Saturday, January 6, 2018

မကွေးတိုင်းအစိုးရအဖွဲ့ ဝန်ကြီးနှစ်ဦး အပြောင်းအလဲပြုလုပ်မည်

မကွေးတိုင်းအစိုးရအဖွဲ့ ဝန်ကြီးနှစ်ဦး အပြောင်းအလဲပြုလုပ်မည်

ပြည်နယ်၊ တိုင်း သုံးခုရှိ ဝန်ကြီးရာထူးများ ယခုရက်ပိုင်းအတွင်း လှုပ်ခတ်ခဲ့ခြင်းဖြစ်
မကွေးတိုင်းဒေသကြီးအစိုးရအဖွဲ့အတွင်းရှိ ဝန်ကြီးနှစ်ဦးကို ရာထူးမှအနားပေးပြီး ၎င်းတို့နေရာတွင် အစားထိုးခန့်အပ်ရန်ရှိကြောင်း မကွေးတိုင်းဒေသကြီး လွှတ်တော်ဥက္ကဋ္ဌဦးတာက အတည်ပြုပြော ကြားသည်။
အစိုးရအဖွဲ့၊ လွှတ်တော်နှင့်ပါတီမှ နုတ်ထွက်ခွင့်တင်ပြထားသော မကွေးတိုင်းလဝကနှင့် လူမှုရေးဝန်ကြီးဦးနေမျိုးကျော်အပြင် မကွေးတိုင်း စိုက်ပျိုးရေး၊ မွေးမြူရေးနှင့်ဆည်မြောင်းဝန်ကြီး ဦးစိုးမြင့်သည် ကျန်းမာ ရေးကြောင့် အနားယူမည်ဟု သတင်းထွက်ပေါ်နေသည်။ ဒီချုပ်အစိုးရ ၂နှစ်သက်တမ်းသို့ ရောက်လာချိန်တွင် ရက်ပိုင်းအတွင်း တိုင်းဒေသ ကြီးနှင့် ပြည်နယ်ဝန်ကြီးများ အပြောင်းအရွှေ့ ခပ်စိပ်စိပ်ဖြစ်ခဲ့သည်။
ရခိုင်ပြည်နယ် စည်ပင်ဝန် ကြီးသည် လွှတ်တော်၏ စွပ်စွဲပြစ် တင်ခြင်းကို ခံထားရသည်။ ဧရာ ဝတီတိုင်း စိုက်ပျိုးမွေးမြူရေး၊ သယံဇာတနှင့် ပတ်ဝန်းကျင်ထိန်း သိမ်းရေးဝန်ကြီး ဦးဘဟိန်းသည် ဇန်နဝါရီ ၂ ရက်က နုတ်ထွက်စာ တင်ခဲ့သည်။
ထို့နောက် ရက်ပိုင်းအတွင်း မကွေးတိုင်း ဝန်ကြီးဦးနေမျိုး ကျော် နုတ်ထွက်ပြီး ဆက်တိုက် ဆိုသလို ဝန်ကြီးဦးစိုးမြင့် အနား ယူမည့် သတင်းထွက်ပေါ်လာ သည်။
ဝန်ကြီးအပြောင်းအလဲများ နှင့်ပတ်သက်၍ မကွေးတိုင်းဒေသ ကြီး ဝန်ကြီးချုပ် ဒေါက်တာအောင် မိုးညိုထံ ဆက်သွယ်မေးမြန်းရာ အဆက်အသွယ်မရရှိခဲ့ပေ။
ဝန်ကြီးချုပ်နှင့် နီးစပ်သူတစ် ဦးကမူ ဝန်ကြီးချုပ်သည် ဇန်နဝါရီ ၅ ရက်ကတည်းက ခရီးသွား နေကြောင်းပြောသည်။
‘‘ဒါက တိုင်းအစိုးရနဲ့ လွှတ် တော်က ဆုံးဖြတ်တာမဟုတ်ဘူး။ စီအီးစီက ဆုံးဖြတ်တာဖြစ်တယ်။ လုပ်ငန်းခရီးမတွင်တဲ့ သူတွေကို ခရီးတွင်အောင် တွန်းတဲ့သဘော ပါပဲ။ တခြားအပြစ်အနာအဆာ ဘာမှမရှိကြပါဘူး။ လုပ်ငန်းတွေ က တချို့ နှောင့်နှေးတာရှိတယ် လို့ ပြောကြတာရှိတယ်။ တခြား ဝန်ကြီးတွေလည်း သွက်လာ အောင် အစားထိုးတဲ့သဘောပါပဲ’’ ဟု လွှတ်တော်ဥက္ကဋ္ဌ ဦးတာက ပြောသည်။
