Thursday, December 25, 2014

မန္တလေးမြို့ကျောက်ဝိုင်းမှ သောင်းနှင့်ချီသောကျောက်သမားများ ကျောက်စိမ်းဈေးသစ်သို့ မပြောင်းရွှေ့လိုကြောင်း ပထမအကြိမ်ဆန္ဒပြ

မန္တလေးမဟာအောင်မြေကျောက်ဝိုင်း
အား မန္တလေးမြို့ အမရပူရမြို့နယ်တွင်
တည်ဆောက်လျှက်ရှိသော ကျောက်စိမ်းဥယျာဉ်အတွင်းရှိ ကျောက်စိမ်းဈေးသစ်သို့
မပြောင်းရွှေ့
ရေးနှင့် လက်ရှိ မဟာအောင်မြေ ကျောက်ဝိုင်းအား အဆင့်မြှင့်တင်ရေးအတွက်
သောင်းနှင့်ချီသော ကျောက်သမားများက ပထမအကြိမ် ဆန္ဒပြပွဲကို ၂၀၁၄ ခုနှစ်
ဒီဇင်ဘာ ၂၃ ရက်
နံနက် ၉း၀၀ အချိန်ခန့်တွင် လမ်းလျှောက်လှည့်လည်ဆန္ဒပြခဲ့ကြောင်း
စုံစမ်းသိရှိရသည်။ ကျွန်တော်တို့က မန္တလေးကျောက်မျက်ဈေးကို လက်ရှိနေရာမှ
၁၅ မိုင်ခန့်
ဝေးကွာသည့် နေရာရှိ တည်ဆောက်ဆဲ ကျောက်မျက်နေရာသို့ ပြောင်းရွှေ့ရန်
စီစဉ်ထားခြင်းအပေါ် မပြောင်းရွှေ့လိုသူ လူများက အခုလို ဆန္ဒပြခြင်းဖြစ်တယ်။
ဒီလိုကျောက်သမားများက မပြောင်းရွှေ့ချင်တယ်ဆိုတာကလည်း သွားရေးလာရေးတွေမှာ
အခန့်မသင့်လျှင် ခရီးဝေးတော့ အဆင်မပြေမှု ဖြစ်မည့်အပြင် လုံခြုံရေးအပိုင်း
မှာလည်း စိတ်ချရသည့်အနေအထား မရှိကြောင်း၊
မန္တလေးမြို့ရဲ့ဈေးကွက်အားလုံးဟာ ကျောက်ဈေးကွက်ပေါ်မှာ မူတည်နေပါတယ်။
ဘာကြောင့် ဒီလိုပြောရသလဲ
ဆိုတော့ မန္တလေးမှာက ကျောက်သမားအပါအ၀င် ကျောက်ဝိုင်းအား
မှီခိုစားသောက်နေသူ အခြေခံလူတန်းစားတွေက ၅ သိန်းကျော် ၆
သိန်းနီးပါးလောက်ရှိတယ်။
ဒါကြောင့် မန္တလေးရဲ့ အဓိကအခြေခံဈေးကွက်အားလုံးဟာ ကျောက်ဈေးကွက်ပေါ်မှာ
မူတည်တယ်လို့ပြောတာပါ။ ဒါကြောင့် ဒီဈေးကွက် ရွှေ့ပြောင်းလိုက်လျှင်
အဆင်မပြေမှုတွေ အများကြီးကြုံတွေ့လာနိုင်သလို အခြေခံလူတန်းစား ၅
သိန်းကျော် ၆ သိန်းနီးပါးမှာလည်း အခက်အခဲများဖြစ်ပေါ်လာနိုင်ကြောင်း
တိုင်းပြည်အတွက်
အကျိုးရှိဖို့လို့ပြောပြီး အခြေခံလူတန်းစားတွေ ဖိနှိပ်တာကို
ကျွန်တော်တို့ အနေနဲ့လုံးဝ လက်မခံနိုင်ပါဟု ဆန္ဒပြခေါင်းဆောင်တစ်ဦးဖြစ်သူ
(၀ါရင့်ကျောက်သမား)
ဦးသန်းထွန်း အင်ဂျင်နီယာက ပြောကြားသည်။ 
 
