Friday, June 2, 2017

ဂန့်ဂေါမြို့ ကုတင် ၁၀၀ ဆေးရုံတွင် မျက်စိဝေဒနာရှင်များအား အခမဲ့ကုသသည့်အဖွဲ့အား ဂုဏ်ပြုပွဲကျင်းပ




ဂန့်ဂေါ ဇွန် ၂
          မကွေးတိုင်းဒေသကြီးအစိုးရအဖွဲ့၏ အစီအစဉ်ဖြင့် ရန်ကုန်အနောက်ပိုင်းခရိုင်ဆေးရုံ မျက်စိအထူးကု ဆရာဝန်ကြီး ဒေါက်တာနီလာသိန်း နှင့် ၂၆ ဦးပါဝင်သည့်အဖွဲ့သည် မေ ၃၀ ရက် နံနက် ၇ နာရီမှစတင်ကာ ဂန့်ဂေါမြို့ ကုတင် ၁၀၀ ဆေးရုံ၌ မျက်စိအတွင်းတိမ်ရောဂါ အပါအဝင် မျက်စိဝေဒနာရှင်များ ၊ မျက်မှန်ကိစ္စ များကို အခမဲ့ ကုသဆောင်ရွက်ပေးခဲ့ရာ မေ ၃၀ ရက်၊ မေ ၃၁ ရက်နှင့် ဇွန် ၁ ရက်တို့တွင် မျက်စိဝေဒနာရှင် ၂၄၁၄ ဦးအား မျက်စိကျန်းမာရေး ဝန်ဆောင်မှုများ ဆောင်ရွက်ခဲ့၍ ၂၄၆ ဦးတို့အား ခွဲစိတ်ကုသပေးကာ ၉၂၀ ဦး တို့အား ဆေးဝါးကုသပေးခဲ့ပြီး ၁၂၄၈ ဦးတို့အား မျက်မှန်စမ်းသပ် တပ်ဆင်ပေးခဲ့ကြောင်း သိရသည်။

          အဆိုပါ မျက်စိကုသသည့် အဖွဲ့အား ဂုဏ်ပြုပွဲကို ဇွန် ၁ ရက်ညက ဂန့်ဂေါမြို့ မြစ်သာခန်းမ၌ ကျင်းပရာ မကွေးတိုင်းဒေသကြီး ဝန်ကြီးချုပ် ဒေါက်တာအောင်မိုးညို တက်ရောက်၍ ဂုဏ်ပြုအမှာစကားပြောကြားသည်။
          ထို့နောက် ဂုဏ်ပြုပန်းခြင်းကိုလည်းကောင်း၊ ဂုဏ်ပြုလက်ဆောင်များကိုလည်းကောင်း တာဝန်ရှိသူ များက ပေးအပ်ဂုဏ်ပြုကြကာ ပရီးမီးယား တေးဂီတအဖွဲ့က ဂုဏ်ပြုသီချင်းများဖြင့် သီဆိုဖျော်ဖြေတင်ဆက် ခဲ့ကြကြောင်း သိရသည်။
စိန်ကျော်(ဝါးဘိုးချောင်)

0 comments:

Post a Comment