Saturday, April 8, 2017

ယထာဘူတံ ဉာဏဒသ်သနံ ၂၀၂၀ အတွက်အချက်ပေးခေါင်းလောင်းထိုးသံ

ယထာဘူတံ ဉာဏဒသ်သနံ
၂၀၂၀ အတွက်အချက်ပေးခေါင်းလောင်းထိုးသံ

သရ၀ဏ်(ပြည်)

၂၀၁၇ ဧပြီ ၁ ရက်နေ့ ကကျင်းပသော ၁၉ နေရာလစ်လပ်သည်ကိုယှဉ်ပြိုင်ရသည့် ကြားဖြတ်ရွေးကောက်ပွဲသည် NLD အတွက်ရော ဒီမိုကရေစီအတွက်ရောကြီးစွာသော သတိပေးခေါင်းလောင်းသံဖြစ်ခဲ့သည် ။ ထိုခေါင်းလောင်းသံကိုနားမထောင်ပါက ၂၀၂၀ တွင် နစ်နာဆုံးရှုံးမှုများရှိလာကြဦးမည်ဖြစ်သည် ။ ယခုကျင်းပခဲ့သော ကြားဖြတ်ရွေးကောက်ပွဲတွင် အားလုံးသိကြသည့်အတိုင်း မဲဆန္ဒနယ် ၁၉ နေရာအတွက် NLD သည် ၁၈ နေရာဝင်ပြိုင်ပြီး ၉ နေရာအနိုင်ရခဲ့ပါသည် ။ ဘဲဥမကွဲသော အချို့ပါတီများ၏စံချိန်စံညွှန်းနှင့်ကြည့်လျှင် ၁၈ နေရာတွင် ၉ နေရာအနိုင်ရခြင်းမှာ ထက်ဝက်အောင်မြင်ခြင်းဖြစ်ပေသည် ။ သို့ သော် ပြီးခဲ့သော ၁၉၉၀ ရွေးကောက်ပွဲ ၊ ၂၀၁၂ ကြားဖြတ်ရွေးကောက်ပွဲ ၊ ၂၀၁၅ အထွေထွေရွေးကောက်ပွဲ စံချိန်များနှင့်ကြည့်လျှင်မူ NLD ၏ရွေးကောက်ပွဲ အောင်မြင်မှုရလာဒ်မှာ ပါတီသက်တမ်း ၂၈ နှစ်အတွင်း အနိမ့်ဆုံး ရလာဒ်သို့ ကျဆင်းသွားခြင်းဖြစ်သည် ။ အနီးကပ်အကြောင်းပြချက်များအနေဖြင့် မဲလာပေးသူရာခိုင်နှုံးလျော့နည်းသဖြင့် တို့  ၊ ချောင်းဆုံတွင် တံတားအမည်ကိစ္စကြောင့်တို့  ၊ တိုင်းရင်းသားဘာသာစကားမတတ်၍တို့  စသည်ဖြင့် ပြော၍ရနိုင်သော်လည်း NLD ယခုရွေးကောက်ပွဲ တွင် မျှော်လင့်သလောက် အနိုင်မရခဲ့ခြင်းနောက်ကွယ်တွင်အကြောင်းများစွာရှိပေသည် ။ မျှော်လင့်သလောက်အနိုင်မရဟုပြောရခြင်းမှာ ၀င်ရောက်ယှဉ်ပြိုင်သောနေရာအားလုံးအနိုင်ရရန်မျှော်မှန်ထားသည်ဟုNLD နာယကကြီး သူရဦးတင်ဦးက ပြောကြားခဲ့ဖူးခြင်းကြောင့်ဖြစ်သည် ။ ၁၈ နေရာတွင် NLD သည် အနိုင်ဘက်မှကြည့်လျှင် ၉ နေရာနိုင်ခဲ့ပြီး အရှုံးဘက်မှကြည့်လျှင် ၉ နေရာရှုံးခဲ့ရပေ၏ ။ ထိုမျှသာမက