Saturday, April 8, 2017

အလုပ်သမားအားမာန်

~အလုပ်သမားအားမာန်~~~
~~~~~~~~~~~~~~~~~

အလုပ်သမားသတိ အမြဲရှိ
အဖိမခံ အထိမခံ
အလုပ်သမား ဇာတိမာန်
လှေခွက်ချည်းကျန် အလံမလှဲစတမ်းဟေ့ ။

အခက်အခဲ ဆိုတာ
တစ်သက်စွဲနေတဲ့ ရက်တွေမဟုတ်
စည်းလုံးညီညွတ်ခြင်းနဲ့
အခက်အခဲကို အတူကျော်လွှား
အဲဒါ "အား"ပဲ ရဲဘော်တို့ ။

အလုပ်သမားရဲ့ အသက်ဝိညာဉ်ဟာ
လုပ်ငန်းခွင် ပျော်ရွှင်မှုပါ
လုပ်ငန်းခွင် ပျော်ရွှင်မှုဟာ
အလုပ်သမားရဲ့ အသက်ဝိညာဉ်ပါ ။

လုံလောက်တဲ့ လုပ်ခလစာ
မရခဲ့တာ ကြာခဲ့သလို
အိုဗာတိုင်း(မ်)နဲ့ ဝေးနေတာလည်း
သက္ကရာဇ်များစွာ ကြာခဲ့ပါပြီ ။

အနာဂတ်အာမခံချက် ကင်းမဲ့နေတဲ့
အလုပ်သမားတွေ ဆိုတာ
စနစ်ဆိုးရဲ့ သားကောင်တွေပါ ။

အဲဒီစနစ်ဆိုးကြီးကို တွန်းလှန်တဲ့နေရာမှာ
ကြောက်သွေးဆိုတာ ရှိနေရင်
မြန်မြန်သာ ဖောက်ထုတ်လိုက်
သွေးမကြောင်ကြေး နောက်မဆုတ်ကြေးဟေ့ ။

ငါတို့ အလုပ်သမားတွေဟာ
အိုးထဲမှာ ဆန်မရှိပေမဲ့
အရိုးထဲမှာအားမာန် အပြည့်ရှိတယ်ဆိုတာ
အချိန်တန်ရင် သိရစေမယ်
အလုပ်သမားထုရဲ့အားမာန်တွေ ခိုင်မာနေသ၍
ဘယ်အစိုးရ၊ဘယ်အလုပ်ရှင်များရဲ့ ရှေ့မှာ
ဘယ်တော့မှ ဒူးမထောက်လက်မမြှောက်ပါ ။

ငါတို့အလုပ်သမားတွေရဲ့ အခွင့်အရေးတွေ
အပြည့်အဝရရှိရေးဆိုတဲ့ တာဝန်ကို
သမိုင်းပေးတာဝန်အနေနဲ့ ကျေပွန်စွာ
ထမ်းဆောင်ကြပါစို့………။

ဟိန်းမင်း(မြန်အောင်ရေနံမြေ)

0 comments:

Post a Comment