Saturday, March 12, 2016

မန်းရွှေစက်တော် ဓါတ်ပုံဆရာများ ဟန်းဖုန်းများကြောင့် အခက်တွေ့နေ


မင်းဘူး      မတ်       ၉
မင်းဘူး(စကု)မြို့နယ် မန်းရွှေစက်တော်ရာ ဘုရားပွဲတော်တွင် အမှတ်တရဓါတ်ပုံများ ရိုက်ကူး၍ လုပ်ကိုင်လျက်ရှိသော ဓါတ်ပုံဆရာများ ဟန်းဖုန်းများကြောင့် အခက်တွေ့နေလျက်ရှိသည်။
“ ဒီနှစ်မှာ ဟန်းဖုန်းတွေက အမျိုးမျိုးပေါ်လာပြီး  ဟန်းဖုန်းနဲ့ တွဲလျက် ဖုန်းကင်မရာတွေက ပိုကောင်းလာတယ်၊ ဘုရားဖူးလာပြည်သူတွေတိုင်း ဖုန်းတွေ ပါလာပြီး အမှတ်တရ ဓါတ်ပုံတွေကို သူတို့ ဖုန်းနဲ့ပဲ ရိုက်ယူသွားကြတယ်၊ ကျွန်တော်တို့ ဓါတ်ပုံဆိုင် လေလံဆွဲ လုပ်ကိုင်ရတဲ့သူတွေ နစ်နာတာပေါ့ ၊ဟု မန်းရွှေစက်တော် ဓါတ်ပုံဆိုင်လေလံဆွဲ၍ လုပ်ကိုင်သူ ဦးထွန်းမှ ပြောသည်။
” ယခင်နှစ်တွေက ပွဲတော် တစ်ရာသီကို ဓါတ်ပုံရိုက်ခ (၆)သိန်းမှ (၁၀)သိန်းထိ စုမိတယ်၊ (၅x၇)လက်မ အရွယ် ဓါတ်ပုံဆိုက်ကို တစ်ပုံ(၁၀၀၀ိ/-)ကျပ်ရပြီး ဆိုင်ကို (၈၀၀ိ/-)ကျပ်သွင်းရတယ်၊ (၂၀၀ိ/-)ကျပ် လုပ်အားခ ရတယ်၊အခုနှစ် တစ်ရက်လုံးရေထဲ/ကုန်းပေါ် ရိုက်ရမှ (၂၀၀၀ိ/-)ကျော် (၃၀၀၀ိ/-)လောက်ပဲ ရတယ်၊ ထမင်းဖိုးပဲရတယ်၊ ဘုရားဖူးလာသူတွေက ဖုန်းဟန်းစက်တွေနဲ့ပဲ ရိုက်ကြတော့ ကျွန်တော်တို့ ဓါတ်ပုံဆရာတွေ အလုပ်မဖြစ်ဘူး၊” ဟု မန်းစက်တော်ရာ ဓါတ်ပုံဆရာ ကိုဇေ မှ ပြောသည်။
မန်းရွှေစက်တော်ရာဘုရားပွဲတော်တွင် ဘုရားဖူးလာပြည်သူများ အမှတ်တရဓါတ်ပုံရိုက်ကူးလျက် ရှိရာ ယခုနှစ်တွင် ကိုယ်ပိုင်ကင်မရာများ၊ဖုန်းများဖြင့် ရိုက်ကူးမှုများလာသောကြောင့် ဓါတ်ပုံဆိုင် လေလံဆွဲ လုပ်ကိုင် နေသူများ အခက်တွေ့နေလျက်ရှိကြောင်း သိရှိရသည်။
တင်ထွန်းဦး(မင်းဘူး)
သတင်းရိုက်ကူး/ရေးသားပေးပို့သူ - ဦးတင်ထွန်းဦး(မင်းဘူးခရိုင်ပြန်/ဆက်)

0 comments:

Post a Comment