Tuesday, September 3, 2019

မကွေးတိုင်းဒေသကြီးဝန်ကြီးချုပ်ဖလား(၂၅)မြို့နယ် အသက်(၁၈)နှစ်အောက် အမျိုးသား/အမျိုးသမီး ပြေးခုန်ပစ်ပြိုင်ပွဲကျင်းပ




မကွေး     စက်တင်ဘာ    
မကွေးတိုင်းဒေသကြီးအစိုးရအဖွဲ့ ၀န်ကြီးချုပ်ဖလား(၂၅)မြို့နယ် အသက်(၁၈)နှစ်အောက် အမျိုး သား/အမျိုးသမီး ပြေခုန်ပစ်ပြိုင်ပွဲကို စက်တင်ဘာ ၂ ရက်နေ့မှ ၄ ရက်နေ့အထိကျင်းပပြုလုပ်မည်ဖြစ်ပြီး  ယမန်နေ့ နံနက်ပိုင်းက ဖွင့်ပွဲအခမ်းအနားကို ကျင်းပရာ တိုင်းဒေသကြီးအစိုးရအဖွဲ့ လူမှုရေးဝန်ကြီး ဒေါက်တာခင်မောင်အေး တက်ရောက်အမှာစကားပြောကြားကာ ဖွင့်လှစ်ပေးခဲ့ကြောင်း သိရသည်။

ဖွင့်ပွဲ အခမ်းအနားတွင် လူမှုရေးဝန်ကြီးက တစ်မျိုးသားလုံး ကျန်းမာကြံ့ခိုင်ရေး၊ ပြည်သူတစ်ရပ် လုံးအားကစားကို စိတ်ပါဝင်စားလာစေရန်နှင့်လူတစ်စုအားကစားမှ ပြည်သူလူထုတစ်ရပ်လုံးပါဝင်သည့် လူထုအားကစား အသွင်သို့ ဖေါ်ဆောင်နိုင်ရေးအတွက် အားကစားကို ကျယ်ပြန့်စွာပြုလုပ်ခြင်းဖြင့် ရပ်ကွက်/ကျေးရွာ/မြို့နယ်များမှ လူငယ်အားကစားသမားများ ပေါ်ထွက်လာစေရေးကို ရည်ရွယ်ပြီး သက်တမ်းလိုက် ပြေးခုန်ပစ် ပြိုင်ပွဲကို ကျင်းပပေးရခြင်းဖြစ်ကြောင်း၊မကွေးတိုင်းဒေသကြီး(၂၅)မြို့နယ်မှ ပြေးခုန်ပစ်အားကစားသမားများ အချင်းချင်းတွေ့ဆုံ၍ ရင်းနှီးချစ်ကြည်စွာ ယှဉ်ပြိုင်ကစားကြပြီး တိုင်းဒေသကြီးနှင့်ပြည်နယ် ပြေးခုန်ပစ်အားကစားပြိုင်ပွဲသို့ ၀င်ရောက်ယှဉ်ပြိုင်လျှင် အောင်မြင်မှုများ ရရှိစေရေးအတွက် ကျင်းပပြုလုပ်ခြင်းဖြစ်ကြောင်း ပြောကြားသည်။

အဆိုပါပြိုင်ပွဲသို့ တိုင်းဒေသကြီးးအတွင်းရှိ မြို့နယ်အသီးသီးမှ ပြေးခုန်ပစ် လူငယ်အားကစားသမား (၅၀၀)ကျော် ပြိုင်ပွဲဝင်ယှဉ်ပြိုင်ခဲ့ကြပြီး ပြိုင်ပွဲများတွင် ဆုရရှိသူများအား စက်တင်ဘာ ၄ ရက်နေ့တွင် ဆုများချီးမြှင့်ပေးအပ်သွားမည်ဖြစ်သည်။

မကွေးတိုင်းဒေသကြီး ပြေးခုန်ပစ်အသင်းအနေဖြင့် ၂၀၁၇ ခုနှစ်(၁၈)နှစ်အောက် ပြေးခုန်ပစ် ပြိုင်ပွဲတွင် ရွှေ(၇)၊ငွေ(၈)၊ကြေး(၇)ခု တံခွန်စိုက်ဆုကို လည်းကောင်း၊၂၀၁၈ ခုနှစ် (၁၈)နှစ်အောက် ပြေး ခုန်ပစ် ပြိုင်ပွဲတွင် ရွှေ(၃)၊ငွေ(၆)၊ကြေး(၈)ခုဖြင့် တံခွန်စိုက် ဆုကိုလည်းကောင်း၊၂၀၁၈ ခုနှစ် အသက် (၂၅)နှစ်အောက် အလွတ်တန်း ပြေးခုန်ပစ်ပြိုင်ပွဲတွင် ရွှေ(၄)၊ငွေ(၇)၊ကြေး(၂) အမျိုးသား/အမျိုးသမီး တံခွန်စိုက်ဆုကို ရရှိထားကြောင်း သိရှိရသည်။
သန်းနိုင်ဦး(ငဖဲ)

0 comments:

Post a Comment