Monday, July 1, 2019

အောင်ပွဲရ ဆင်ဖြူကျွန်းမြို့ အမျိုးသမီးဘတ်စကက်ဘောအသင်းအား မြို့ခံလူထုမှ သောင်းသောင်းဖြဖြ ကြိုဆို



ဆင်ဖြူကျွန်း၊ ဇူလိုင် ၂
          ၂၀၁၉ ခုနှစ် မကွေးတိုင်းဒေသကြီးအစိုးရအဖွဲ့ ဝန်ကြီးချုပ်ဖလား (၅)ခရိုင်အသက်(၂၅)နှစ်အောက် အမျိုးသား/အမျိုးသမီး ဘတ်စကက်ဘောပြိုင်ပွဲတွင် မင်းဘူးခရိုင်ကိုယ်စားပြုအဖြစ် ဆင်ဖြူကျွန်းမြို့ အမျိုးသမီး ဘက်စကက်ဘောအသင်းမှဝင်ရောက်ယှဉ်ပြိုင်ခဲ့ရာ ပထမဆုဖလားကြီးအား ထိုက်ထိုက် တန်တန်ဆွတ်ခူးရရှိခဲ့၍ ယမန်နေ့ညနေကအိမ်ပြန်ခရီးတွင် မြို့ခံလူထုမှသောင်းသောင်းဖြဖြကြိုဆိုခဲ့ကြ ကြောင်းသိရသည်။

          ပြိုင်ပွဲကို မကွေးတိုင်းဒေသကြီးအတွင်းရှိ မကွေး၊ မင်းဘူး၊ သရက်၊ ပခုက္ကူနှင့် ဂန့်ဂေါစသည့် (၅)ခရိုင်မှ အသင်းများဝင်ရောက်ယှဉ်ပြိုင်ခဲ့ကြပြီး ဇွန်လ ၂၈ ရက်နေ့မှ ဇူလိုင်လ ၁ ရက်နေ့အထိ မကွေးမြို့ မိုးလုံလေလုံအားကစားရုံးတွင်ကျင်းပခဲ့သည်။ ပြိုင်ပွဲတွင် အမျိုးသမီးဗိုလ်လုပွဲအဖြစ် ယမန့်နေ့နံနက်က မကွေးခရိုင်အမျိုးသမီးဘက်စကက်ဘောအသင်းနှင့် မင်းဘူးခရိုင်ကိုယ်စားပြု ဆင်ဖြူကျွန်းမြို့ အမျိုးသမီး ဘတ်စကက်ဘောအသင်းတို့ယှဉ်ပြိုင်ခဲ့ကြရာ မင်းဘူးခရိုင်ကိုယ်စားပြုအသင်းက အနိုင်ရဗိုလ်စွဲခဲ့ခြင်းဖြစ်ပြီး ပွဲစဉ်တစ်လျှောက်အကောင်းဆုံးကစားသမားအဖြစ် ဆင်ဖြူကျွန်းမြို့အမျိုးသမီးဘတ်စကက်ဘောအသင်းမှ မရတနာဦးက ဆွတ်ခူးရရှိခဲ့သည်။

          အဆိုပါအောင်ပွဲရ ဆင်ဖြူကျွန်းမြို့အမျိုးသမီးဘတ်စကက်ဘောအသင်းအုပ်ချုပ်သူ၊ နည်းပြများနှင့် အားကစားသမားများသည် ယမန့်နေ့ညနေက ဆင်ဖြူကျွန်းမြို့သို့ပြန်လည်ရောက်ရှိလာရာ မြို့အုပ်ချုပ် ရေးမှူး ဦးဝေဖြိုးထွန်းနှင့် ဌာနဆိုင်ရာဝန်ထမ်းများ၊ ကျောင်းဘင်ခရာတပ်ဖွဲ့၊ ဆရာ ဆရာမ ကျောင်းသား ကျောင်းသူများ၊  အမျိုးသမီးရေးရာ၊ မိခင်နှင့်ကလေးစောင့်ရှောက်ရေးအသင်းနှင့် မြို့ခံပြည်သူလူထုများမှ မြို့ဝင်လမ်းတစ်လျှောက် ပန်းသပြေ၊ အချိုရေ၊ အအေး၊ ရေသန့်ဗူးများပေးကမ်း၍ သောင်းသောင်းဖြဖြ ကြိုဆိုခဲ့ကြပြီး ခရိုင်၊ မြို့နယ်မှလည်းထပ်ဆင့် ဂုဏ်ပြုသွားမည်ဖြစ်ကြောင်း သိရသည်။
စိုးမိုးသူ (စလင်း)

0 comments:

Post a Comment