Saturday, April 6, 2019

သောက်သုံးရေပြတ်လက်သည့်ကျေးရွာ များအား သောက်သုံးရေများ ဖြန့်ဝေလှူဒါန်းလျှက်ရှိ


မြို့သစ် ဧပြီ ( ၅ )
မကွေးတိုင်းဒေသကြီး၊ မြို့သစ်မြို့နယ်၊ ရေပြည့်ကျေးရွာအုပ်စု၊ လှေဝန်းကျေးရွာရှိ ၄ လက်မစက်ရေတွင်းရေတင်စက်ရေမြုပ်မော်တာပျက်သွားရာယခုပျက်စီးနေစဉ်အတွင်းဒေသခံပြည်သူများသောက်သုံးရေရှားပါးမှုကြုံတွေ့နေရသဖြင့်မြို့နယ်အထွေထွေအုပ်ချုပ်ရေးမှူးဦးဟိန်းသူဝင်း၊ကျေးလက်ဒေသဖွံ့ဖြိုးရေးစီးဌာနမြို့နယ်ဦးစီးမှူးဦးသန်းဝင်းနှင့်ဝန်ထမ်းများ၊မြို့နယ်မီးသတ်တပ်ဖွဲ့ဝင်များလိုက်ပါ၍သောက်သုံးရေများကိုယမန်နေ့နံနက်(၈)နာရီအချိန်ကသွားရောက်လှူဒါန်းခဲ့သည်။

အဆိုပါ သောက်သုံးရေ ဖြန့်ဝေလှူဒါန်း
ရာသို့မြို့နယ်အထွေထွေအုပ်ချုပ်ရေးမှူးဦးဟိန်းသူဝင်း၊ကျေးလက်ဒေသဖွံ့ဖြိုးရေးစီးဌာနမြို့နယ်ဦးစီးမှူးဦးသန်းဝင်းနှင့်ဝန်ထမ်းများ၊မြို့နယ်မီးသတ်တပ်ဖွဲ့ဝင်များလိုက်ပါ၍ သောက်သုံးရေ ဂါလံ(၅၂၅၀)အားမော်တော်ယာဉ်(၄)စီးသွားရောက်လှူဒါန်းခဲ့ပြီး၎င်းကျေးရွာရှိရေစက်ပျက်နေစဉ်အတွင်းဆက်လက်လှူဒါန်းသွားမည်ဖြစ်ကြောင်းသိရသည်။

"လှေဝန်းကျေးရွာလေးဟာရေစက်ပျက်နေတဲ့အတွက်အခြားမှီခိုစရာရေတွင်ရယ်လို့လည်းမရှိဘူးမရှိတဲ့အတွက်အခုလိုမြို့နယ်အုပ်ချုပ်ရေးမှူး ကျေးလက်ဦးစီးမှူးတို့နှင့်အတူမီးသတ်တပ်ဖွဲ့တို့မှလာရောက်ရေလှူဒါန်းတဲ့အတွက်အထူးကျေးဇူးတင်ရှိပြီးဝမ်းသာပီတိဖြစ်ရပါတယ်"ဟုလှေ
ဝန်းကျေးရွာအုပ်ချုပ်ရေးမှူးဦးခိုင်လွင်မှဒေသခံ
ပြည်သူများကိုယ်စားပြောသည်။

လှေဝန်းကျးရွာသည် ယခင် ကျေးရွာရှိ ၄ လက်မစက်ရေတွင်းတစ်ခုတည်းသာမှီခိုအသုံးပြုနေရပြီးယခုအခါစက်ရေတွင်းပျက်စီးသွားသဖြင့်သောက်သုံးရေအခက်အခဲဖြစ်သွားခဲ့ရကြောင်းမြို့နှင့်၁၅မိုင်ခန့်ဝေးကွာပြီးသောက်သုံးရေအလွန်ရှားပါးသည့်ကျေးရွာဖြစ်ပြီး၊ကျေးရွာတွင်အိမ်ခြေ(၁၁၇)အိမ်၊လူဦးရေ(၅၄၃)ဦးတို့နေထိုင်လျှက်ရှိကြောင်းသိရသည်။
----------------------
သန်းဝင်းထွန်း ( မြို့သစ် )

0 comments:

Post a Comment