Saturday, June 3, 2017

"တရားသူကြီးကို ဖိနပ်ဖြင့် ပစ်ပေါက်သည့် ရှေ့နေ ဦးဇော်ဝင်းကို ပုဒ်မ ၃ ခုဖြင့် အမှုဖွင့်"

Than Htike added 3 new photos.မှ ကူးယူဖော်ပြပါသည်။
ဒီကိစ္စမှာ အရွေ့တစ်ခုဖြစ်ဖို့ ရှေ့နေအသင်းတွေ ရှေ့နေကွန်ယက်တွေက ပူးပေါင်းပေးကြဖို့ကောင်းတယ်...(ဟာဂျူလီ-ကသာ) ***************᠌᠌᠌
"တရားသူကြီးကို ဖိနပ်ဖြင့် ပစ်ပေါက်သည့် ရှေ့နေ ဦးဇော်ဝင်းကို ပုဒ်မ ၃ ခုဖြင့် အမှုဖွင့်"
-------------------------------------

မြတ်ပြည့်ဖြိုး
Photos - Facebook
June 2017
မတ္တရာမြို့နယ် တရားသူကြီးကို တရားခွင် အတွင်း ဖိနပ်ဖြင့် ပစ်ပေါက်ခဲ့သူ တရားလွှတ်တော် ရှေ့နေ ဦးဇော်ဝင်းကို ပုဒ်မ ၃ ခုဖြင့် အမှုဖွင့် တိုင်တန်း ထားကြောင်း မန္တလေးတိုင်း ဒေသကြီး တရားရေး ဦးစီးမှူး ဦးမြင့်စိုးက ဧရာဝတီသို့ ပြောသည်။
တရားရေး ဦးစီးမှူး ဦးမြင့်စိုးက “ဒီလို လူအများကြီး ရှေ့မှာ နိုင်ငံတော် ကိုယ်စားရှိနေတဲ့ တရားသူကြီးကို ဖိနပ်နဲ့ ချွတ်ပြီး ပစ်ပေါက်တယ်။ အဲဒါကြောင့် မြို့နယ် တရားသူကြီးက ဒီအပြုအမူကို လက်မခံနိုင်လို့ သူ့ ကိုယ်ပိုင် ဆုံးဖြတ်ချက်အရ အဲဒီနေ့မှာပဲ ချက်ချင်းကို ရဲစခန်းမှာ အမှုဖွင့် တိုင်လိုက်တယ်” ဟု ပြောသည်။
တရားလွှတ်တော် ရှေ့နေ ဦးဇော်ဝင်းသည် မေလ ၃၀ ရက်နေ့က မတ္တရာမြို့နယ် တရားရုံးတွင် အမှုစစ်ဆေး နေစဉ် မြို့နယ် တရားသူကြီးက ၎င်း၏ အမှုအတွက် အာမခံ ရုတ်သိမ်းသည် ဟုဆိုကာ တရားခွင် အတွင်း တရားသူကြီးအား ဖိနပ်ဖြင့် ပစ်ပေါက်ခဲ့ခြင်း၊ ညစ်ညမ်းသည့် စကားလုံး အသုံးအနှုန်းဖြင့် ပြောဆိုခဲ့ခြင်း တို့ ပြုလုပ်ခဲ့ကြောင်း သိရသည်။
ယင်းကဲ့သို့ ပြုမူခဲ့သူ တရားလွှတ်တော် ရှေ့နေ ဦးဇော်ဝင်း ကို ပုဒ်မ ၃၅၃ အရ တာဝန် ဝတ္တရား ဖောက်ဖျက်မှု၊ ပုဒ်မ ၂၂၈ အရ တရား စီရင်ရေး အနှောင့်အယှက် ဖြစ်အောင် ပြုမှု နှင့် ပုဒ်မ ၂၉၄ (ခ) အရ ဆဲဆိုမှု တို့ဖြင့် မတ္တရာမြို့နယ် ရဲစခန်းတွင် အမှုဖွင့် တိုင်ကြားလိုက်ခြင်း ဖြစ်သည်။
၎င်းဖြစ်စဉ်နှင့် ပတ်သက်၍ မန္တလေးတိုင်း တရားရေး ဦးစီးဌာနက ဖြစ်စဉ် ဖြစ်ပွားရသည့် အခြေခံ အကြောင်း အရင်းများအား စုံစမ်း စစ်ဆေးရေး အဖွဲ့ ဖွဲ့စည်း၍ စစ်ဆေးခြင်းများ ပြုလုပ်မည် ဖြစ်သည်။
“လူကို စစ်မှာ မဟုတ်ပါဘူး။ ဖြစ်စဉ်ကို စစ်ဆေးမှာ ဖြစ်ပါတယ်။ ဒီလို ဖြစ်စဉ်မျိုး နောင်ပိုင်း မဖြစ်အောင် ဘယ်လို တားရမလည်း ဆိုတာ သိရဖို့ အတွက်ပါ။ လက်ရှိ အနေအထား ဖြစ်သွားတဲ့ ကိစ္စက ပွင့်ပွင့် လင်းလင်း ပြောရရရင် တရားရုံး အဂါင်္ရပ်နဲ့ ညီတဲ့ ဟာက ရှားတယ်။ တရားခွင် ဆိုတာကလည်း သတ်မှတ် အကျယ်အဝန်း၊ သူနေရာ နှင့်သူရှိနေမယ် ဆိုရင် ဒီလို ကိစ္စတွေ မဖြစ်ဘူး” ဟု တိုင်းတရားရေး ဦးစီးမှုး ဦးမြင့်စိုး က ရှင်းပြသည်။
