Sunday, May 28, 2017

ပြတိုက်နှင့်စာကြည့်တိုက်များဥပဒေကို ဖြည့်စွက် အကြံပြုဆွေးနွေးပွဲကျင်းပ




ပွင့်ဖြူ        မေ    ၂၆
          မကွေးတိုင်းဒေသကြီး၊လွှတ်တော်မှ  ပြဌာန်းလိုက်သည် ပြတိုက်နှင့် စာကြည့်တိုက်များဥပဒေတွင် ဖြည့်စွက် အကြံပြုဆွေးနွေးပွဲကို ပွင့်ဖြူမြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာနတွင် မေလ(၂၅)ရက်နေ့ နံနက်(၉) နာရီက ဆောင်ရွက်ခဲ့သည်။
          အဆိုပါအကြံပြုဆွေးနွေးပွဲကို မြို့နယ်ဦးစီးမှူး ဒေါ်မေသန္တာအောင်မှ ဦးဆောင် ဖြည့်စွက်ဆွေးနွေးပြီး၊ ပွင့်ဖြူမြို့နယ်အတွင်းရှိ ကျေးရွာစာကြည့်တိုက်များမှ စိတ်ပါဝင်စားသော စာကြည့်တိုက်မှူးများ၊ လူမှုရေးအသင်း အဖွဲ့ဝင်များ၊ ပညာရေးဌာနနှင့် မြို့နယ်စာကြည့်တိုက်ဖွံ့ဖြိုးရေးကွန်ရက်အဖွဲ့ဝင်များတို့ က ဖြည့်စွက်ဆွေးနွေး အကြံပြုခဲ့သည်။ ပြတိုက်နှင့် စာကြည့်တိုက်များဥပဒေပြဌာန်းပေးခြင်းဖြင့် ပြတိုက်နှင့် စာကြည့်တိုက်များ ဖွံ့ဖြိုးတိုးတက်လာစေပြီး၊ခေတ်ကာလနှင့်အညီ လိုက်ပါဆောင်ရွက်နိုင်ရန်၊ ပြည်သူအများ အလွယ်တကူ ဖတ်ရှုလေ့လာနိုင်ပြီး၊ အသိပညာဗဟုသုတတိုးပွားလာစေရန်၊ ရှေးဟောင်းအမွေအနှစ် အနုပညာလက်ရာ များကို ထိန်းသိမ်းတန်ဖိုးထားတတ်ပြီး ယဉ်ကျေးသိမ်မွေ့၍ ကိုယ်ကျင့်တရားကောင်းမွန်သည့် နိုင်ငံသားကောင်းများ ပေါ်ထွက်လာစေရန်၊ပညာရေးနှင့် သုတေသနလုပ်ငန်းများတွင် အထောက်အကူပြုစေပြီး လူစွမ်းအား အရင်းအမြစ် ဖွံ့ဖြိုး တိုးလာစေရန်နှင့် အစဉ်လေ့လာသင်ယူသော လူဘောင်အဖွဲ့အစည်းဖြစ်ထွန်းပေါ်ပေါက်လာစေရန် ရည်ရွယ် ဆောင်ရွက်ခြင်းဖြစ်ကြောင်း သိရှိရသည်။
သူရထွန်း(ပွင့်ဖြူ)

0 comments:

Post a Comment