Wednesday, November 20, 2019

မင်းဘူးမြို့ ၊ ဂျိုင်းထမင်းဆိုင်အနီး၊ မင်းဘူး-မကွေး ကားလမ်းဘေး ရေဆိုးမြောင်းအတွင်း လူသေအလောင်း တွေ့ရှိ


မင်းဘူး          နိုဝင်ဘာ        ၁၈
                   မကွေးတိုင်းဒေသကြီး၊ မင်းဘူးမြို့၊ ဂျိုင်းထမင်းဆိုင်အနီး၊ မင်းဘူး-မကွေး ကားလမ်း ဘေး ရေဆိုးမြောင်းအတွင်း လူသေအလောင်း(၁)လောင်းအား ယနေ့ နံနက် ၇ နာရီခွဲ အချိန်က တွေ့ရှိခဲ့ကြောင်း မင်းဘူးမြို့မ ရဲစခန်းမှ သိရသည်။
          ဖြစ်စဉ်မှာ သေဆုံးသူ ကျော်မျိုးစန်း၊ (၄၂)နှစ်၊ (ဘ) ဉီးစန်းငွေ ၊ မှီခို ၊  မင်းဘူးမြို့၊ အမှတ်(၁)ရပ်ကွက် ၊ ရေနံပြင်ရပ်  နေသူဖြစ်ကြောင်း သိရသည်။ ၄င်းသည် မကွေး-မင်းဘူး ကားလမ်းဘေး ၊  ဂျိုင်းထမင်းဆိုင်အနီး ရေဆိုးမြောင်းအတွင်းသို့ အရက်မူးလွန်၍ ပြုတ်ကြသည်ဟု ယူဆရကာ ရေထဲသို့ မျက်နှာနစ်၍ မှောက်လျှက် အနေအထားဖြင့် ခန္ဓာကိုယ်တွင် ပြင်ပဒဏ်ရာ မတွေ့ရှိဘဲ သေဆုံးနေသည်ကို စုံစမ်းတွေ့ရှိရသဖြင့် မင်းဘူးခရိုင် ပြည်သူ့ဆေးရုံးကြီးသို့ ပို့ဆောင် ခဲ့ကြောင်း သိရသည်။ ထို့နောက်  သေဆုံးသူ ကျော်မျိုးစန်းအား ဓမ္မတာအတိုင်း သေဆုံးခြင်း ဟုတ်/မဟုတ် စစ်ဆေးရန် မင်းဘူးမြို့မ ရဲစခန်း ဒုရဲမှူးမြင့်ဇော်မှ စစ်ဆေးဆောင်ရွက်လျှက် ရှိကြောင်း သိရသည်။
          အဆိုပါ ဖြစ်စဉ်အား မင်းဘူးမြို့မ ရဲစခန်းမှ နယ်ထိန်းခေါင်းဆောင် ဒုရဲအုပ် ကျော်ငြိမ်းနှင့် အဖွဲ့၊ တာဝန်မှူး ဒုရဲအုပ် သက်နိုင်ဉီး ၊ အမှတ်(၄)ရပ်ကွက် အုပ်ချုပ်ရေးမှူး ဉီးစိန်သောင်း ၊ အမှတ် (၃)ရပ်ကွက် ၊ အရန်မီးသတ်တပ်ခွဲမှူး ဉီးမောင်ဝင်း တို့နှင့်အတူ သွားရောက်စစ်ဆေးခဲ့ကြောင်း မင်းဘူးမြို့မ ရဲစခန်းမှ သိရသည်။                                                    ကျော်စိုးဝင်း(မင်းဘူး)

0 comments:

Post a Comment