Monday, February 19, 2018

ရင်းနှီးမြုပ်နှံမှု၊စက်ပစ္စည်းနှင့်နည်းပညာ အကူအညီများ နိုင်ငံတော်မှပံ့ပိုးပေးနိုင်ရန် လျှော်ဖြူစိုက်သူများ မျှော်လင့်

မကွေး     ဖေဖော်ဝါရီ     ၁၉

မြန်မာနိုင်ငံအနှံ့အပြားတွင် အခြားသစ်ပင်များနှင့်ရောနှောပေါက်ရောက်လျက်ရှိပြီး  မကွေး၊  မန္တလေးနှင့် စစ်ကိုင်းတိုင်းဒေသကြီးများမှာ အများဆုံးတွေ့ရသည့် နှစ်ရှည်ပင်တစ်မျိုးမှာ လျော်ဖြူ ပင်ဖြစ်သည့်အတွက် ယခုအခါ သစ်တောများပြုန်းတီးခြင်းနှင့်အတူ သဘာဝလျှော်ဖြူပင်များ တဖြည်းဖြည်း ရှားပါးလာပြီး လျှော်ဖြူပင်က ထုတ်ယူရရှိသည့် လျှော်ဖြူဈေးမှာ ဈေးကွက်အတွင်း ၀ယ်လိုအားကောင်းနေသောကြောင့် တစ်ပိုင်တစ်နိုင် စိုက်ပျိုးသူများနှင့် စီးပွားဖြစ်စိုက်ပျိုးသူ တောင်သူများ အနေဖြင့် လျှော်ဖြူစိုက်ခင်းများ တည်ထောင်စိုက်ပျိုးလာကြောင်း သိရသည်။

မကွေးတိုင်းဒေသကြီးအစိုးရအဖွဲ့၊ စက်မှုကြီးကြပ်ရေးနှင့်စစ်ဆေးရေးဦးစီးဌာန အသေးစား နှင့်အလတ်စားလုပ်ငန်းများဖွံ့ဖြိုးတိုးတက်ရေးဌာနတို့မှ ယနေ့နံနက် ၉ နာရီတွင် မကွေးမြို့တော် ခန်းမ၌ တိုင်းဒေသကြီးအတွင်းရှိ လျှော်ဖြူစိုက်ပျိုးသူများ တွေ့ဆုံ၍ ဆွေးနွေးပွဲတစ်ရပ်  ကျင်းပ ပြုလုပ်ခဲ့ရာ တိုင်းဒေသကြီးစီမံကိန်းဘဏ္ဍာရေးနှင့်စည်ပင်သာယာရေးဝန်ကြီး ဦးဇော်မင်း၊ သယံဇာ တနှင့်သဘာဝပတ်ဝန်းကျင်လျှပ်စစ်နှင့်စွမ်းအင်ဝန်ကြီး ဦးမြင့်ဇော်၊ စက်မှုကြီးကြပ်ရေးနှင့် စစ်ဆေး ရေးဦးစီးဌာန အသေးစား နှင့်အလတ်စားလုပ်ငန်းများဖွံ့ဖြိုးတိုးတက်ရေးဌာနမှ တာဝန်ရှိသူများ၊ ဌာနဆိုင်ရာများနှင့်လျှော်ဖြူစိုက်ပျိုးသူများ တက်ရောက်ခဲ့ကြောင်း သိရသည်။

လျှော်ဖြူပင်ဟာ ရေ၀ပ်တဲ့ နေရာကလွဲပြီး မြေနေရာမရွေး စိုက်ပျိုးနိုင်တဲ့အတွက် ဆီထွက် သီးနှံနဲ့ သီးပင်စားပင်များစိုက်ပျိုးဖြစ်ထွန်းခြင်းမရှိတဲ့ မြေမျိုးတွေမှာ အများအပြား စိုက်ပျိုးအောင် မြင်နေတာကို တွေ့ရပါတယ်၊ မကွေးတိုင်းဒေသကြီးမှာတော့ ယနေ့အထိ မြေဧက(၅၀၀၀)ကျော်မှာ အပင်ရေ(၆)သိန်းနဲ့ အထက် စိုက်ပျိုးပြီးဖြစ်တယ်လို့ သိရှိရပြီး တိကျတဲ့ စာရင်းဇယား အချက် အလက်များရရှိဖို့ ဆောင်ရွက်လျက်ရှိပါတယ်ဟု တိုင်းဒေသကြီး စက်မှုကြီးကြပ်ရေးနှင့် စစ်ဆေး ရေးဦးစီးဌာန အသေးစားနှင့်အလတ်စားလုပ်ငန်းများဖွံ့ဖြိုးတိုးတက်ရေးဌာနမှ ဒုတိယ ညွှန်ကြား ရေးမှူး ဒေါ်မြင့်မြင့်သိန်းက ပြောသည်။

