Monday, December 22, 2014

မြို့ပြနယ်နိမိတ်အတွင်း သတ်မှတ်ရန် လယ်ယာမြေပိုင် ကျေးလက်တောင်သူများနှင့် သက်ဆိုင်ရာ တွေ့ဆုံညှိနှိုင်း

၂၀ဝ၀ ခုနှစ်မှ စတင်၍ တိုးတက်ဖွံဖြိုးလာသော ပခုက္ကူမြို့ကြီးသည် လူဦးရေထူထပ်
လာသည်နှင့်အမျှ စီးပွားရေးအခွင့်အလမ်းကောင်းများ ပေါများလာ၍ သက်ဆိုင်ရာမှ ကျွဲတဲ
အုပ်စု၊ လယ်ယာအုပ်စု၊ ချောက်ကန်အုပ်စု၊ ရွာများကို မြို့ပြနယ်နိမိတ်အတွင်း သွတ်သွင်းရန်
စီစဉ်ဆောင်ရွက်လာကြောင်း သိရှိရသည်။

ဒီဇင်ဘာ(၂၀)ရက်နေ့တွင် ကျွဲတဲအုပ်စုတွင် ပါဝင်
သော မီးသွေးကန်ရွာကြီးသို့ သက်ဆိုင်ရာ တာဝန်ရှိသူများ သွားရောက်၍ တောင်သူများနှင့်
တွေ့ဆုံညှိနှိုင်းကြောင်း သိရှိရသည်။ ကျွဲတဲအုပ်ချုပ်ရေးမှူး ဦးကျော်နိုင်မှ ကျွဲတဲအုပ်စုရွာများ
ကို မြို့ပြနယ်နိမိတ်အတွင်း သွတ်သွင်းမည်ဖြစ်ကြောင်း တောင်သူများပိုင်ဆိုင်သော မြေယာ
များကို မြေလျော်ကြေးရလိုပါသလား မြေကွက်အစားထိုးရလိုပါသလား လုံးဝမြေယာများ ပေး
လိုခြင်း၊ ရောင်းလိုခြင်း မရှိပါသလားဟု တောင်သူများကို မေးမြန်းညှိနှိုင်းဆွေးနွေးခဲ့ကြောင်း
သိရှိရသည်။ မီးသွေးကန်တောင်သူများမှ လုံးဝပေးလို ရောင်းလိုခြင်း ဆန္ဒမရှိကြောင်း တညီ
တညွတ်တည်း လက်မှတ်ရေးထိုးကြသည်။ ကျွဲတဲအုပ်စုတွင် မြင်းချိုင့်ရွာ၊ အောင်ချမ်းသာ ရေ
ဘေးရပ်ကွက်၊ အောင်သပြေ(ကျောက်မိကျောင်း)၊ မီးသွေးကန်ရွာ၊ စက်မှုဇုန်၊ မြို့သစ်၊ စိုတွင်း
ရွာ၊ ကျွဲတဲ(ရွာမ)၊ ကျွဲတဲ(ကမ်းနား)၊ အေးကျွန်း၊ ရွှေချောင်း၊ ပါဝင်ကြောင်း သိရှိရသည်။

ကျွဲတဲအုပ်စုရယ် လယ်ယာအုပ်စုရယ် ချောက်ကန်အုပ်စု ပါဝင်တဲ့ရွာတွေကို သွားရောက်ပြီး
ဆွေးနွေးညှိနှိုင်းမှာပါ သူတို့ရဲ့ သဘောဆန္ဒကိုရယူပြီး မြို့ပြစည်ပင်သာယာဖို့ လုပ်ဆောင်
သွားမှာပါ ဟုတာဝန်ရှိသူတစ်ဦးကပြောသည်။ ပခုက္ကူမြို့ကြီးသည် ချင်းပြည်နယ်တောင်ပိုင်း
ထွက်ပေါက်ဖြစ်သလို၊ ယောနယ်နှင့် ပုလဲနယ်တို့၏ ကုန်စည်စီးဆင်းရာ မြို့ကြီးဖြစ်သော
ကြောင့် အထူးစည်ကားတိုးတက်လာနေကြောင်း သိရှိရသည်။

နေဦးမောင်(ပခုက္ကူ)

0 comments:

Post a Comment