Sunday, June 18, 2017

မိုးရာသီ စုပေါင်းသစ်ပင်စိုက်ပျိုးပွဲတော်ကျင်းပ




ပွင့်ဖြူ        ဇွန်      ၁၉
          မကွေးတိုင်းဒေသကြီး၊မင်းဘူးခရိုင်၊ပွင့်ဖြူမြို့နယ် သစ်တောဦးစီးဌာနမှ  နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၏ (၇၂)နှစ်မြောက် မွေးနေ့အကြို မိုးရာသီ စုပေါင်းသစ်ပင်စိုက်ပျိုးပွဲတော်ကို ဇွန်လ (၁၈)ရက် နေ့ ညနေ (၄)နာရီက ပုသိမ်-မုံရွာကားလမ်းဘေးရှိ မဲဇလီတိုက်နယ်ဆေးရုံရှေ့တွင်ကျင်းပခဲ့သည်။

          စုပေါင်းသစ်ပင်စိုက်ပျိုးပွဲတော်တွင် ပွင့်ဖြူမြို့နယ် ပြည်သူ့လွှတ်တော်ကိုယ်စားလှယ် ဦးထွန်းထွန်းမှ အဖွင့်အမှာ စကားပြောကြားပြီး၊သစ်တောဦးစီးဌာန မြို့နယ်ဦးစီးမှူး ဦးလှသောင်းမှ သစ်တောသစ်ပင်ထိန်းသိမ်းရေးနှင့် စုပေါင်း သစ်ပင်စိုက်ပျိုးပွဲတော်ကျင်းပရခြင်းအကြောင်း ရှင်းလင်းပြောကြားခဲ့သည်။ ထို့နောက် မဲဇလီတိုက်နယ်ဆေးရုံရှေ့တွင် တစ်ပျော်တစ်ပါး စုပေါင်းသစ်ပင်စိုက်ပျိုးခဲ့ပြီး အခမ်းအနားကိုရုပ်သိမ်းခဲ့သည်။
          အဆိုပါသစ်ပင်စိုက်ပျိုးပွဲတော်သို့ ပွင့်ဖြူမြို့နယ် အုပ်ချုပ်ရေးမှူးနှင့်မြို့နယ်အဆင့်ဌာနဆိုင်ရာဝန်ထမ်းများ၊ ပြည်သူ့လွှတ်တော်ကိုယ်စားလှယ်နှင့် တိုင်းဒေသကြီးလွှတ်တော်ကိုယ်စားလှယ်များ၊ကျောင်းသား/သူများ၊ကျန်းမာရေး ၀န်ထမ်းများ၊ မဲဇလီကျေးရွာဒေသခံပြည်သူများနှင့်သစ်တောဝန်ထမ်းများ တက်ရောက်ခဲ့ပြီး၊ ကျွန်း(၁၇၉)ပင်၊ ယူကလစ် (၁၀၀)ပင်နှင့် ခရေ(၅၀)ပင် စုစုပေါင်း (၃၂၉)ပင် စိုက်ပျိုးခဲ့ကြောင်းသိရှိရသည်။
သူရထွန်း(ပွင့်ဖြူ)

0 comments:

Post a Comment