Tuesday, June 27, 2017

မျိုးစပါးပေးအပ်ပွဲနှင့် တောင်သူအကြိုက် စပါးမျိုးရွေးချယ်ပွဲကျင်းပ




ပွင့်ဖြူ         ဇွန်       ၂၇
          မျိုးစပါးပေးအပ်ပွဲနှင့် တောင်သူအကြိုက် စပါးမျိုးရွေးချယ်ပွဲကို ဇွန်လ(၂၄)ရက်နေ့၊နံနက်(၉)နာရီက ပွင့်ဖြူမြို့ စိုက်ပျိုးရေးဦးစီးဌာနရုံးနှင့် ဇီးတောကျေးရွာမျိုးစပါးယှဉ်ပြိုင်စမ်းသတ်ကွက် ဧက(၅၀) တွင်ကျင်းပခဲ့သည်။
          မျိုးစပါးပေးအပ်ပွဲတွင် ရေဆင်းစိုက်ပျိုးရေးသုတေသနဦးစီးဌာန၊ညွှန်ကြားရေးမှူးချုပ် ဦးနိုင်ကြည်ဝင်းမှ အဖွင့် အမှာစကားပြောကြားပြီး မကွေးတိုင်းဒေသကြီး၊စိုက်ပျိုးရေးဦးစီးဌာန တိုင်းဒေသကြီးဦးစီးမှူး ဦးခင်မောင်ဝင်းမှ လယ်ယာကဏ္ဍဖွံ့ဖြိုးတိုးတက်ရေးနှင့် မျိုးစပါးများပေးအပ်ရခြင်းအကြောင်း ရှင်းလင်းပြောကြားခဲ့သည်။ ထို့နောက် စပါးမျိုးများအား တောင်သူများလက်ဝယ်အရောက် ညွှန်ကြားရေးမှူးချုပ်နှင့် တာဝန်ရှိသူများမှ ပေးအပ်ကာ အခမ်းအနား ကိုရုပ်သိမ်းခဲ့သည်။
          အဆိုပါမျိုးစပါးပေးအပ်ပွဲတွင် ဥယျာဉ်ကျစ်ကျေးရွာအုပ်စုအတွင်းရှိ တောင်သူ(၁၂)ဦးအား တစ်ဧကလျင် ဧရာမင်းမျိုးသန့်မျိုးစပါး (၁)တင်းနှုန်းဖြင့် ဧက(၅၀)အတွက် မျိုးစပါး (၅၀)တင်းပေးအပ်ခဲ့သည်။
          ဆက်လက်၍ နွေစပါးကွင်းသရုပ်ပြပွဲနှင့် တောင်သူအကြိုက် စပါးမျိုးရွေးချယ်ပွဲကို ဇီးတောကွင်းတွင် ကျင်းပခဲ့ရာ တိုင်းဒေသ ကြီးလွှတ်တော်ကိုယ်စားလှယ် ဦးတင့်ဆန်းမှ စိုက်ပျိုးရေးကဏ္ဍဖွံ့ဖြိုး တိုးတက်ရေးဆောင်ရွက်နေမှုများကုို ရှင်းလင်း ပြောကြားပြီ၊  KOPIA Project မှ Project Director Dr. KINDAESU မှ တောင်သူလယ်သမားဖွံ့ဖြိုးတိုးတက်ရေးနှင့် မျိုးကောင်းမျိုးသန့်စပါးများ ပြည်ပတင်ပို့နိုင်အောင် စိုက်ပျိုးထုတ်လုပ်နိုင်ရေး ဆောင်ရွက်မှုများကို ရှင်းလင်းပြောကြား ခဲ့သည်။ ၎င်းနောက် တက်ရောက်လာသော တောင်သူ များနှင့်ဖိတ်ကြားထားသော ဧည့်သည်တော်များအား မျိုးစပါးစိုက်ခင်း၊စပါး၊ဆန် နှင့် ထမင်းများ ယှဉ်ပြိုင်မဲပေးရွေးချယ်ခဲ့ပြီး၊ပြည်တော်ရင် မျိုးစပါးကို တစ်ဧကထွက်နှုန်း၊စိုက်ပျိုးရက် နှင့် ထမင်းကောင်းမွန်မှုတို့ကြောင့်  မဲအများဆုံးပေးရွေးချယ်၍ စိုက်ပျိုးရန်အကောင်းဆုံး တောင်သူအကြိုက် မျိုးစပါးအဖြစ် သတ်မှတ်ခဲ့ကြသည်။မျိုးစပါးယှဉ်ပြိုင်မှုတွင် မနောသုခ ၊ ရတနာတိုး၊ရက်(၉၀)၊ ပြည်တော်ရင်၊ Dansan.2 နှင့် Young Poong မျိုးစပါးစုစုပေါင်း (၆)မျိုးဖြင့်ယှဉ်ပြိုင်ပြသခဲ့ပြီး ဒေသခံတောင်သူများအား မနောသုခမျိုးသန့်၊မျိုးပွား (၅၀)ဧကဆောင်ရွက်ထားရှိမှုနှင့် စိုက်ပျိုးနည်းစနစ် (၄)မျိုး တို့အား ကွင်းဆင်းလေ့လာခဲ့ကြောင်းနှင့် စပါးစိုက်တောင်သူများအား မျိုးကောင်းမျိုးသန့် စပါးများ ထွက်နှုန်းကောင်းမွန်စွာဖြင့် ပြည်တွင်းသာမက ပြည်ပပို့ကုန်အဖြင့်တင်ပို့နိုင်အောင် ရည်ရွယ်ဆောင်ရွက်ခြင်းဖြစ်ကြောင်းသိရှိရသည်။
သူရထွန်း(ပွင့်ဖြူ)

0 comments:

Post a Comment