Friday, June 19, 2020

လူနာတင်ယာဥ်တစ်စီး အရှိန်မထိန်းနိုင်ဘဲ လမ်းဘေးသစ်ပင် ဝင်တိုက်ကာ ရေမြောင်းအတွင်းထိုးကျမှုဖြစ်ပွား




မင်းဘူး ဇွန် ၂၀
မကွေးတိုင်းဒေသကြီး၊ မင်းဘူး(စကု)မြို့နယ်တွင် လူနာတင်ယာဥ် တစ်စီး ​ရှေ့ကားကျော်တက်ရာမှ အရှိန်မထိန်းနိုင်ဘဲ လမ်းဘေးသစ်ပင် ဝင်တိုက်ကာ ရေမြောင်းအတွင်းထိုးကျမှု ဖြစ်ပွားခဲ့ကြောင်း မင်းဘူး မြို့မရဲစခန်းမှ သိရသည်။

ဖြစ်စဥ်မှာ ဇွန် ၁၉ ရက်နေ့ မွန်းလွဲ ၃ နာရီခွဲအချိန်က ငဖဲမြို့နယ် ပြည်သူ့ဆေးရုံမှ ယာဥ်မောင်း ကျော်နိုင်ထွန်း မောင်းနှင်းပြီး လူနာတစ်ဦး တင်ဆောင်၍ မင်းဘူး-ပဒါန်း ကားလမ်းအတိုင်း ထွက်ခွာလာရာ ကန်ရေ အမှတ်()ကျေးရွာအနီးတွင် ​ရှေ့မှမောင်းနှင်နေသော ကားတစ်စီးအား ကျော်တက်စဥ် အရှိန်မထိန်းနိုင်ဘဲ လမ်းဝဲဘက်ခြမ်းရှိ ထနောင်းပင်အား ပွတ်တိုက်မိပြီး အရှိန်လွန်၍ လမ်းဘေးရေလွှဲမြောင်းအတွင်းသို့ ထိုးကျကာ ယာဥ်၏ရှေ့ခေါင်းပိုင်းပျက်စီးခဲ့ပြီး လူ ၅ ဦး ဒဏ်ရာရရှိခဲ့ ကြောင်း သိရသည်။

အဆိုပါ ယာဥ်တိုက်မှုကြောင့် ယာဥ်မောင်း အမျိုးသားတစ်ဦးနှင့် အမျိုးသမီးတစ်ဦး (စိုးရိမ်ရ) ဒဏ်ရာနှင့် ကျန်အမျိုးသားတစ်ဦးနှင့် အမျိုးသမီးနှစ်ဦးတို့မှာ (မစိုးရိမ်ရ) ဒဏ်ရာများအသီးသီးရရှိခဲ့ပြီး မကွေးတိုင်း​ဒေသကြီး ပြည်သူ့ဆေးရုံသို့ ပို့ဆောင်ကာ ဆေးကုသမှု ခံယူလျက်ရှိကြောင်း မင်းဘူးမြို့မရဲစခန်း ဒုရဲအုပ်ကျော်ငြိမ်းထံမှ သိရှိရသည်။

အဆိုပါဖြစ်စဥ်နှင့်ပတ်သက်၍ ယာဥ်မောင်း ကျော်နိုင်ထွန်းအား  မင်းဘူးမြို့မရဲစခန်းတွင် အမှုဖွင့်အရေးယူ ဆောင်ရွက်ထားရှိကြောင်း သိရှိရသည်။
                                                                              မောင်မောင် (မင်းဘူး)

0 comments:

Post a Comment