Sunday, March 8, 2020

အမ်းတောင်ကြားလမ်းတွင် အထောက်အထားမဲ့ ဝင်ရောက်လာကြသော ဘင်္ဂါလီအမျိုးသမီး(၃)ဦး အား ဖမ်းဆီးရမိ


မကွေး မတ်လ(၇)ရက်
မတ်လ(၇)ရက်နေ့ နံနက်(၃)နာရီ(၅၀)မိနစ် အချိန်ခန့်က မကွေးတိုင်းဒေသကြီး မင်းဘူးခရိုင် ငဖဲမြို့နယ်အမ်းတောင်ကြားလမ်းတွင် အထောက်အထားမဲ့ ဝင်ရောက်လာကြသော ဘင်္ဂါလီအမျိုးသမီး(၃)ဦး အား ဖမ်းဆီးရမိ ကြောင်းသိရသည်။
‌ငဖဲမြို့နယ်အမ်းတောင်ကြားလမ်း တုံးကြီး ကျေးရွာအနီးတွင် အထောက်အထားမဲ့ ဝင်ရောက်လာကြသော ဘင်္ဂါလီများ ရောက်ရှိနေကြောင်း သတင်းအရ ငဖဲမြို့နယ် ဂုတ်ကြီး ရဲကင်းစခန်းမှူး ရဲအုပ် ရဲနိုင်စိုး ဦးစီး(၁+၃)ဦး မထုံးကျေးရွာ ရွာခွဲတာဝန်ခံ ဦးစန်းလွင်ဦး တုံးကြီးရွာ ရွာခွဲတာဝန်ခံ ဦးမင်းနိုင် စရဖ(လပခ)နယ်မြေတာဝန်ခံ တပ်ကြပ်ကြီး ဝင်းမင်းဌေး သတင်းရဲတပ်ဖွဲ့(SB)မှ ရဲတပ်ကြပ်ကြီး မြင့်သူ တို့ ပါဝင်သည့် ပူးပေါင်းအဖွဲ့များမှ သွားရောက်စုံစမ်းမှုများပြု လုပ်ခဲ့ကြရာ နံနက်(၅)နာရီ(၁၅)မိနစ်အချိန် ခန့်တွင် မင်းဘူး-အမ်း ကားလမ်း မိုင်တိုင်အမှတ် (၆၄)အနီး အမ်းတောင်ကြားလမ်း တုံးကြီးကျေးရွာတွင် ရခိုင်ပြည်နယ်ဘက်မှ အထောက်အထားမဲ့ဝင်ရောက်လာကြသော ဘင်္ဂါလီအမျိုးသမီး ၃ ဦးတွေ့ရှိဖမ်းဆီးရမိ ခဲ့ကြောင်းသိရသည်။
အဆိုပါဖမ်းဆီးရမိသူများမှာ မအာရဖာ(၂၂) နှစ် ဆန်ကူလီကျေးရွာ စစ်တွေမြို့နယ်မမာဂျောဒါ (၁၉)နှစ် ပိုက်ဆိပ်ကျေးရွာ ကျောက်တော်မြို့နယ်
မမာဘီနာ(ခ)မနီနီခိုင်(၁၅)နှစ် (လိပ်စာတူ) (၃)ဦးတို့ဖြစ်ကြောင်းသိရသည်။
ယင်းဖမ်းဆီးရမိသူများကို ငဖဲမြို့နယ် ရဲတပ်ဖွဲ့မှူး ရုံး သို့ ခေါ်ဆောင်လာကာ ငဖဲမြို့နယ် ရဲတပ်ဖွဲ့မှူး ရဲမှူး ကျော်နိုင် ဦးစီး (၃)ဦး ငဖဲမြို့နယ် ဒုလဝက မှူး ဦးဟိန်းဦးဇော် ပါ(၁+၂)ဦး စရဖ(လပခ) နယ်မြေတာဝန်ခံ တပ်ကြပ်ကြီး ဝင်းမင်းဌေး သတင်းရဲတပ်ဖွဲ့(SB)မှ ရဲတပ်ကြပ်ကြီး မြင့်သူ တို့ပါဝင်သည့် ပူးပေါင်းအဖွဲ့များမှ အသေးစိတ်စ စ်ဆေးမှုများ ဆောင်ရွက်နေကြကြောင်း သတင်းရရှိသည်။
သတင်း ဇာမဏီ

0 comments:

Post a Comment