မကွေးတိုင်းဒေသကြီးအစိုးရအဖွဲ့ကလည်း SME ဖွံဖြိုးတိုးတက်ရေးဌာနနဲ့ပူးပေါင်းပြီး SME ဖွံ့ဖြိုးတိုးတက်ရေးကိစ္စရပ်များကို ဆောင်ရွက်ရာမှာ လျှော်ဖြူကို ဒေသထွက်ကုန်တစ်ရပ်အဖြစ် ပေါ်ထွက်လာဖို့ မျှော်လင့်လျက်ရှိပြီး လျှော်ဖြူစိုက်သူများရဲ့ အခက်အခဲများကို သိရှိ၍ အကူအင်္ညီ ပေးနိုင်ရန် စိုက်ခင်းများအရောက် သွားရောက်ကြည့်ရှု တွေ့ဆုံဆွေးနွေးခဲ့ကြကြောင်း၊ တစ်ဦးချင်း သော်လည်းကောင်း၊အစုအဖွဲ့ဖြင့်လည်းကောင်း လျှော်ဖြူစိုက်ပျိုးသူများအနေနဲ့ ဒေသတွင်းရှိ ကာကွယ်တောများမှာ မြေဧက(၅၀)အထိ လျှောက်ထားရယူနိုင်ကြောင်း၊ တိုင်းဒေသကြီးမှ ခွင့်ပြုပေးနိုင်ကြောင်း၊ ပေါင်းစပ်ကူညီပေးသွားမှာဖြစ်ပါတယ်ဟု ၄င်းက ဆက်လက်ပြောသည်။

မြန်မာနိုင်ငံ၏ လျှော်ဖြူစေး ရောင်းဝယ်ရေးလုပ်ငန်းကို လွန်ခဲ့သောဆယ်စုနှစ်များစွာ ကတည်းက ရှိခဲ့တယ်လို့သိရှိရပြီး မြန်မာနိုင်ငံ၌ ရွေရင်အေး၊မုန့်လက်ဆောင်း၊ဖာလူဒါ၊ရေခဲမုန့် စသည့် စားသောက်ကုန်များတွင် သုံးစွဲကြကာ ပြည်ပနိုင်ငံများတွင် စားသောက်ကုန်လုပ်ငန်းများ၊ အလှကုန်ပစ္စည်းထုတ်လုပ်ရေးလုပ်ငန်းများ၊ ယက်ကန်း၊အထည်အလိပ် လုပ်ငန်းများနှင့် ဂျပန် နိုင်ငံတွင် ကားမှန်ထုတ်လုပ်သည့် လုပ်ငန်းများတွင် အသုံးပြုကြောင်း သိရှိရပြီး မြန်မာ့လျှော်ဖြူ ဈေးသည် နိုင်ငံခြားဝယ်လိုအားကောင်းသည့် ကုန်ပစ္စည်းဖြစ်သည့်အတွက် စိုက်ပျိုးမှု၊ အပင် ထိန်းသိမ်းမှု၊ အစေးထုတ်ယူမှုနှင့်ပတ်သက်သည့် နည်းပညာများအပြင် ဈေးကွက်ဖော်ဆောင်နိုင်ဖို့ အတွက် လိုအပ်ချက်များ ရှိနေကြောင်းနှင့်လျှော်ဖြူစေးကို ကုန်ကြမ်းအဖြစ်တင်ပို့ရုံသာမက တန်ဖိုးမြှင့်ထုတ်ကုန်များ ထုတ်လုပ်နိုင်ဖို့အတွက် ရင်းနှီးမြုပ်နှံမှု၊စက်ပစ္စည်းနှင့်နည်းပညာ အကူ အညီများကို နိုင်ငံတော်မှပံ့ပိုးပေးနိုင်ရန်  လျှော်ဖြူစိုက်သူများမှ မျှော်လင့်လျက်ရှိကြောင်း သိရှိရသည်။

သန်းနိုင်ဦး(ငဖဲ)


0 comments:

Post a Comment