Thursday, December 25, 2014

အောင်လံမြို့နယ်အတွင်းလိုင်စင် မဲ့မော်တော်ဆိုင်ကယ်များအားထိရောက်စွာစစ်ဆေးအရေးယူမည်

အောင်လံမြို့နယ်အတွင်းလိုင်စင်မဲ့ဆိုင်ကယ်များအား၂၀၁၅ဇန်နဝါရီ၁ရက်နေ့မှစတင်ကာထိရောက်စွာစစ်ဆေးအရေးယူသွားမည်ဖြစ်ကြောင်းသရက်ခရိုင်ကုန်းလမ်းပို့ဆောင်ရေးညွှန်ကြားမှုဦးစီးဌာနကကြေငြာထားကြောင်းသိရသည်။
"အောင်လံမြို့ပေါ်ကဆိုင်ကယ်တင်သွင်းရောင်းချတဲ့ဆိုင်တွေကိုလည်းမှတ်ပုံတင်ဆိုင်ကယ်များရောင်းချဖို့အသိပေးအကြောင်းကြားပါတယ်"ဟုမြို့နယ်မော်တော်ယာဉ်ရုံးမှတာဝန်ရှိသူတစ်ဦးကပြောသည်။
အဆိုပါလိုင်စင်မဲ့ဆိုင်ကယ်များစစ်ဆေးအရေးယူရာတွင်ရှေ့မီးအချက်ပြမီးဘရိတ်မီးများပြည့်စုံကောင်းမွန်ရန်အိပ်ဇောပိုက်နှင့်အိပ်ဇောဆူညံသံထိန်းပါရှိရန်တာယာနှင့်ဘီးများကောင်းမွန်ရန်ဟွန်းနောက်ကြည့်မှန်ရောင်ပြန်ပြားပါရှိရန်ကိုယ်ထည်နှင့်ဆေးရောင်သင့်တင့်သောဆိုင်ကယ်များကိုသတ်မှတ်ဒဏ်ကြေး၅၀ရာခိုင်နှုန်းပေးဆောင်ကာမှတ်ပုံတင်ဆောင်ရွက်ပေးမည်ဖြစ်ပြီးမပြည့်စုံပါက၁၉၆၄နည်းဥပဒေအရမှတ်ပုံတင်ဆောင်ရွက်ပေးနိုင်မည်မဟုတ်ကြောင်းသိရသည်။

၎င်းလိုင်စင်မဲ့ဆိုင်ကယ်များအားမှတ်ပုံတင်ပြုလုပ်ရာတွင်မကွေးတိုင်းဒေသကြီးနယ်မြေအတွင်းသာသွားလာခွင့်မူသေအမှတ်MGYနှင့်ရရှိမည်ဖြစ်ကာမှတ်ပုံတင်အခွန်ခအဖြစ်အထူးစစ်ဆေးခ၅၀၀၀ကျပ်ကနဦးမှတ်ပုံတင်ခ၁၅၀၀၀ကျပ်ယာဉ်စစ်ဆေးခ၅၀၀၀ကျပ်ကမန/အဝိုင်းဟိုလိုဂရမ်၉၀၀ကျပ်နှင့်ဖောင်းကြွနံပါတ်တစ်စုံ၅၀၀၀ကျပ်နှင့်ဓာတ်ပုံဖိုး၁၅၀၀ကျပ်တို့ကုန်ကျမည်ဖြစ်ကြောင်းသိရသည်။

"ဆိုင်ကယ်တွေကိုထိရောက်စွာစစ်ဆေးသင့်တာကြာပါပြီ။ဆိုင်ကယ်ဦးထုပ်မစောင်းတဲ့သူကအောင်လံမှာများပါတယ်။အဲဒါကြောင့်လဲဆိုင်ကယ်တိုက်မှုဖြစ်တိုင်းသေဆုံးမှုတွေဖြစ်ရခြင်းဖြစ်ပါတယ်။နောက်ပြီးဆိုင်ကယ်ကိုအသက်မပြည့်ဘဲနဲ့စည်းကမ်းမဲ့အရမ်းမောင်းနင်းမှုတွေကိုလည်းနေ့စဉ်စစ်ဆေးသင့်ပါတယ်"ဟုမြို့မိမြို့ဖတစ်ဦးကပြောသည်။

ညီမှူးအိမ်(အောင်လံ)
အောင်လံမြို့
ဖုန်း၀၉၄၀၁၆၄၂၀၉၈

 

0 comments:

Post a Comment