Monday, April 3, 2017

မကွေးမြို့ ရွှေမြတ်မင်းသမီး ကာရာအိုကေ အဆင့်မြင့်အအေးခန်း စားသောက်ဆိုင် မီးလောင်ကျွမ်းမှုကြောင့် လူ ၁၅ ဦး​သေဆုံး


မ​ကွေး      ဧပြီ       ၃
မကွေးမြို့ မြင်သာရပ် သစ္စာလမ်းနှင့်(၂၉)လမ်းထောင့်ရှိ ရွှေမြတ်မင်းသမီး ကာရာအိုကေ အဆင့်မြင့်အအေးခန်း စားသောက်ဆိုင်တွင် ယမန်နေ့ည ၁၀း၁၀နာရီခန့်က မီးလောင်ကျွမ်းမှု ဖြစ်ပွား ခဲ့သည်။

      အဆိုပါမီး​လောင်​​နေရာသို့ မ​ကွေးတိုင်းမီးသတ်​မှ မီးသတ်​​ရေယာဉ်​ (၉)စီး မင်းဘူးမြို့နယ်​မှ မီးသတ်​​ရေယာဉ်​ (၃)စီး စုစု​ပေါင်း (၁၂)စီး၊မကွေးမြို့ပေါ်ရှိ တပ်ရင်း/တပ်ဖွဲ့များမှတပ်မတော်သား အရာရှိစစ်သည်များနှင့်ရဲတပ်ဖွဲ့ဝင်များ၊ဒေသခံပြည်သူ(၃၀၀)ဦးခန့်တို့ ၀ိုင်းဝန်း​ငြိမ်းသတ်​ခဲ့ရာ ၁၀ နာရီ ၃၅ မိနစ်​တွင်​ လုံးဝမီးငြိမ်းနိုင်​ခဲ့​ကြောင်းသိရသည်​။

မီးလောင်ကျွမ်းမှုကြောင့် (၂၇)ပေ×(၃၇)ပေ၊RC(၂)ထပ်၊သွပ်မိုး၊ပျဉ်ခင်း(အပေါ်ထပ် ၄ ခန်း၊ အောက်ထပ် ၆ ခန်း)ဖြင့်ထည်ဆောက်ထားသည့် နှစ်ထပ်တိုက်နေအိမ်တစ်လုံး လောင်ကျွမ်း ဆုံးရှုံးကာ    ခန့်​မှန်းတန်​ဖိုး ကျပ်​(၅၆၂၀၀၀၀ိ/-)ဆုံးရှုံးခဲ့ပြီး ကျား (၁၁) ဦး၊ မ (၄) ဦး​သေဆုံးခဲ့ကြောင်း နှင့် မ၀တ်​ရည်​ (၁၉)နှစ်​ (ဘ) ဦးမြင့်​ကြည်​၊၃၃×၃၄ လမ်းကြား၊ချမ်းအေးသာဇံမြို့နယ်၊ မန္တလေး တိုင်းဒေသကြီး နေသူမှာ မီး​လောင်​ဒဏ်​ရာ(တစ်ကိုယ်လုံးညိုမဲဒဏ်ရာများ)ဖြင့် မကွေးတိုင်းဒေသကြီး ပြည်သူ့ဆေးရုံ၌ (စိုးရိမ်​ရ) အ​ခြေအ​နေများဖြင့်​​ အတွင်းလူနာအဖြစ် ဆေးကုသမှုခံယူလျက်ရှိကြောင်း သိရသည်။

အိမ်တစ်လုံး မီးလောင်ကျွမ်းမှုမှာတော့ သေဆုံးသူအများဆုံး ဖြစ်တော့မယ်ဗျာ၊ သေလိုက် ကျတာ အဆောက်အဦက သေးသေးမှာ အခန်းတွေကများ၊အပေါ်ထပ်အောက်ထပ် အတက်အဆင်း လှေခါးက ကျဉ်းကျဉ်း၊အားလုံးပိတ်မိသလိုဖြစ်သွားတယ်နဲ့ တူပါတယ်၊ ဘယ်လိုစတင် လောင်ကျွမ်း တယ်ဆိုတာတော့ မသိရသေးပါဘူး အပေါ်ထပ်လှေခါးနားက စတင်လောင်တယ်လို့ထင်ရပါတယ်ဟု အဆိုပါရပ်ကွက် ပြည်သူတစ်ဦးက ပြောသည်။

ဖြစ်စဉ်နှင့်ပတ်သက်၍  အဆိုပါအဆောက်အဦအား ငှါးရမ်းလုပ်​ကိုင်​သူ ရွှေမြတ်မင်းသမီး ကာရာအိုကေဆိုင်ရှင် ဦးရဲညွန့်​(ခ)ရွာသားကြီး(တိမ်းေ​ရှာင်​)အား မ​ကွေးမြို့မ ရဲစခန်းက (ပ)၁၉၁/ ၂၀၁၇၊ ပုဒ်မ-၂၈၅/ ၃၀၄ (က)ဖြင့် အမှုဖွင့် အရေးယူဆောင်ရွက်လျက်ရှိကြောင်း သိရသည်။

သန်းနိုင်ဦး(ငဖဲ)

0 comments:

Post a Comment