မင်းဘူးမြို့ခရိုင်ပြည်သူ့ဆေးရုံကြီးသို့ ငွေကျပ် (၂၆) သိန်းခန့်တန်ဖိုးရှိ ဆေးရုံသုံးပစ္စည်းများ လာရောက်လှူဒါန်း

မင်းဘူး          မေ          ၂

          မကွေးတိုင်းဒေသကြီး၊ မင်းဘူးမြို့ရှိ ခရိုင်ပြည်သူ့ဆေးရုံကြီးသို့ Covid-19 ရောဂါ ကာကွယ်ထိန်းချုပ်ကုသရေးလုပ်ငန်းများတွင် အသုံးပြုရန်အတွက် မြန်မာနိုင်ငံ ပဲမျိုးစုံနှင့်  နှမ်းကုန်သည်များအသင်း နှင့် ဦးစိုးပိုင် + ဒေါ်ခင်မြတ်ဆွေ (Paing Family International Co.Ltd) မိသားစုတို့မှ ဆေးရုံသုံးပစ္စည်းများကို ယနေ့နံနက် ၉ နာရီအချိန်က မင်းဘူးမြို့၊ ခရိုင်ပြည်သူ့ဆေးရုံကြီးအစည်းအဝေးခန်းမ၌ လာရောက်လှူဒါန်းခဲ့ကြောင်း သိရသည်။

          အဆိုပါလှူဒါန်းမှုများကို  မြန်မာနိုင်ငံ ပဲမျိုးစုံနှင့်  နှမ်းကုန်သည်များအသင်းမှ တစ် ကိုယ်ရေကာကွယ်ရေးဝတ်စုံ အစုံ ၆၀ ၊ အပူချိန်တိုင်းကိရိယာ ၁ ခု၊ glasses (Soft) မျက်မှန် ၃၅ ခု၊ N95 နှာခေါင်းစည်း (Mask) အခု ၂၀ ၊ ခွဲစိတ်ခန်းသုံးနှင့် ဆေးရုံးသုံး နှားခေါင်းစည်း (Mask) အခု ၂၂၀ ၊ ဆေးရုံးသုံးခြေအိတ် ၃၆ စုံ၊ Hand Gel ၁၀ ဗူး၊ ကုလားပဲအခြမ်း တစ်ကီလို ၁၅ ထုပ်နှင့် ပဲစဉ်းငုံအခြမ်း တစ်ကီလို ၁၅ ထုပ် တို့ကိုလည်းကောင်း၊ ဦးစိုးပိုင် + ဒေါ်ခင်မြတ်ဆွေ (Paing Family International Co.Ltd) မိသားစုတို့မှ တစ်ကိုယ်ရေ ကာကွယ်ရေးဝတ်စုံ အစုံ ၂၀၊ မျက်မှန်အခု ၂၀ ၊ N95 နှာခေါင်းစည်း (Mask) အခု ၃၀၊  နှာခေါင်းစည်း (Mask) အခု ၅၀၀ ၊ လက်အိတ် အစုံ ၅၀၀ ၊ ခေါင်းစွတ်အခု ၂၀ ၊ ဆေးရုံးသုံး ခြေအိတ် ၁၀ စုံ နှင့် Hand Gel ၂ ဗူး တို့ကိုလည်းကောင်း လာရောက်လှူဒါန်း ခဲ့ကြပြီး တာဝန်ရှိသူများက လက်ခံရယူကြသည်။ ထို့နောက် ခရိုင်ပြည်သူ့ဆေးရုံအုပ်ကြီးမှ ဂုဏ်ပြု မှတ်တမ်းလွှာ ပေးအပ်ခဲ့ပြီး ကျေးဇူးတင်စကား ပြန်လည်ပြောကြားခဲ့သည်။

ဆက်လက်၍ Covid-19 ရောဂါကာကွယ်ထိန်းချုပ်ကုသရေးလုပ်ငန်းများတွင် အသုံး ပြုရန်အတွက် လှူဒါန်းသည့် ဆေးရုံသုံးပစ္စည်းများကို လိုအပ်သော ကုသရေးဌာနများသို့ ဆက်လက်ဖြန့်ဝေဆောင်ရွက်ပေးသွားမည်ဖြစ်ကြောင်း၊ အဆိုပါအလှူရှင်များမှ လှူဒါန်းမှု အားလုံးသည် စုစုပေါင်းတန်ဖိုးငွေကျပ် (၂၆)သိန်းခန့် ရှိကြောင်း မင်းဘူးမြို့၊ ခရိုင်ပြည်သူ့ ဆေးရုံအုပ်ကြီး ဒေါက်တာတင့်ခိုင်ထံမှ  သိရသည်။

 မောင်မောင်(မင်းဘူး)