အဆိုပါ တိုင်တန်းချက်နှင့် ပတ်သတ်၍ မတ္တရာမြို့နယ် ရဲစခန်းအား ဆက်သွယ် မေးမြန်းကြည့်ရာ အထက်က မှာကြားထား၍ လောလောဆယ် ဖြေကြားခွင့် မရှိသေးကြောင်း စခန်းမှ တာဝန်ရှိသူ တဦးက ဧရာဝတီသို့ ပြောသည်။
လက်ရှိတွင် ဆေးစာအတု ပြုလုပ်သည်ဟု တရားစွဲ ခံထားရသည့် တရားလွှတ်တော် ရှေ့နေ ဦးဇော်ဝင်းသည် ၂၀၁၂ ခုနှစ်က ပြင်ဦးလွင်မြို့ရှိ ကန်ထရိုက်တာ တဦးနှင့် မြေပိုင်ရှင် တဦး အပြန်အလှန် ပြဿနာ ဖြစ်ပြီး အမှုဖွင့်ရာတွင် ကန်ထရိုက်တာ ဘက်မှ ရှေ့နေ အဖြစ် လိုက်ပါ ဆောင်ရွက်နေသူ ဖြစ်သည်။
ကန်ထရိုက်တာက အမှုနှင့် ပတ်သက်၍ အာမခံရရန် ဆေးစာ တစောင် တောင်းရာတွင် ၎င်းပြသနေကျ ဖြစ်သည့် အမှတ် ၁ တပ်မတော် စစ်ဆေးရုံမှ ရယူခဲ့ကာ ဆေးစာကို တရားရုံးသို့ တင်ပြခဲ့ကြောင်း၊ အဆိုပါ ဆေးစာကို မမှန်မကန် အသုံးပြုသည် ဟုဆိုကာ စစ်ဆေးရုံ ဘက်က အမှုကို လိုက်ပါ ဆောင်ရွက်နေသည့် တရားလွှတ်တော် ရှေ့နေ ဦးဇော်ဝင်းကို တရားရုံးတွင် တိုင်တန်းခဲ့ရာ တရားရုံးက အမှုကို လက်ခံခဲ့ကြောင်း၊ ထို့နောက် အမှုနှင့် ပတ်သက်သည့် အာမခံ ပယ်ချခံရစဉ် တရားသူကြီးကို ဖိနပ်ဖြင့် ပစ်ပေါက်ကာ ရိုင်းစိုင်းသည့် စကားများ သုံးနှုန်း ပြောဆိုခဲ့ခြင်း ဖြစ်ကြောင်း သိရသည်။
မန္တလေးတိုင်းဒေသကြီး တရားရုံး မှုခင်းဆိုင်ရာများ လေ့လာ စောင့်ကြည့်ရေး အဖွဲ့ဝင် ဒေါ်သဲဆုဝေက
“ဒီအမှုဟာ တရားမမျှတဘူး ဖြစ်နေတယ် ဆိုရင်တောင် တရားခွင်မှာ အဲဒီလို ကိုယ်ထိ လက်ရောက် လုပ်ခွင့် မရှိပါဘူး။ အမှန်တရားက ဘယ်လိုဆိုတာ ရှင်းပြပြီး ရှေ့ဆက်ရမှာ၊ အခုလိုအပြုအမူကြောင့် ပြစ်မှုမြောက် သွားနိုင်ပါတယ်။ အကယ်၍ မှားနေတယ် ဆိုရင် တရားသူကြီးချုပ်ကို တိုင်ကြားလို့ ရနိုင်တဲ့ အခွင့်အရေးတွေ ရှိနေပါသေးတယ်” ဟု သုံးသပ် ပြောဆိုသည်။
မြို့နယ် တရားသူကြီးက အာမခံ ရုတ်သိမ်းခြင်းမှာ အထက် အမိန့်ကြောင့် ဆိုသည့် စကားအား
“တရားသူကြီးဟာ သူကိုယ်တိုင်ပဲ တရားရေးမှာ စီရင် ဆုံးဖြတ်ခွင့် ရှိပါတယ်။ တရားရုံးမှာ အထက်အမိန့် ဆိုတာ မရှိပါဘူး။ အာမခံ စည်းကမ်း မလိုက်နာရင် ဆိုင်ရာ တရားသူကြီးဟာ အာမခံကို ရုတ်သိမ်းခွင့် ရှိပါတယ်” ဟု ဦးမြင့်စိုး က ပြောသည်။
https://burma.irrawaddy.com/news/2017/06/02/135967.html
Source. Irrawaddy

0 comments:

Post a Comment