစီးမှူး ဦးလှဌေး၊ တိရစ္ဆာန်မွေးမြူးရေးနှင့်ကုသရေး ဦးစီးမှူး ဒေါက်တာ ဘစီ၊မြို့နယ်ပြန်ကြားရေး နှင့်ပြည်သူ့ ဆက်ဆံရေးဦးဌာနမှ မြို့နယ်ဦးစီးမှူး ဒေါ်ခင်ဝါ၀ါလှိုင်နှင့် မြို့နယ်ပြည်သူ့ကျန်းမာရေးဦးစီးမှူးတို့မှ မင်းလှကျင်း ကျေးရွာအုပ်စု၊ပဒေါင်းကျေးရွာ အုပ်စုအတွင်းရှိ ကျေးရွာများသို့ ကွင်းဆင်း အသိပညာပေး ဟောပြောခဲ့ကြကြောင်းနှင့် မတ်လ(၁၃)ရက်နေ့တွင် ရေပေါ်ကြီးကျေးရွာ၊ရေပေါ်လေးကျေးရွာနှင့် ချောင်းဖြူကျေးရွာများသို့ သွားရောက်၍ အသိပညာပေးဟောပြောပွဲများ ဆက်လက်ဆောင်ရွက်သွား မည်ဖြစ်ကြောင်း သိရှိရသည်။
တင်ထွန်းဦး(မင်းဘူး)

0 comments:

Post a Comment