သို့သော် အနားယူမည့် ဝန်ကြီးနှစ်ဦးအမည်ကို တိုင်းဒေသကြီး လွှတ်တော်ဥက္ကဋ္ဌက ထုတ် ဖော်ပြောဆိုခြင်းမရှိပေ။ မကွေး တိုင်းဒေသကြီးအစိုးရအဖွဲ့ အ လုပ်သမား၊ လူဝင်မှုကြီးကြပ်ရေး နှင့် ပြည်သူ့အင်အားဝန်ကြီး ဦးနေမျိုးကျော်က ဇန်နဝါရီ ၅ ရက်တွင် ၎င်းတာဝန်ထမ်းဆောင် နေသည့် အစိုးရအဖွဲ့၊ လွှတ် တော်နှင့် ပါတီဝင်အဖြစ်မှ နုတ် ထွက်ကြောင်း စာတင်ခဲ့ပြီး ထိုသို့ စာတင်ခြင်းသည် မှန်ကန် ကြောင်း ဇန်နဝါရီ ၅ ရက်၌ ဝန်ကြီးချုပ်က 7Day Daily သတင်းစာအား ပြောကြားသည်။
ထို့အပြင် စိုက်ပျိုးရေး၊ မွေး မြူရေးနှင့် ဆည်မြောင်းဆိုင်ရာ ဝန်ကြီး ဦးစိုးမြင့်နုတ်ထွက်နိုင် သည်ဟု ခန့်မှန်းမှုများရှိနေပြီး ဦးစိုးမြင့်ထံ ဆက်သွယ်မေးမြန်း ရာ လက်ခံဖြေဆိုခြင်းမရှိပေ။
ဦးစိုးမြင့်သည် လွှတ်တော် ကိုယ်စားလှယ်မှ တိုင်းဒေသကြီး အစိုးရအဖွဲ့ဝန်ကြီး ဖြစ်လာသူ မဟုတ်ဘဲ ဝန်ကြီးချုပ်က တိုင်း ဝန်ကြီးအဖြစ် လွှတ်တော်တွင် အမည်တင်သွင်းခန့်အပ်ခြင်းခံရ သူဖြစ်သည်။
၎င်းသည် ကျန်းမာရေး အခြေအနေအရ တာဝန်ယူစ ကာလကပင် အထောက်အကူ ကိရိယာဖြင့် လမ်းလျှောက် နေရ သူဖြစ်ပြီး ဝန်ကြီးတာဝန်ယူထား သည့် စိုက်ပျိုးရေး၊ မွေးမြူရေးနှင့် ဆည်မြောင်းဆိုင်ရာ ဝန်ကြီးဌာန တွင် ဦးစီးဌာန ၃၀ ခန့်ရှိပြီး ငွေလုံးငွေရင်း ကိုင်တွယ် အသုံး ပြုရသော အရေးကြီးဌာနများ လည်း ဖြစ်သည်။
သို့သော် ဦးစိုးမြင့်သည် တာ ဝန်ယူစဉ်ကာလကပင် မကွေး တိုင်းအတွင်းရှိ မြို့နယ်အသီးသီး သို့ တိုင်းအဆင့်ဦးစီးမှူးများ ပါဝင်သောအဖွဲ့ဖြင့် တောင်သူ အသိ ပညာပေးလုပ်ငန်းများ၊ တွေ့ဆုံပွဲများ အကြိမ်ကြိမ် ဆောင်ရွက်ခဲ့ပြီး လွှတ်တော်ပုံမှန် အစည်းအဝေးများလည်း ပုံမှန် တက်ရောက်ကာ မေးခွန်းမေးမြန်း မှုကို ဖြေကြားလေ့ရှိသည်။
မကွေးတိုင်းအစိုးရအဖွဲ့ အတွင်းဝန်ကြီးအသစ်များထပ်မံခန့်ထားရန်ရှိပြီး ယင်းအနက် အမျိုးသားဒီမိုကရေစီအဖွဲ့ချုပ် ပါတီ မကွေးတိုင်း အလုပ်အမှု ဆောင်အဖွဲ့ ဥက္ကဋ္ဌ ဦးသိန်းဇော် သည် ဝန်ကြီးတစ်နေရာ ရရှိနိုင် သည်ဟု ခန့်မှန်းသတင်းများ ထွက်ပေါ်နေသည်။
နောက်ထပ်ဝန်ကြီးတစ်ဦးသည်ပခုက္ကူခရိုင်အတွင်းရှိ မြို့ နယ်များမှ တိုင်းလွှတ်တော်ကိုယ် စားလှယ်တစ်ဦးဖြစ်နိုင်ကြောင်း ခန့်မှန်းပြောဆိုမှုများရှိသည်။
မကွေးတိုင်းဒေသကြီး လွှတ် တော်  ပုံမှန်အစည်းအဝေးကို လာမည့် ဇန်နဝါရီ ၈ ရက်တွင် စတင်ကျင်းပမည်ဖြစ်ပြီး ယင်း ရက်များ၌ ဝန်ကြီးအပြောင်းအလဲ ကိစ္စကို တိုင်းအစိုးရက လွှတ် တော်တွင် တင်ပြလာဖွယ်ရှိ ကြောင်း သတင်းထွက်ပေါ်သည်။
Share

0 comments:

Post a Comment