Monday, May 6, 2019

တိုင်းဒေသကြီးမြစ်ချောင်းဖွံ့ဖြိုးရေးဦးစီးဌာနမှ ပွင့်ဖြူမြို့နယ်အတွင်း ကျေးရွာသုံးရွာတွင် မုန်းချောင်းကမ်းပြိုကာကွယ်ရေး ရေထိန်းရေကာတာ ၃ ခု တည်ဆောက်ပေးလျက်ရှိ



ပွင့်ဖြူ       မေ       
          ပို့ဆောင်ရေးနှင့် ဆက်သွယ်ရေးဝန်ကြီးဌာန၊ မကွေးတိုင်းဒေသကြီး ရေအရင်းမြစ်နှင့် မြစ်ချောင်းများ ဖွံ့ဖြိုးတိုးတက်ရေး ဦးစီးဌာနမှ ၂၀၁၉ ခုနှစ် ၊ ဖေဖော်ဝါရီလ ၁ ရက်နေ့မှ စတင်ပြီး ပွင့်ဖြူမြို့နယ်အတွင်း ကျေးရွာသုံးရွာတွင်  မုန်းချောင်းကမ်းပြို ကာကွယ်ရေး ရေထိန်းရေကာတာများ တည်ဆောက်ပေးနေကြောင်း အဆိုပါ တိုင်းဒေသကြီး ရေအရင်းမြစ်နှင့် မြစ်ချောင်းများ ဖွံ့ဖြိုးတိုးတက်ရေးဦးစီးဌာနမှ တာဝန်ခံအင်ဂျင်နီယာ ဦးသူရိန်ထွန်း ထံမှ သိရသည်။

           
ကျွန်တော်တို့ မကွေးတိုင်းဒေသကြီး၊ ရေအရင်းမြစ်နှင့် မြစ်ချောင်းများဖွံ့ဖြိုးတိုးတက်ရေးဦးစီးဌာနမှ ယခု ၂၀၁၈ - ၂၀၁၉ ဘဏ္ဍာနှစ်တွင် ပွင့်ဖြူမြို့နယ်အတွင်းရှိ မုန်းချောင်းကမ်းပါးပြိုကာကွယ်ရေးအတွက် ရေထိန်းရေကာတာ ၃ ခု တည်ဆောက် ပေးနေပါတယ်။ အဆိုပါ တည်ဆောက်နေတဲ့ ကမ်းပြိုကာကွယ်ရေး ရေထိန်းရေကာတာ ၃ ခုကို ပွင့်ဖြူမြို့နယ် မကျီးကုန်းကျေးရွာ ၊ ရွာထောင်ကျေးရွာနှင့် မင်းမြေကျေးရွာတို့မှာ တည်ဆောက်ပေးတာဖြစ်ပါတယ်။ ၎င်း ရေထိန်းရေကာတာ  တည်ဆောက်ခြင်း လုပ်ငန်းကို ပွင့်ဖြူမြို့နယ် ရွာထောင်ကျေးရွာတွင် ခွင့်ပြုရန်ပုံငွေကျပ် သန်း ၁၅၀ ဖြင့် မုန်းချောင်းကမ်းပါးတစ်လျှောက် အခြေထိန်းကရစ်ကွက် ၁၂၅၀ ပေ တည်ဆောက်၍ ရေကာတာ ပေ ၁၅၀ သုံးချောင်း ၊ ပေ ၁၀၀ လေးချောင်း ပါဝင်သည့် သုံးတန်းသွား Geo - Bags ရေကာ တည်ဆောက်ခြင်းလုပ်ငန်း ၊  မင်းမြေကျေးရွာတွင် အရေးပေါ်ခွင့်ပြုရန်ပုံငွေ ၅၁ ဒသမ ၅၇ သန်းဖြင့် နှစ်တန်းသွား ထန်းလုံးရေကာ ၁၄၀ ပေ နှစ်ချောင်း ၊ ပေ (၁၅၀ × ၆၀) အခြေထိန်းကရစ်ကွက် နှစ်ခု တည်ဆောက်ခြင်း လုပ်ငန်း ၊  မကျီးကုန်းကျေးရွာတွင် ခွင့်ပြုရန်ပုံ ငွေကျပ် သန်း ၁၅၀ ဖြင့် အလျား (၉၇၀×၆၅)ပေ ရှိ ကျောက်ကြီးဖြည့် အခြေထိန်းကရစ်ကွက်လုပ်ငန်းနှင့် သုံးတန်းသွား Geo - Bags မျောရေကာ ၁၀၀ ပေ ခြောက်ခု တည်ဆောက်ခြင်းလုပ်ငန်း များကို ယခုနှစ်တွင် ကျေးလက်နေပြည်သူများ မုန်းချောင်းကမ်းပါးပြိုကျမှုအန္တရာယ်ကင်းဝေးစေရေးအတွက် တည်ဆောက်ပေး နေခြင်းဖြစ်ပါတယ်။ လက်တလော လုပ်ငန်းဆောင်ရွက်ပြီးစီးမှုအနေနဲ့ မကျီးကုန်းကျေးရွာတွင် ၆၀ ရာခိုင်နှုန်း ၊ မင်းမြေကျေးရွာနှင့် ရွာထောင်ကျေးရွာတို့တွင် ၄၈ ရာခိုင်နှုန်း တည်ဆောက်ပြီးစီးသွားပြီဖြစ်ပြီး မိုးကျမီ လုပ်ငန်းများအမြန်ပြီးစီးနိုင်ရေးအတွက် ကြိုးပမ်းဆောင်ရွက်သွားမှာဖြစ်ပါတယ် ဟု အဆိုပါ တိုင်းဒေသကြီး ရေအရင်းမြစ်နှင့် မြစ်ချောင်းများဖွံ့ဖြိုးတိုးတက်ရေးဦးစီးဌာနမှ တာဝန်ခံ အင်ဂျင်နီယာ ဦးသူရိန်ထွန်း က ပြောပြ၍ သိရသည်။   ရဲဝင်းနိုင် (ညောင်ဦး)

0 comments:

Post a Comment