Saturday, July 6, 2019

ကျေးရွာစာကြည့်တိုက်များဖွံ့ဖြိုးတိုးတက်ရေး တွေ့ဆုံဆွေးနွေးပွဲကျင်းပ


စလင်း၊ ဇူလိုင် ၄
          မကွေးတိုင်းဒေသကြီး၊ မင်းဘူးခရိုင်၊ စလင်းမြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာနရုံး လူထုအခြေပြုဗဟိုဌာန(Community Center)ခန်းမ၌ ယနေ့နံနက် ၁၀ နာရီအချိန်က မြန်မာနိုင်ငံစာကြည့် တိုက်ဖောင်ဒေးရှင်းမှ မကွေးတိုင်းတာဝန်ခံ ဦးသန်းအေး(စာရေးဆရာ စလင်းဘုန်းကျော်)နှင့် မြို့နယ် စာကြည့်တိုက်ဖောင်ဒေးရှင်းအဖွဲ့၊ ကျေးရွာစာကြည့်တိုက်မှူးများတွေ့ဆုံ၍ မြို့နယ်အတွင်းရှိကျေးရွာ စာကြည့်တိုက်များဖွံ့ဖြိုးတိုးတက်ရေးတွေ့ဆုံဆွေးနွေးပွဲကျင်းပခဲ့သည်။

         
ဦးစွာဆွေးနွေးပွဲတွင် မြန်မာနိုင်ငံစာကြည့်တိုက်များဖောင်ဒေးရှင်းကော်မတီဝင် ဦးသန်းအေးမှ စာကြည့်တိုက်များတွင်ရှိရမည့်အခြေခံလိုအပ်ချက်များ၊  စာပေလုပ်ငန်းတွင်စိတ်ဝင်းစားပြီး တက်ကြွသည့် စာကြည့်တိုက်မှူးများနှင့်ရပ်ရွာမှပူးပေါင်းဆောင်ရွက်နိုင်ရေး၊ ဗဟိုစာကြည့်တိုက်ဖောင်ဒေးရှင်းမှ စာကြည့် တိုက်လုပ်ငန်းများအတွက် ထောက်ပံ့ပေးမည့်အစီအစဉ်များနှင့် ဆက်သွယ်ဆောင်ရွက်မည့်နည်းလမ်းများ၊ စာကြည့်တိုက်ရေရည်တည်တံ့ရေးနှင့်ရှင်သန်နေသာစာကြည့်တိုက်များဖြစ်ပ်ါလာစေရေးဆွေးနွေးပြောကြား သည်။ ဆက်လက်၍ မြို့နယ်စာကြည့်တိုက်ဖောင်ဒေးရှင်းဥက္ကဌ ဦးမင်းဆွေမှ မြို့နယ်အတွင်းရှိစာကြည့် တိုက်များအခြေအနေ၊ စာဖတ်ရှိန်မြှင့်တင်ရေးလုပ်ငန်းများနှင့်ရှေ့ဆောင်ရွက်မည့်လုပ်ငန်းများဆွေးနွေးပြီး တက်ရောက်လာသော ကျေးရွာစာကြည့်တိုက်မှူးများက တွေ့ကြုံရသည့်အခက်အခဲများ သိရှိလိုသည်များ ကိုမေးမြန်းဆွေးနွေးရာ တိုင်းဒေသကြီးတာဝန်ခံမှ အားလုံးပူးပေါင်းဖြေရှင်းနိုင်ရေးဆွေးနွေးခဲ့သည်။

          ထို့နောက် တိုင်းဒေသကြီးတာဝန်ခံမှ စလင်းမြို့နယ်အသင်း(ရန်ကုန်)၏ရွှေရတုအထိမ်းအမှတ် မဂ္ဂဇင်းထုတ်ဝေနိုင်ရေး စာမူများဖိတ်ခေါ်ဆောင်ရွက်နေမှုများဆွေးနွေးပြီး ကျေးရွာစာကြည့်တိုက်များသို့ သုတ/ရသ စာအုပ်စာစောင်များပေအပ်လှူဒါန်းခဲ့ကြောင်းသိရသည်။
          စိုးမိုးသူ (စလင်း)

0 comments:

Post a Comment