အဆိုပါ ကျောက်စိမ်းဈေးသစ်အား
ဦးစိုးနိုင်ဆိုသည့် ကျောက်စိမ်းကုမ္ပဏီတစ်ဦးက အာဏာပိုင်များနဲ့ပေါင်းကာ
၎င်း၏အကျိုးစီးပွားအတွက် ဖော်ဆောင်ခဲ့ခြင်းဖြစ်ကြောင်း၊ လက်ရှိတွင်လည်း
ကျောက်ဝိုင်းအနေဖြင့် စည်ပင်သာယာကော်မတီသို့ အခွန်ငွေကျပ် သိန်း
တစ်ထောင်ကျော်
ပေးသွင်းလျှက်ရှိကြောင်း လက်ရှိကျောက်ဝိုင်းမြေနေရာမှာ မူလက
မဟာမြတ်မုနိဂေါပကပိုင်မြေဖြစ်ကြောင်း ၄င်းမြေကို အစိုးရက သိမ်းဆည်းပြီး
ကျောက်ဝိုင်းဈေးဖြစ်ခဲ့
သည်မှာ ယခုဆိုလျှင် ၁၅ နှစ်ခန့်ရှိပြီဖြစ်ကြောင်း၊
အခွန်ပေးသွင်းခဲ့သည်မှာ သိန်း ၄၅ သောင်းခန့် ရှိနိုင်ကြောင်း
အဆိုပါငွေကြေးများဖြင့် ကျောက်ဝိုင်းအား မည်သည့်
တစ်စုံတစ်ရာမျှ ပြန်လည်လုပ်ဆောင်ပေးခြင်းမရှိသောကြောင့်
မြို့တော်ဝန်နှင့် ကော်မတီဝန်များသည်
အလွဲသုံးစားပြုလုပ်ထားခြင်းဖြစ်နိုင်ကြောင်း ၄င်းကိစ္စများအား
ပြည်ထောင်စုအစိုးရအနေဖြင့် ကွင်းဆင်းစစ်ဆေးအရေးယူသင့်ကြောင်း
မဟာမြိုင်မြို့နယ်နေသူ ဆန္ဒပြခေါင်းဆောင်တစ်ဦးကပြောကြားသည်။
ကျွန်တော်တို့အနေနဲ့
လက်ရှိကျောက်ဝိုင်းတွင် မပြောင်းဖို့အတွက်ပဲ ဆန္ဒဖော်ထုတ်နေတာပါ။
ဒီဆန္ဒဖော်ထုတ်ပွဲကို သက်ဆိုင်ရာခွင့်ပြုချက်နဲ့ဖော်ထုတ်တာဖြစ်တယ်။
တရားဝင်ခွင့်ပြု
လူအင်အားက လေးသောင်းဖြင့် ဆန္ဒပြကြပြီး၊ ဒေသခံများနှင့်
မြို့ခံများထောက်ခံအားပေးခဲ့ကြတဲ့အတွက် ခင်ဗျားတို့
မီဒီယာများတွေ့မြင်ရတဲ့အတိုင်း အင်အား ၄ သိန်း
နီးပါးလောက် ထောက်ခံအားပေးခဲ့ကြတယ်။ ၈၈ အရေးအခင်းပြီးရင် ကျွန်တော်တို့
ဒီဆန္ဒပြပွဲက ပြည်သူလူအင်အားအများဆုံးထောက်ခံတဲ့ပွဲဖြစ်တယ်။ ဒီပွဲမှာ
ပါတဲ့
လူတွေအားလုံးက နေ့တွက်ခပေးပြီးခေါ်တာမပါဘူး။ ထမင်းထုပ်ပေးမယ်ပြောပြီး
ခေါ်တဲ့သူမပါဘူး။ ကိုယ့်ဆန္ဒ ကိုယ့်သဘောနဲ့ တက်ရောက်ဆန္ဒဖော်ထုတ်အားပေး
ခဲ့တဲ့သူတွေပဲဖြစ်တယ်ဟု ဆန္ဒပြခေါင်းဆောင်တစ်ဦးဖြစ်သူ ဦးသန်းထွန်းက
ဆက်လက်ပြောကြားသည်။ လက်ရှိတွင် အကောင်အထည်ဖော်နေသော အမရပူရမြို့နယ်
ဆင်ရွာ မြင်းမူကျေးရွာတွင် ကျောက်စိမ်းစေတီနှင့် ကျောက်မျက်ဈေးအနီး၌
ကျောက်စိမ်းဥယျာဉ်အဖြစ် တည်ဆောက်သွားမည်ဖြစ်ကြောင်း အဆိုပါ ကျောက်စိမ်း
ဥယျာဉ်တွင် ပန်းခြံ၊ ဆေးရုံ၊ လူနေအဆောက်အအုံနှင့် အလုပ်သမားနေထိုင်ရန်
ငါးထပ်အဆောက်အအုံပါဝင်မည်ဖြစ်ကာ ဇုံလေးဇုံဖြင့် ခွဲခြားအကောင်အထည်ဖော်
သွားမည်ဖြစ်ကြောင်း စည်ပင်သာယာရေးဝန်ကြီးဌာန ၀န်ကြီး ဦးအောင်မောင်းက
တိုင်းဒေသကြီးလွှတ်တော်၌ အဆိုတင်သွင်းခဲ့ပြီး မည်သူ့ထံကမျှ သဘောတူညီချက်
ရယူသွားမည်မဟုတ်ကြောင်း သတင်းထောက်များကို ပြောကြားခဲ့ကြောင်း
နိုင်ငံပိုင် သတင်းစာများတွင် ဖော်ပြမှုမှ သိရှိရသည်။

ဟင်္သာ(တောင်တွင်းကြီး)၊ တာဝန်ခံအယ်ဒီတာ၊ တောင်တွင်းကြီးမြို့။
ဖုန်း - 09440223276

0 comments:

Post a Comment