လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ပြည်ထောင်စုဝန်ကြီးမှ Quarantine Center များရှိ စေတနာ့ဝန်ထမ်းများအား ဂုဏ်ပြုမှတ်တမ်းလွှာပေးအပ်

မင်းဘူး       ဇွန်            ၁၆

          မကွေးတိုင်းဒေသကြီး၊ မင်းဘူးခရိုင်၊ မင်းဘူးမြို့(စကု)မြို့နယ်အတွင်းရှိ Quarantine Center များတွင် တာဝန်ထမ်းဆောင်လျက်ရှိသော စေတနာ့ဝန်းထမ်းများကို လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ပြည်ထောင်စုဝန်ကြီး ဒေါက်တာဝင်းမြတ်အေးက  ဂုဏ်ပြုမှတ် တမ်းလွှာပေးအပ်ခြင်းကို ယနေ့နံနက် ၁၀ နာရီအချိန်က မင်းဘူးမြို့၊ စက္ကိန်းတဲဘုရားဝန်းအတွင်းရှိ Quarantine Center ၌ ပေးအပ်ခဲ့ကြောင်း သိရသည်။

        

  ထို့နောက် ပြည်ထောင်စုဝန်ကြီး ဒေါက်တာဝင်းမြတ်အေးမှ Quarantine Center များရှိ စေတနာ့ ဝန်ထမ်းများအတွက် ဂုဏ်ပြုမှတ်တမ်းလွှာများကိုမကွေးတိုင်းဒေသကြီး ဝန်ကြီးချုပ် ဒေါက်တာ အောင်မိုးညို ထံသို့ ပေးအပ်ခဲ့သည်။

          ဆက်လက်၍ ပြည်ထောင်စုဝန်ကြီးနှင့် မကွေးတိုင်းဒေသကြီး ဝန်ကြီးချုပ်တို့က  ထောက်ပံ့ရေး ပစ္စည်းများကိုပေးအပ်ရာ စေတနာ့ဝန်ထမ်းများကိုယ်စား ဦး‌ဇော်လင်းအောင်နှင့် ဒေါ်မိုးဆွေတို့အား အသီးသီး ပေးအပ်ခဲ့သည်။

          ၎င်းနောက် လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ပြည်ထောင်စုဝန်ကြီး ဒေါက်တာဝင်းမြတ်အေးက Quarantine Center များရှိ ကိုယ်ဝန်ဆောင် မိခင်များ၊ အသက်(၅)နှစ်အောက်ကလေးများ၊ အသက်(၆၀)နှစ်နှင့်အထက်သက်ကြီးရွယ်အိုများနှင့် မသန်စွမ်းသူများအတွက် ထောက်ပံ့ငွေများကို ပေးအပ်ခဲ့ရာ စက္ကိန်းတဲဘုရား Quarantine Center ကြီးကြပ်ရေးတာဝန်ခံ မြို့နယ်စိုက်ရေးဦးစီးဌာန၊ မြို့နယ်ဦးစီးမှူး ဦးသိန်းနိုင်ဝင်းမှ လက်ခံရယူ ခဲ့ကြောင်း သိရသည်။     

          အဆိုပါ ထောက်ပံ့ငွေးများကို တစ်ဉီးလျင် ၃၀၀၀၀ ကျပ်နှုန်းဖြင့် ကိုယ်ဝန်ဆောင်မိခင် ၄ ဦး၊ အသက်(၅)နှစ်အောက်ကလေး ၁ ဦး တို့ကို သက်ဆိုင်ရာတာဝန်ရှိသူများက ဆက်လက် ထောက်ပံ့ပေး အပ်ခဲ့ကြောင်း သိရသည်။

                                                                                                မောင်မောင် (မင်းဘူး)