Saturday, May 2, 2020

အခြေခံလူတန်းစား လက်လုပ်လက်စား အိမ်ထောင်စုများသို့ စားသောက်ကုန်ပစ္စည်းများ ထောက်ပံ့လှူဒါန်း




မြင်းခြံ  မေ 
                   မြင်းခြံမြို့ အမှတ် (၁၈) ရပ်ကွက်အတွင်းရှိ အခြေခံလူတန်းစား လက်လုပ် လက်စားအိမ်ထောင်စုများသို့ကိုအောင်အောင်နှင့်သူငယ်ချင်းများကစားသောက်ကုန်ပစ္စည်းများ ထောက်ပံ့လှူဒါန်းခြင်းကို Corona Save Together (CST) ပရဟိတအဖွဲ့မှကူညီပြီး မေလ ၂ ရက် ညနေ ၅ နာရီ အချိန်က လိုက်လံပေးဝေခဲ့ကြောင်း သိရှိရသည်။

                   မြင်းခြံမြို့ ကိုအောင်အောင်နှင့် သူငယ်ချင်းများက COVID-19 ရောဂါကြိုတင် ကာကွယ်ထိန်းချုပ်ကုသရေးကာလတွင် အခြေခံလူတန်းစား လက်လုပ်လက်စားများအနေဖြင့် စားဝတ်နေရေး အခက်အခဲမရှိ အဆင်ပြေစေရန်အတွက် စုပေါင်းလှူဒါန်းသော စားသောက်ကုန် ပစ္စည်းများကို အမှတ် ၁၈ ရပ်ကွက်အတွင်းရှိ လက်လုပ်လက်စား အိမ်ထောင်စု ၁၂၀ အတွက် အိမ်ထောင်စု တစ်စုလျှင် ဆန် ၂ ပြည်၊ ဆီ ၅၀ ကျပ်သား၊ ငါးသေတ္တာ ၁ ဘူး၊ ဆား ၅၀ ကျပ်သား၊ ကုလားပဲ ၁ ဘူး၊ ကြက်ဥ ၅ လုံး၊ ဟင်းချိုမှုန့် ၁ ထုပ်၊ Mask ၁ ခု စုစုပေါင်း ပစ္စည်း ၈ မျိုးအား Corona Save Together (CST) ပရဟိတအဖွဲ့မှ အိမ်အရောက်ပို့ဆောင်ပေးလျက်ရှိကြောင်း သိရှိရသည်။

                   Corona Save Together (CST) ပရဟိတအဖွဲ့သည် မြင်းခြံမြို့အတွင်း နေထိုင်သူ များ အိမ်အပြင်မထွက်စေဘဲ ဈေးများတွင် လူစုလူဝေးဖြစ်ပွားမှုကို လျော့ချစေရန် ရည်ရွယ်၍ ဈေးဝယ်ခြင်းအထောက်အကူပြုစေရန်အတွက် ဝန်ဆောင်မှု အခမဲ့ ဖြင့် ပြည်သူများမှာယူသည့် ပစ္စည်းများကိုလည်း အိမ်အရောက်လိုက်လံပို့ဆောင်ပေးလျက်ရှိကြောင်း သိရှိရသည်။
                                                                                      ကိုကျော်စွာ(IPRD)

0 comments:

Post a Comment