Wednesday, May 24, 2017

၂၁ ရာစုပင်လုံ (ဒုတိယအကြိမ်)ကို မိန့်ခွန်းများမှတဆင့် လေ့လာခြင်း

၂၁ ရာစုပင်လုံ (ဒုတိယအကြိမ်)ကို မိန့်ခွန်းများမှတဆင့် လေ့လာခြင်း
၂၁ ရာစုပင်လုံညီလာခံမှာ အစိုးရ၊ လွှတ်တော်၊ တပ်မတော်၊ တိုင်းရင်းသားလက်နက်ကိုင်အဖွဲ့တွေနဲ့ နိုင်ငံရေးပါတီတွေရဲ့ ကိုယ်စားမိန့်ခွန်းပြောသွားတာတွေ လေ့လာကြည့်မိပါတယ်။ ဒီညီလာခံမှာ ကျင်းပပုံက ပိုပြီး စနစ်ရှိလာပြီး ဟောပြောတဲ့သူအကုန်လုံးလည်း မိန့်ခွန်းကို ပြင်ဆင်လာခဲ့ကြတာကို တွေ့ရပါတယ်။
မိန့်ခွန်းတွေမှာ အစိုးရနဲ့လွှတ်တော်က ပါတီတူ၊ လိုင်းချင်းတူတာမို့လို့ နိုင်ငံတော်အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်ရဲ့ မိန့်ခွန်းကိုပဲယူပါတယ်။ " လာမယ့်ရက်အတွငးမှာ အကြိတ်အနယ်ဆွေးနွေးမှုတွေ၊ အမြင်ချင်းဖလှယ်မှုတွေ၊ အငြင်းအခုန်တွေနဲ့ ခက်ခက်ခဲခဲ ဆုံးဖြတ်ချက်တွေကို တွေ့မြင်ကြရတော့မှာဖြစ်ပါတယ်" လို့ ဒေါ်အောင်ဆန်းစုကြည်က ပြောပါတယ်။ အရင်တစ်ခေါက်ကထက်စာရင် ငြိမ်းချမ်းရေးဆွေးနွေးမှုရဲ့ နက်နဲရှုတ်ထွေးမှုကို ပိုမြင်လာတဲ့သဘောဖြစ်ပါတယ်။
NCA
ဒေါ်အောင်ဆန်းစုကြည်၊ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်နဲ့ အတိုက်အခံပါတီ ပြည်ခိုင်ဖြိုးဥက္ကဌ ဦးသန်းဌေးတို့ ဘုံတူညီချက်ကတော့ NCA ကို မဏ္ဍိုင်ထားပြီး ပြောသွားတာပါ။ NCA ကို လက်မှတ်ရေးထိုးဖို့ပေါ့၊ ဒီနေရာမှာ မိန့်ခွန်းပြောခွင့်ရလည်းဖြစ် NCA လက်မှတ်ရေးထိုးထားတဲ့ ကေအဲန်ယူ ဥက္ကဌ ဗိုလ်ချုပ်ကြီး စောမူတူးစေးဖိုးကတော့ " NCA လက်မှတ်ထိုးထားသူတွေရဲ့ ပါဝင်မှုလောက်နဲ့ နိုင်ငံလွှမ်းခြုံပြဿနာကို ဖြေရှင်းနိုင်မှာမဟုတ်ပါဘူး" လို့ ပြောသွားပါတယ်။
ဗိုလ်ချုပ်မှူးကြီးမင်းအောင်လှိုင်ရဲ့ မိန့်ခွန်းကတော့ အရှည်ဆုံးဖြစ်ပြီး ဆက်လက်ကျင်းပမယ့် အစည်းအဝေးတွေမှာ "NCA ကိုပဲ အခြေခံမူအဖြစ် ထားရှိုဖို့"၊ " NCA စာချုပ်ပါ နိုင်ငံရေးလမ်းပြမြေပုံဟာ အခိုင်အမာ သဘောတူ ပြဌာန်းထားပြီး တိကျစွာ လျှောက်လှမ်းရမယ့် ပြည်ထောင်စုရဲ့ ထွက်ရပ်လမ်းပဲ ဖြစ်ပါတယ်"၊ " လက်တွေ့ ငြိမ်းချမ်းရေးလုပ်ငန်းစဉ်တွေကို အကောင်အထည်ဖော်ရာနေရာမှာ NCA ပါ အခြေခံမူတွေ၊ လမ်းပြမြေပုံ အစီအစဉ်တွေကို ကျော်လွန်ပြီး ဆောင်ရွက်နေတာကို တွေ့ရပါတယ်" စသဖြင့် ပြောသွားတာတွေ့ရပါတယ်။
