Saturday, April 6, 2019

မုန်းချောင်းတံတား ဆောက်လုပ်ရာတွင်ပါဝင်သော လယ်မြေနှင့် ကိုင်းမြေများအတွက် သီးနှံနစ်နာကြေးနှင့် မြေယာလျော်ကြေးငွေများ တောင်သူများထံ ပေးအပ်



ပွင့်ဖြူ    ဧပြီ   
          မကွေးတိုင်းဒေသကြီး ၊ ပွင့်ဖြူမြို့နယ် မုန်းချောင်းတံတား ဆောက်လုပ်ရာတွင်ပါဝင်ခဲ့သော လယ်မြေနှင့် ကိုင်းမြေများ အတွက် သီးနှံနစ်နာကြေးနှင့် မြေယာလျော်ကြေးငွေများ ပေးအပ်ပွဲကို ဧပြီ ၄ ရက် ၊ မွန်းလွဲ ၂ နာရီခွဲ အဆိုပါ မုန်းချောင်း တံတားအနီး တံတားတည်ဆောက်ရေးရှင်းလင်းဆောင်ခန်းမတွင် ကျင်းပပြုလုပ်ခဲ့ကြောင်း သိရသည်။

          အခမ်းအနားတွင် ရှေးဦးစွာ ပွင့်ဖြူမြို့နယ် ပြည်သူ့လွှတ်တော်ကိုယ်စားလှယ် ဦးထွန်းထွန်း က သီးနှံနစ်နာကြေးနှင့် မြေယာလျော်ကြေးငွေများ တောင်သူများထံ ပေးအပ်ရခြင်း၏ ရည်ရွယ်ချက်နှင့် မုန်းချောင်းတံတားကြီး အောင်မြင်စွာ တည်ဆောက်နိုင်ရေးအတွက် ဝိုင်းဝန်းပံ့ပိုးကူညီ ဆောင်ရွက်ပေးမှုများအပေါ် ရှင်းလင်းဆွေးနွေး ပြောကြားသည်။

            ဆက်လက်၍ ပွင့်ဖြူမြို့နယ် ပြည်သူ့လွှတ်တော်ကိုယ်စားလှယ် ဦးထွန်းထွန်း ၊ တိုင်းဒေသကြီးလွှတ်တော်ကိုယ်စားလှယ် ဦးတင့်ဆန်း ၊ မြို့နယ်အုပ်ချုပ်ရေးမှူး ဦးဝင်းရွှေ နှင့် ဆောက်လုပ်ရေးဝန်ကြီးဌာန၊ တံတားတည်ဆောက်ရေး(၂) တံတားအထူးအဖွဲ့ - ၅ (ဆိပ်ဖြူ)မှ မုန်းချောင်းတံတား(ပွင့်ဖြူ)တည်ဆောက်ခြင်းလုပ်ငန်း စီမံကိန်းတာဝန်ခံ ဦးညီညီဇော်နှင့် တာဝန်ရှိသူများက မုန်းချောင်း တံတားတည်ဆောက်ရာတွင် ပါဝင်သွားခဲ့သော ပွင့်ဖြူမြို့နယ် ဥယျာဉ်ကျစ်ကျေးရွာအုပ်စု ကွင်းအမှတ်(၇၇၆ / ၇၇၇)ရှိ တောင်သူ ၅ ဦး ၏ လယ်မြေနှင့် ကိုင်းမြေ ၁ ဒသမ ၀၇ ဧက အတွက်   သီးနှံနစ်နာကြေးနှင့် မြေယာလျော်ကြေးငွေ ၄၆၄၀၀၀၀ ကျပ်အား တောင်သူ များထံ လက်ဝယ်အရောက် လွှဲပြောင်းပေးအပ်ခဲ့ရာ တောင်သူတစ်ဦးက ကျေးဇူးတင်စကား ပြန်လည်ပြောကြားခဲ့သည်။ 

            ထို့နောက် လွှတ်တော်ကိုယ်စားလှယ်များနှင့် ဌာနဆိုင်ရာအကြီးအကဲများက မုန်းချောင်းတံတား(ပွင့်ဖြူ) တည်ဆောက်ပြီးစီး မှုအခြေအနေများအား လိုက်လံကြည့်ရှုစစ်ဆေးရာ တာဝန်ယူတည်ဆောက်သည့် တံတားတည်ဆောက်ရေး(၂) တံတားအထူးအဖွဲ့ - ၅ (ဆိပ်ဖြူ)မှ စီမံကိန်းတာဝန်ခံ ဦးညီညီဇော်နှင့် တာဝန်ရှိသူများက လုပ်ငန်းအရည်အသွေး ပြည့်မီရေးအတွက် ကြိုးပမ်းဆောင်ရွက် နေမှုများ နှင့် စပ်လျဉ်းပြီး ရှင်းလင်းဖြေကြားပေးခဲ့ကြောင်း သိရသည်။
            မကွေးတိုင်းဒေသကြီး ၊ ပွင့်ဖြူမြို့နယ် မင်းဘူး - စလင်း - တညောင်လမ်းပေါ်ရှိ မုန်းချောင်းတံတား(ပွင့်ဖြူ)တည်ဆောက်ခြင်း လုပ်ငန်းအား  ၂၀၁၇ - ၂၀၁၈ ဘဏ္ဍာနှစ် ၊ ခွင့်ပြုရန်ပုံငွေကျပ် ၂၅၀၀ သန်း ၊ ၂၀၁၈ - ၂၀၁၉ ဘဏ္ဍာရေးနှစ်၊ မီနီဘတ်ဂျတ် ခွင့်ပြုရန်ပုံငွေ ၃၀၀ သန်း တို့ဖြင့် တံတားအရှည်ပေ ၁၃၀၀ ၊ တံတားအကျယ် ၂၄ ပေ၊ တံတားအမျိုးအစား သံကူကွန်ကရစ် ကြမ်းခင်းနှင့် လက်ရန်း တို့ဖြစ်ပြီး တံတားတည်ဆောက်ရေး(၂) တံတားအထူးအဖွဲ့ - ၅ (ဆိပ်ဖြူ)မှ ၂၀၁၇ ခုနှစ် ၊ မေလ ၂၁ ရက်နေ့ တွင် တာဝန်ယူ စတင်ဆောက်လုပ်ခဲ့ရာ ယခု ၂၀၁၉ ခုနှစ် ၊ ဧပြီ ၁ ရက်နေ့အထိ လုပ်ငန်းပြီးစီးမှု ၉၃ ဒသမ ၅ ရာခိုင်နှုန်း တည်ဆောက်ပြီးစီးသွားပြီဖြစ်ကြောင်း အဆိုပါ တံတားတည်ဆောက်ရေးစီမံကိန်းမှ ဦးစီးအရာရှိ(မြို့ပြ) ဦးညွန့်လွင် ထံမှ သိရသည်။
                                                                                                 ရဲဝင်းနိုင် (ညောင်ဦး)

0 comments:

Post a Comment