Sunday, February 18, 2018

ပခုက္ကူမြို့၌ ကျေးလက်နေပြည်သူများအကျိုးဖြစ်ထွန်းစေမည့်အလုပ်အကိုင်အခွင့်အလမ်း (Job Fair 2018) ပြသလျက်ရှိ



ပခုက္ကူ  ဖေဖော်ဝါရီ  ၁၈
          မကွေးတိုင်းဒေသကြီး၊ ပခုက္ကူမြို့၊ ပြည်သာယာခန်းမ၌ ကျေးလက်နေပြည်သူများအကျိုးဖြစ်ထွန်းစေမည့် အလုပ်အကိုင်အခွင့်အလမ်းများ (Job Fair 2018) ပြပွဲဖွင့်ပွဲကိုဖေဖော်ဝါရီလ ၁၈ရက် နံနက် ၉နာရီအချိန်က ကျင်းပ သည်။
          ရှေးဦးစွာ မကွေးတိုင်းဒေသကြီး၊ အလုပ်သမားညွှန်ကြားရေးမှူးဦးစီးဌာနမှ ညွှန်ကြားရေးမှူး ဒေါ်မို့မို့သွင်က အဖွင့်အမှာစကားပြောကြားပြီး ပခုက္ကူခရိုင် ဒုတိယခရိုင်အုပ်ချုပ်ရေးမှူး ဦးကံစောလှိုင်က ကျေးဇူးတင်စကားပြန် လည်ပြောကြားသည်။ ထို့နောက် ပခုက္ကူမြို့၏အလုပ်အကိုင်အခွင့်အလမ်းပြပွဲကိုမကွေးတိုင်းဒေသကြီး၊အလုပ်သမား ညွှန်ကြားရေးမှူးဦးစီးဌာနမှ ညွှန်ကြားရေးမှူး ဒေါ်မို့မို့သွင်၊ ပခုက္ကူခရိုင် ဒုတိယခရိုင်အုပ်ချုပ်ရေးမှူး ဦးကံစောလှိုင်နှင့် တာဝန်ရှိသူများက ဖဲကြိုးဖြတ်ဖွင့်လှစ်ကြသည်။
          ထို့နောက် ပခုက္ကူမြို့၏အလုပ်အကိုင်အခွင့်အလမ်းပြသမှုများအား လိုက်လံကြည့်ရှုလေ့လာကြသည်။ အဆိုပါအလုပ်အကိုင်အခွင့်အလမ်းများပြသကျင်းပခြင်းဖြင့် မြန်မာနိုင်ငံအတွင်းရှိ အလုပ်အကိုင်နေရာကောင်း ဖန်တီးပေးနိုင်သောလုပ်ငန်းများနှင့် အလုပ်အကိုင်ကောင်းများရရှိရန်ရှာဖွေနေသောအရည်အချင်းရှိ လူငယ်များကို  တစ်နေရာတည်းတွင် တိုက်ရိုက်တွေ့ဆုံပေးခြင်း၊ ပြည်တွင်းရှိ အလုပ်ရှာဖွေနေသော လူငယ်လူရွယ်များအတွက် လုပ်ငန်းများတွင်လစ်လပ်လျှက်ရှိသော  နေရာများ၌ မိမိနှင့်သင့်လျော်ကောင်းမွန်သော အလုပ်အကိုင်များရရှိကြစေ ရန် အချိန်ကုန်ငွေကုန်သက်သာစွာဖြင့် တစ်နေရာတည်းတွင်ဝန်ဆောင်မှုကုန်ကျစရိတ်မရှိဘဲ ကုမ္ပဏီများနှင့်တွေ့ဆုံ ပွဲပြုလုပ်ခြင်းဖြစ်ကြောင်း၊ဌာနအနေနဲ့လုပ်ငန်းခွင်အေးချမ်းသာယာရေး၊အလုပ်အကိုင်နေရာချထားရေး၊လုပ်သားများကျွမ်းကျင်မှုလေ့ကျင့်ပေးရေး၊ဥပဒေပါအကျိုးခံစားခွင့်များရရှိရေးနှင့်လုပ်ငန်းခွင်ဘေးအန္တရာယ်ကင်းစင်းရေးစသည့်ရည်မှန်းချက်များဖြင့် အကောင်အထည်ဖော်ဆောင်ရွက်လျက်ရှိကြောင်း၊ သက်ဆိုင်ရာနယ်မြေအလိုက် အလုပ်အကိုင် အသစ်များရရှိရန်နှင့် အလုပ်သမားခေါ်ယူလိုသောလုပ်ငန်းရှင်များကို ကျွမ်းကျင်ပြီးအရည်အချင်းရှိတဲ့ လုပ်သားများ ရရှိရန်အတွက် အလုပ်အကိုင်နှင့်အလုပ်သမားများရှာဖွေရေးရုံးများသာမကအလုပ်သမားရုံးဖွင့်လှစ်ခြင်းမရှိသေး