Friday, April 3, 2015

ရွေးကောက်ပွဲဆိုင်ရာကော်မရှင်က မူဝါဒနှင့်အညီဖွဲ့စည်းရန် ညှိနှိုင်းအစည်းအဝေး

နတ်မောက်   ဧပြီ          ၃
    နတ်မောက်မြို့နယ် ၂၀၁၅ ခုနှစ် အထွေထွေရွေးကောက်ပွဲအတွက် မဲရုံများ လျာထား သတတ်မှတ် ရာတွင် ကျေးရွာ၂၉ အုပ်စုမှ မဲရုံတည်နေရာများ မဲရုံသတ်မှတ်ခြင်း ညှိနှိုင်းအစည်းအဝေးကို ဧပြီ ၂ ရက် နံနက် ၁၀ နာရီက မြို့နယ် အထွေထွေအုပ်ချုပ်ရေးဦးစီးဌာနအစည်းအဝေးခန်းမ၌ကျင်းပခဲ့သည်။
  အဆိုပါကော်မရှင်အစည်းအဝေးသို့နတ်မောက်မြို့နယ် ကော်မရှင်အဖွဲ့ခွဲဥက္ကဌဦးညိုကြီးမှ ကော်မရှင်အဖွဲ့ခွဲ အဆင့်ဆင့်ရှိ အရည်အချင်းနှင့်ပြည့်စုံ၍ အများယုံကြည်လေးစားခြင်းခံရသော ပုဂ္ဂိုလ်များကို အချက် (၈)ချက်နှင့်အညီ ထည့်သွင်းဖွဲ့စည်းကြရန်နှင့် မြို့နယ်ကော်မရှင်အဖွဲ့ခွဲအတွင်းရေးမှူး ဦးတင့်ဇော်မှ မဲရုံများလျာထားရာတွင် ဝတ္တကမြေအတွင်း ရှိသော ဘုန်းတော်ကြီးစာသင်ကျောင်းများ၊ ဓမ္မာရုံများနှင့် အခြားမည်သည့်သာသနာ့နယ်မြေပေါ်တွင်မဆိုမဲရုံများဖွင့်လှစ်ခြင်း မပြုလုပ်ရန်နှင့် အစိုးရစာသင်ကျောင်း များ ဌာနဆိုင်ရာအဆောက်အဦးများမရှိသော    အရပ်ဒေသများ၌ ရပ်ကွက်ကျေးရွာ များရှိ ဓမ္မာရုံများတွင် မဲရုံဖွင့်လှစ်နိုင်ပြီး မည်သည့်အဆောက်အဦးများမရှိပါက သီးခြားမဲရုံများဆောက်လုပ်နိုင်ရေး ကြိုတင် ဆောင်ရွက်ထားရန် တို့ကိုရှင်းလင်းဆွေးနွေးမှာကြားခဲ့သည်။ထို့နောက် ၂၀၁၅ ခုနှစ် အထွေထွေရွေးကောက်ပွဲ အတွက် မဲရုံများ လျာထားသတ်မှတ်ရာတွင် နတ်မောက်မြို့နယ် ရပ်ကွက်ကျေးရွာ ၂၉ အုပ်စု ကော်မရှင်အဖွဲ့ခွဲများမှ တစ်ဦးချင်းစီ တင်ပြဆွေးနွေးခဲ့ကြောင်းသိရသည်။                                    လှဝင်း

0 comments:

Post a Comment