မြောက်ပိုင်းမဟာမိတ်တွေအတွက်တော့ ဒီအကြောင်းအရာဟာ သဘောကွဲစရာဖြစ်ပြီး အစည်းအဝေးမှာ အခရာကျမယ့်အချက်လည်းဖြစ်ပါတယ်။
ဖက်ဒရယ်
အားလုံးကတော့ ဖက်ဒရယ်ဆိုတာကို သုံးသွားတော့ သဘောတူပြီးဖြစ်တယ်လို့ ဆိုရပါမယ်။ ဒီအထဲမှာ ဗိုလ်ချုပ်မှူးကြီးမင်းအောင်လှိုင်ကတော့ သတိနဲ့ သုံးသွားတဲ့သဘောရှိပါတယ်။ သူ့မိန့်ခွန်းတစ်ခုလုံး ဖက်ဒရယ်ဆိုတဲ့စကားလုံး တစ်ခုပဲပါပါတယ်။ ဒါထက်စာရင် ဒီမိုကရေစီက ပိုတာသွားခဲ့ပါတယ်။ ( ကျွန်တော့်ကောက်ချက်ကတော့ ဖက်ဒရယ်ပုံစံ ဗဟိုနဲ့ ဒေသန္တရ အာဏာခွဲဝေမှုတွေမှာ ချဉ်းကပ်ပုံခြင်း ကွာဟမှုကြီးတဲ့ လက္ခဏာပါ)
ခွဲထွက်ရေး
ဗိုလ်ချုပ်မှူးကြီး မင်းအောင်လှိုင်နဲ့ ပြည်ခိုင်ဖြိုးက ဦးသန်းဌေးတို့က တိုင်းရင်းသားအဖွဲ့အချို့ရဲ့ သဘောထားကို ခွဲထွက်ရေးလို့ မြင်နေတာထင်ရှားပါတယ်။ ဘယ်အဖွဲ့တွေလို့ မပြောသွားပေမယ့် ခြိမ်းခြောက်မှုအန္တရာယ် threat အနေနဲ့ မြင်ပုံရှိပါတယ်။
Stakeholders
တစ်ခြားသောအင်အားစုတွေအကုန်လုံးက အစိုးရ၊ တပ်မတော်နဲ့ တိုင်းရင်းသားလက်နက်ကိုင်အဖွဲ့တွေရဲ့ ဆုံးဖြတ်သဘောတူညီမှု၊ ကွဲပြားမှုတွေကိုပဲ အလေးထားပြောသွားကြပေမယ့် စောမူတူးစေးဖိုးကတော့ " အစိုးရ၊ လွှတ်တော်၊ တပ်မတော်၊ အင်စတီကျူးရှင်းများ၊ အန်စီအေလက်မှတ်ရေးထိုးထားတဲ့ တိုင်းရင်းသားလက်နက်ကိုင်အင်အားစုများ၊ အခြားတိုင်းရင်းသားလက်နက်ကိုင်အဖွဲ့များ၊ နိုင်ငံရေးပါတီများ၊ လူမှုအဖွဲ့အစည်း ကိုယ်စားလှယ်များဟာ ပါဝင်သင့် ပါဝင်ထိုက်သူတွေအားလုံးဖြစ်ပါတယ်" လို့ ပြောသွားပါတယ်။ သူ့အယူအဆက ဒီမိုကရက်တစ်အဖြစ်ဆုံးလို့ ပြောလို့ရမယ်ထင်ပါတယ်။
နောက်ပြီး " ဒီနေ့ ကျွန်တော်တို့ရဲ့ နိုင်ငံရေးဆွေးနွေးပွဲတွေမှာ လုပ်ငန်းစဉ် (process) ပိုင်းမှာ အားနည်းချက်တွေ ကြီးကြီးမားမား ရှိနေမှုကို မီးမောင်းထိုးပြလိုပါတယ်" လို့ ပြောပါတယ်။
တိုင်းရင်းသားလက်နက်ကိုင်အဖွဲ့တွေ တက်ရောက်ကိုယ်စားပြုမှုတွေနဲ့ ဟောပြောမှုတွေအားလုံးနဲ့ ခြုံငုံကြည့်ရင်တော့ ကွဲပြားမှုတွေက ထုနဲ့ထည်နဲ့ ရှိနေတာဖြစ်ပါတယ်။

0 comments:

Post a Comment