သောနယ်မြေဒေသတွင်း Mobile Teamဖြင့်ကွင်းဆင်း၍ အလုပ်သမားမှတ်ပုံတင်ပေးခြင်း၊ အလုပ်များရရှိရန် ဆောင်ရွက်ပေးခြင်းဖြင့် အလုပ်ရှာဖွေသူများအားကုန်ကျစရိတ်နှင့်အချိန်ကုန်သက်သာပြီး အလုပ်အကိုင်အခွင့် အလမ်းသစ်များရရှိအောင်ဆောင် ရွက်ပေးလျက်ရှိကြောင်း၊အလုပ်အကိုင်ရှာဖွေသူများအား အချိန်တိုအတွင်း အလုပ်အကိုင်အခွင့်အလမ်းများဝင် ရောက်ကြည့်ရှုနိုင်တဲ့Websiteလွှင့်တင်ပေးလျက်ရှိကြောင်း၊ လယ်ယာစိုက်ပျိုး ရေးလုပ်သားဘဝမှပြည်ပလုပ်သားဘဝသို့ကူးပြောင်းလုပ်ကိုင်ရာတွင် အသိပညာနည်းပါးခြင်း၊ပွဲစားများ၏  မလိုလား  အပ်သည့်ခေါင်းပုံဖြတ်အမြတ်စားမှုများကြုံတွေ့ရခြင်း၊ အဆပေါင်းများစွာဝန်ဆောင်ခများပေးနေရခြင်း၊ ငွေပေးပြီး မသွားရဘဲအလိမ်ခံရခြင်းများရှိနေခြင်းကြောင့်ယခုပြပွဲတွင်ပြည်ပအေဂျင်စီများဖိတ်ခေါ်ရခြင်းဖြစ်ကြောင်းမကွေး  တိုင်းဒေသကြီး၊ အလုပ်သမားညွှန် ကြားရေးဦးစီးဌာနမှ ညွှန်ကြားရေးမှူး ဒေါ်မို့မို့သွင်ကပြောကြားသည်။ထို့အပြင် “ယခုလိုအလုပ်အကိုင်အခွင့်အလမ်းများပြပွဲပြုလုပ်ရခြင်းကြောင့် ပြည်တွင်း/ပြည်ပကအလုပ်အကိုင်အခွင့်အလမ်း ဆိုင်ရာအေဂျင်စီတွေနဲ့တွေ့ခွင့်ရပြီးအလုပ်အကိုင်အခွင့်အလမ်းများစွာထဲကမှ မိမိလုပ်ကိုင်ချင်သောအလုပ်အကိုင် ကိုတစ်နေရာတည်းတွင်ရွေးချယ်လျှောက်ထားနိုင်ကြောင်း၊ကျေးရွာ/ရပ်ကွက်မှာရှိနေကြတဲ့အလုပ်လက်မဲ့ပြည်သူ များအတွက်လည်းတကယ့်အကျိုးဖြစ်ထွန်းစေမည့်ပြပွဲကြီးတစ်ခုဖြစ်ကြောင်း၊ ယခုလိုတစ်နေရာတည်းတွင် အလုပ် အကိုင်ကိုရှာဖွေရယူနိုင် သောကြောင့်အလွန်ကိုအံ့သြပြီးပျော်ရွှင်ရပါကြောင်း” ပြပွဲလာရောက်လေ့လာသူ ပခုက္ကူမြို့၊ Action Aid Myanmarမှစီမံချက်တာဝန်ခံ ဒေါ်နွယ်နွယ်လှိုင်က ပြောပြသည်။
          ထိုအလုပ်အကိုင်အခွင့်အလမ်းပြပွဲတွင် Agile Manpower Services Co.,Ltd (ပြည်တွင်း/ပြည်ပအလုပ် အကိုင်ရှာဖွေရေးကုမ္ပဏီလီမိတက်)၊GREEN OASIS Co.,LTD(ပြည်ပအလုပ်အကိုင်ရှာဖွေရေးအေဂျင်စီ)၊ ဖူးပြည့် သော်ကုမ္ပဏီလီမိတက်(ပြည်ပအလုပ်အကိုင်ရှာဖွေရေးအေဂျင်စီ)၊ Myanmar Worker (Management Services Co.,Ltd(ပြည်ပအလုပ်အကိုင်ရှာဖွေရေးအေဂျင်စီ)၊ ကြယ်စင်မြင့်မြတ်အောင်ကုမ္ပဏီလီမိတက်(ပြည်ပအလုပ်အကိုင် ရှာဖွေရေးအေဂျင်စီ)၊အာရှလုပ်သားဝန်ဆောင်မှုကုမ္ပဏီ(ပြည်တွင်းအလုပ်အကိုင်ရှာဖွေရေးအေဂျင်စီ၊G-ရွှေပင်လယ် (ပြည်ပအလုပ်အကိုင်ရှာဖွေရေးအေဂျင်စီ)၊သန်းသန်း(ပြည်ပအလုပ်အကိုင်ရှာဖွေရေးအေဂျင်စီ)၊ ထူးသစ်ဇေ (ပြည်ပ  အလုပ်အကိုင်ရှာဖွေရေးအေဂျင်စီ)၊ Hein Myint Myant Co.,Ltd(ပြည်ပအလုပ်အကိုင်ရှာဖွေရေးအေဂျင်စီ)၊ Swimming Pool ကုမ္ပဏီ၊ GBSဂွတ်(ဒ်)ဘရားသား(စ်)ကုမ္ပဏီလီမိတက်၊ စွမ်းအားတံခွန်ဝန်ဆောင်မှုကုမ္ပဏီ လီမိတက်၊စိန်စိုးစံကုမ္ပဏီလီမိတက်-3 Seasons Furniture (သစ်အချောထည်စက်ရုံ)၊ PPT-Oversea Enployment Agency ၊ NAT&4Travel&Tour Co.,LTD၊ Aye Lin Let HtutCo.,Ltd၊ AAM (All Accces Myanmar)၊ တင်ဝင်းထွန်းထုတ်လုပ်မှုကုမ္ပဏီလီမိတက်၊ သစ်အခြေခံစက်ရုံ(ပခုက္ကူ)၊ Snow Mountain ရေသန့်၊ Pakokku Star Group Co.,Ltd၊ Yuan Fend Myanmar Co.,Ltd၊ Myanmar Magic Link Co.,Ltd စသည့်  အေဂျင်စီတို့ကလာရောက်ပြသပေးလျက်ရှိပြီးအလုပ်သမားဝန်ကြီးဌာနမှချမှတ်ထားသည့် စည်းကမ်းများနှင့်အညီ ထိုင်း၊မလေးရှား၊စင်္ကာပူ၊ဂျပန်၊မကာအို စသည့်နိုင်ငံများသို့သွားရောက်လုပ်ကိုင်နိုင်မည်ဖြစ်ကြောင်းသိရသည်။ ပြည်ပအလုပ်အကိုင်အခွင့်အလမ်းများအဖြစ် စက်ရုံ၊အလုပ်ရုံများ၊ စားသောက်ဆိုင်နှင့်ဝန်ဆောင်မှုလုပ်ငန်း၊ အထည် ချုပ်၊ ကွန်ကရစ်၊ပိုက်လွတ်စက်ရုံ၊မျက်နှာချပ် ကျောက်ပြားထုတ်စက်ရုံ၊ ခြင်ဆေးခွေထုတ်စက်ရုံ၊ ပင်လယ်စာစက်ရုံ၊ သစ်ချောထည်လုပ်ငန်း၊လျှပ်စစ်ကျွမ်းကျင်လုပ်သား၊ဝရိန်လုပ်သားများနှင့်အခြားစက်ရုံအမျိုးမျိုးတို့တွင် သွားရောက် လုပ်ကိုင်ခွင့်ရမည်ဖြစ်ပြီးပြည်တွင်းအလုပ်အကိုင်အခွင့်အလမ်းများအဖြစ်ကုမ္ပဏီများ၊ အထည်ချုပ်နှင့်စက်ရုံ အလုပ်ရုံ  မျိုးစုံ၊ ဆောက်လုပ်ရေး၊ဟိုတယ်များ၊စားသောက်ဆိုင်၊ အရောင်းစာရေး၊ သန့်ရှင်းရေး၊လုံခြုံရေးနှင့်  ကားမောင်း လုပ် ငန်းများလုပ်ကိုင်ဆောင်ရွက်နိုင်မည်ဖြစ်ကြောင်းသိရသည်။
          အဆိုပါအလုပ်အကိုင်အခွင့်အလမ်းများပြပွဲသို့ မကွေးတိုင်းဒေသကြီး၊ အလုပ်သမားညွှန်ကြားရေးဦးစီးဌာနမှ ညွှန်ကြားရေးမှူး ဒေါ်မို့မို့သွင်၊ ပခုက္ကူခရိုင် ဒုတိယခရိုင်အုပ်ချုပ်ရေးမှူး ဦးကံစောလှိုင်၊ ခရိုင်နှင့်မြို့နယ်အဆင့် ဌာနဆိုင်ရာများ၊ ပြည်တွင်း/ပြည်ပအလုပ်အကိုင်ဆိုင်ရာကုမ္ပဏီများမှတာဝန်ရှိသူများ၊ရပ်ကွက်/ကျေးရွာ  အုပ်ချုပ် ရေးမှူးများ၊ အလုပ်အကိုင်အခွင့်အလမ်းသစ်ရှာဖွေသူများတက်ရောက်ကြကြောင်းသိရသည်။
                                                        ဆလိုင်းကိုကီး

0 comments:

Post a Comment