Monday, October 7, 2019

ထောက်ရှာပင် /ကမ်းနီရေနံမြေ မှလူမှုရေးတာဝန်သိမှု CSR လုပ်ငန်းဆောင်ရွက်ထားရှိမှု လုပ်ငန်းများအား ကွင်းဆင်းစစ်ဆေးဆောင်ရွက်


ထောက်ရှာပင် /ကမ်းနီရေနံမြေ မှလူမှုရေးတာဝန်သိမှု CSR လုပ်ငန်းဆောင်ရွက်ထားရှိမှု
လုပ်ငန်းများအား ကွင်းဆင်းစစ်ဆေးဆောင်ရွက်
မင်းဘူး          အောက်တိုဘာ                 
          မကွေးတိုင်းဒေသကြီး၊ မင်းဘူးခရိုင်၊ မင်းဘူးမြို့ မြန်မာ့ရေနံနှင့် သဘာဝဓာတ်ငွေ့လုပ်ငန်း၊ ထောက်ရှာပင်/ကမ်းနီးရေနံမြေ ၂၀၁၈-၁၉ ဘဏ္ဍရေးနှစ်အတွင်း CSR လုပ်ငန်း အစီအစဉ်ဖြင့် ဆောင်ရွက်ထားရှိသည့် ပညာရေးကဏ္ဍ၊ ကျန်းမာရေးကဏ္ဍနှင့် လူမှုအထောက်အကူပြုကဏ္ဍ လုပ်ငန်းများဆောင်ရွက်ပြီးစီးမှု အခြေအနေများကို ယမန်နေ့ နံနက် ၈ နာရီ အချိန်က    ထောက်ရှာပင်/ကမ်းနီးရေနံမြေ ရွှေရောင်တော်အစည်းအဝေးခန်းမ ကျင်းပခဲ့ကြောင်း သိရသည်။
          ထို့နောက် ၂၀၁၈-၁၉ ဘဏ္ဍရေးနှစ်အတွင်း ဆောင်ရွက်လျက်ရှိသည့် ပညာရေးကဏ္ဍ၊ ကျန်းမာရေးကဏ္ဍနှင့် လူမူအထောက်အကူပြုကဏ္ဍတို့မှ CSR လုပ်ငန်းဆောင်ရွက်ထားရှိမှု အခြေအနေများအား  သတ်မှတ်ထားသော အရည်အသွေး ၊ စံချိန်စံညွှန်း ၊ အမျိုးအစား နှင့် ကိုက်ညီမှု ရှိ/မရှိအား အရည်အသွေးစစ်ဆေးရေးနှင့် လက်ခံရေးကော်မတီဝင်များမှ စစ်ဆေး ကြည့်ရှုခဲ့ကြောင်း သိရသည်။
၂၀၁၈-၁၉ ဘဏ္ဍရေးနှစ်အတွင်း        ပညာရေးကဏ္ဍ၊ ကျန်းမာရေးကဏ္ဍနှင့် လူမူအထောက် အကူပြုကဏ္ဍတို့မှ CSR လုပ်ငန်းဆောင်ရွက်ထားပေးခဲ့ရာ ရွှေရောင်တော် ဆေးပေးခန်းသို့ ဆေးရုံးသုံးပစ္စည်းများ၊  ရွှေရောင်တော်(အ.ထ.က-ခွဲ)ကျောင်းသို့ သိပ္ပံခန်းသုံးပစ္စည်းများ၊ နန်းတော် ကုန်းကျောင်း(အ.ထ.က- ခွဲ) ကျောင်းသို့ သိပ္ပံခန်းသုံးပစ္စည်းများ နှင့် သုတ ၊ရသ စာအုပ်များ၊ ရွာသာယာ(အ.ထ.က-ခွဲ)ကျောင်းသို့ သိပ္ပံခန်းသုံးပစ္စည်းများ၊ ထိန်တောကျေးရွာ ကျောက်ကြီး စီနံရံနှင့် ကွန်ကရစ်လမ်းခင်းခြင်း၊ ကုန်းတင်ကျေးရွာသို့ ဆိုလာ မီးအလုံးပေါင်း (၈၀)လုံး၊ ပက်ပယ် မကျီးသုံးပင် သို့ ကွန်ကရစ်လမ်းခင်းခြင်း စသည့်လုပ်ငန်းများအား ဆောင်ရွက်ပေးခဲ့ကြောင်း သိရသည်။
          အဆိုပါကွင်းဆင်းဆောင်ရွက်ရာသို့ တိုင်းဒေသကြီးလွှတ်တော်ကိုယ်စားလှယ် ဉီးကျော်စွမ်း ရည်၊ မင်းဘူး(စကု)မြို့နယ် အုပ်ချုပ်ရေးမှူး ဉီးသိန်းဇော်ကံ နှင့် ခရိုင်/မြို့နယ် ဌာနဆိုင်ရာ တာဝန်ရှိသူများ ကွင်းဆင်းစစ်ဆေးခဲ့ကြောင်း သိရသည်။                             ကျော်စိုးဝင်း(မင်းဘူး)

0 comments:

Post a Comment