ကယားပြည်နယတွင် ပြည်နယ်လွှတ်တော်အတွက် ဖရူဆိုမြို့နယ်မဲဆန္ဒနယ်အမှတ်(၁) နေရာအတွက် NLD မပြိုင်ရခင်မှာပင်အရှုံးပေးခဲ့ရ၏ ။ထိုမဲဆန္ဒနယ်အတွက်ကိုယ်စားလှယ်လောင်းအမည်စာရင်းတင်သွင်းရာတွင် NLD ကိုယ်စားလှယ်လောင်းသည် သတ်မှတ်နေ့ ရက်ထက် နောက်ကျပြီးမှ ကိုယ်စားလှယ်လောင်းစာရင်းတင်သွင်းခဲ့သဖြင့် ရွေးကောက်ပွဲကော်မရှင်ကလက်မခံပါယ်ချခံခဲ့ရလေသည် ။ ဤဖြစ်ရပ်သည် အတော်ကို စီမံခန့် ခွဲမှုညံ့ဖျင်းသော လုပ်ရပ်တစ်ခုဖြစ်ပြီး အာဏာရပါတီကြီးတစ်ရပ်အနေဖြင့် ထိုသို့ ဖြစ်နေသည်မှာရှက်ဖွယ်လိလိဖြစ်သည် ။ မိမိပါတီကအစိုးရအဖွဲ့ ဖွဲ့နိုင်ပြီးကတည်းက မည်သည့်နေရာတွင်မည်သူများလစ်လပ်သည် ၊ကြားဖြတ်ရွေးကောက်ပွဲကျင်းပပါက မည်သူ့ ကို ၀င်ပြိုင်ရန်ရာထားသည် ၊မည်သူ့ ကိုအရန်အဖြစ်ရာထားသည် ၊ မည်သည့်နေ့တွင် လူစာရင်းဖြတ်မည် ၊မည်သည့်နေ့ တွင်ပါတီမှတာဝန်ယူကာ ကိုယ်စားလှယ်လောင်းအမည်စာရင်းတင်သွင်းမည် စသည်ဖြင့် တိကျပြတ်သားသော မူဝါဒနှင့် လုပ်ငန်းလမ်းစဉ် တစ်ခု NLD ဗဟိုတွင်ရော ၊ ကယားပြည်နယ် NLD တွင်လည်းကောင်း ၊ ၀င်ရောက်ယှဉ်ပြိုင်မည့်ဖရူဆိုမြို့နယ် NLD တို့မှာတာဝန်အသီးသီးရှိကြလေသည် ။ သွားရလာရခက်ခဲသော ဒေသဖြစ်သဖြင့် ဗဟို၏ညွှန်ကြားချက်ကို အချိန်မီအကောင်အထည်ဖော်ဖို ခက်ခဲသည်ဆိုလျှင် ကြိုတင်ပြင်ဆင်မှုများစွာန ဂိုထဲကလုပ်ထားရမည်ဖြစ်သည် ။ ယခုသော်ကား ပြိုင်ပင် မပြိုင်ရသေး တစ်နေရာရှုံးခဲ့သည်ဆိုခြင်းမှာ ဒေသခံပြည်သူလူထုကို မလေးစားခြင်း ၊ စောကားခြင်းနှင့်အတူတူပင်ဖြစ်ပေသည် ။ ယခုလိုရွေးကောက်ပွဲရလာဒ်များ ထင်သလိုမဖြစ်ကာမှ (ဧပြီ ၂ ရက်ကျကာမှ) ကယားပြည်နယ် NLD ဥက္ကဌ ဒေါက်တာခင်စည်သူနှင့် ဖရူဆိုမြို့နယ် NLD ဥက္ကဌ ဦးပဲ့ဒူ တို့ကို ပါတီတာဝန်မှရပ်ဆိုင်းလိုက်ခြင်းသည် မိုးလွန်မှထွန်ချသည့်သဖွယ်ဖြစ်နေပါသည် ။ နဂိုတည်းကဖြစ်ကိုမဖြစ်သင့်သောအမှားဖြစ်သည် ။ ထားတော့ပြီးခဲ့တာကပြီးခဲ့ပြီ ။

