Tuesday, March 15, 2016

သန်းခေါင်စာရင်းအချက်အလက်များ အသိပညာပေးခြင်း အလုပ်ရုံဆွေးနွေးပွဲကျင်းပ




မင်းဘူး         မတ်          ၁၄
          ၂၀၁၄-ခုနှစ်၊လူဦးရေနှင့် အိမ်အကြောင်းအရာ သန်းခေါင်စာရင်းအချက်အလက်များ အသိပညာပေး အလုပ်ရုံဆွေးနွေးပွဲအခမ်းအနားကို မကွေးတိုင်းဒေသကြီး၊မင်းဘူး(စကု)မြို့နယ် အထွေထွေအုပ်ချုပ်ရေးဦးစီးဌာန၊ အစည်းအဝေးခန်းမတွင် မတ်လ(၁၄)ရက်နေ့ နံနက်(၉)နာရီက ကျင်းပခဲ့သည်။
          အခမ်းအနားတွင် ရှေးဦးစွာ မင်းဘူးခရိုင် သန်းခေါင်စာရင်းကော်မတီအတွင်းရေးမှူး ဦးကျော်ဌေး (ဒုတိယညွှန်ကြားရေးမှူး)မှ အဖွင့်အမှာစကားပြောကြားပြီး အခမ်းအနားသို့တက်ရောက်လာသော သင်တန်းသား/သူများအား အစီရင်ခံစာအုပ်/စာစောင်များ ဝေငှပေးခဲ့ကာ အလုပ်ရုံဆွေးနွေးပွဲကို စတင်ကျင်းပခဲ့ပါသည်။
          မင်းဘူးခရိုင်၊ သန်းခေါင်စာရင်းအချက်အလက်များ အသိပညာပေးခြင်း အလုပ်ရုံဆွေးနွေးပွဲတွင် လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနမှ ဒုတိယညွှန်ကြားရေးမှူး ဦးတင်ဦး၊လက်ထောက်ညွှန်ကြားရေးမှူး ဒေါ်သီတာနှင့် ရတနာမြေလူမှုဖွံ့ဖြိုးရေးအသင်းမှ စီမံကိန်းမန်နေဂျာ ဦးဇော်မြင့်ထွန်းတို့မှ သန်းခေါင်စာရင်းအကြောင်း အရာ၊စာရင်းကောက်ယူသည့်နည်းလမ်း၊ လူဦးရေဆိုင်ရာအချက်အလက်များ၊လူမှုရေးဆိုင်ရာများ၊ပြည်တွင်း/ပြည်ပ ရွှေ့ပြောင်းသွားလာခြင်း၊ပညာရေးဆိုင်ရာအချက်အလက်များ၊စီးပွားရေးဆိုင်ရာအချက်အလက်များ၊ကလေးမွေးဖွားမှုနှင့် သေဆုံးမှုအကြောင်းအရာများ၊ ကိုင်ဆောင်သည့်လက်မှတ်အမျိုးအစား၊မသန်စွမ်းမှုအကြောင်းအရာ၊အိမ်အကြောင်း အရာ၊ အိမ်အသုံးဆောင်ပစ္စည်းများနှင့် သရုပ်ပြလေ့ကျင့်ခြင်း/ဆန်းစစ်ခြင်းတို့ဖြင့် သင်ကြားပို့ချခဲ့ပြီး အလုပ်ရုံဆွေးနွေးပွဲ တက်ရောက်လာသူများမှ ပြန်လည်ဆွေးနွေးမေးမြန်းကြရာ ကဏ္ဍအလိုက် တာဝန်ရှိသူများမှ ပြန်လည်ရှင်းလင်းဖြေကြား ဆွေးနွေးခဲ့ကြသည်။
          အဆိုပါအလုပ်ရုံဆွေးနွေးပွဲသို့ မင်းဘူးမြို့နယ်အတွင်းရှိ ဌာနဆိုင်ရာဝန်ထမ်းများ၊ရပ်ကွက်နှင့်ကျေးရွာအုပ်ချုပ် ရေးမှူများ၊လူမှုရေးအသင်းအဖွဲ့ဝင်များ၊စုစုပေါင်း သင်တန်းသား/သူ(၆၀)ဦးတက်ရောက်ခဲ့ပြီး မတ်လ(၁၄)ရက်နေ့မှ (၁၆)ရက်နေ့ထိ (၃)ရက်ကြာ သင်ကြားပို့ချ ဆွေးနွေးသွားမည်ဖြစ်ကြောင်းနှင့်ဂန့်ဂေါခရိုင်တွင် မတ်လ(၉)ရက်နေ့မှ (၁၁) ရက်နေ့ထိ ဆွေးနွေးပို့ချခဲ့ကြောင်း၊သရက်ခရိုင်တွင် မတ်လ(၂၁)ရက်နေ့မှ(၂၄)ရက်နေ့ထိ ဆက်လက် ဆွေးနွေးပို့ချသွား မည်ဖြစ်ကြောင်းသိရှိရသည်။
တင်ထွန်းဦး(မင်းဘူး)

0 comments:

Post a Comment