               NLD ပါတီဘာကြောင့်ကြားဖြတ်ရွေးကောက်ပွဲတွင် ၅၀ ရာခိုင်နှုန်းရှုံးနိမ်းရသလဲဆိုတာသိလျှင်လာမည့် ၂၀၂၀ အထွေထွေရွေးကောက်ပွဲကြီးအတွက် ပြင်ဆင်သင့်တာပြင်ဆင်နိုင်ပေလိမ့်မည် ။ အဓိကကတော့ စေတနာဖြင့်ဝေဖန်ထောက်ပြမှုများကိုအလေးထားနားထောင်ဖို့ဖြစ်သည် ။ လူဆိုသည်မှာ အာဏာရလာသောအခါ တို့ လုပ်တာအမှန် ကျန်တဲ့သူတွေကမှားနေတာ ငါတို့ကိုလာမဝေဖန်နဲ့ဟူသောတဖက်ပိတ်အမြင်များကိန်းအောင်းလာလေ့ရှိသည် ။ အားနည်းချက်များကိုဝေဖန်ထောက်ပြမှုအစား အားလုံးကောင်းပါသည်ခင်ဗျားဟူသော အပြာမျိုးကိုသာနားဝင်ချိုကြပေလိမ့်မည် ။ မှန်ကန်သောဝေဖန်ထောက်ပြမှုသည် ဆေးခါးကြီးနှင့်တူပေလိမ့်မည် ။ အ၀င်ဆိုးသော်လည်းရောဂါပျောက်စေတတ်သဖြင့်မျိုချကြစေလိုပါ၏ ။ NLD ကိုထောက်ခံသူများထဲတွင် စာရေးသူလည်းပါဝင်၏ ။ ၁၉၈၈ ကပင်စတင်ထောက်ခံခဲ့သည် ။ ၁၉၉၀ တွင်ရော ၂၀၁၅ တွင်ရော NLD ကိုသာ မဲပေးခဲ့ပါသည် ။ ၂၀၂၀ တွင် NLD ကိုမဲပေးဖို့ များပါသည် ။ စောင့်တော့ကြည့်ရဦးမည် ။ ကျွန်တော်တို့  NLD ကိုထောက်ခံသော်လည်း သူတို့ ၏လုပ်ငန်းဆောင်တာဆောင်ရွက်ချက်များကိုအားရသလားဆိုမူ အားမရပါ ဟုဆိုချင်သည် ။ နှစ် ၅၀ ပျက်ခဲ့တဲ့နိုင်ငံကို တနှစ်အတွင်း ပြင်ဆင်၍ မရနိုင်ဆိုသော သုံးချက်တွက်နည်းကို ဘေးဖယ်ထား၍ လုပ်နိုင်လျက် မလုပ်ခဲ့နိုင်တာများကိုစပြောချင်သည် ။ အစပထမသည် ရွေးကောက်ပွဲ ၀င်ကာနီးကာလနှင့်ဆိုင်သည် ။ မိမိပါတီကို တဘ၀လုံး ၀န်းရံလာခဲ့ကြသည့် လူထုကြည်ညိုလေးစားသည့် ၈၈မျိုးဆက်အဖွဲ့ထဲမှကျောင်းသားခေါင်းဆောင်များ NLD ပါတီမှ ၀င်ရောက်ရွေးချယ်ခံရန် စာရင်းလာပေးကြစဉ်က ပြည်သူလူထုသည် ၀မ်းအသာကြီးသာခဲ့ကြသည် ။အားအရကြီးရခဲ့ကြသည် ။ ၈၈ မျိုးဆက်များနှင့် NLD ပေါင်းလိုက်လျှင် စစ်အာဏာရှင်စနစ်အကြွင်းအကျန်များကိုကျူပင်ခုတ်ကျူငုတ်မကျန်နှိမ်နှင်းအနိုင်ယူနိုင်တော့မည်ဟု ၀မ်းမြောက်ခဲ့ကြပါသည် ။သို့ သော် NLD သည် ကိုကိုကြီးအပါအ၀င် ၈၈ မျိုးဆက်နိုင်ငံရေးသမားအများစုကို သူတို့ပါတီမှ ကိုယ်စားလှယ်လောင်းအဖြစ်ဝင်ပြိုင်ခွင့်ပြုရန် ငြင်းပါယ်လိုက်သည်ကိုအံ့အားသင့်ဖွယ် တွေ့ လိုက်ရပါသည် ( ၈၈မျိုးဆက်ကိုငြင်းပယ်ခဲ့ခြင်းရလာဒ်အဖြစ် မကြာမီ ပါတီသစ်တခုပေါ်ပေါက်လာပေလိမ့်မည် ထိုပါတီထံသို့ NLD ၏ထောက်ခံမဲအချို့ပဲ့ပါသွားလိမ့်မည်) ။ လူသစ်တွေ ရွေးကောက်ပွဲနီးမှဝင်လာသူတွေကို လက်မခံဘူးထင်တယ်ဟုထင်မြင်ခဲ့သေးသော်လည်း အချို့သော ခရိုနီအသေးစားများ ၊ အာဏာရှင်စနစ်လက်အောက်တွင်အသားကျခဲ့သူအချို့ကို ပါတီမှအနီးကပ်လက်ခံပြီး လွှတ်တော်ကိုယ်စားလှယ်လောင်းအဖြစ်လက်ခံရွေးချယ်စေခဲ့တာကတော့နားလည်ရခက်ပြန်ပါသည် ။ ထိုအခါနားလည်ရသည်မှာ NLD သည် မူတခုအပေါ်တွင်ခိုင်ခိုင်မာမာရပ်တည်၍သွားနေခြင်းမဟုတ်ပဲ မူအမျိုးမျိုးပြောင်းလဲနေကြောင်းသိရပေ၏ ။ ထို့ အပြင် ၂၀၁၅ ရွေးကောက်ပွဲ နီးလာသောကာလတွင်  လွှတ်တော်ကိုယ်စားလှယ်လောင်းရွေးရာ၌ အောက်ခြေပါတီဝင်များလေးစားလက်ခံရွေးချယ်လိုက်သော ကိုယ်စားလှယ်များကို ပါတီဗဟိုမှပါယ်ချကာ သူတို့နှစ်သက်သဘောကျသူများဖြင့်အစားထိုးပေးခဲ့ခြင်းကလည်းအထက်နှင့်အောက် စိတ်ပျက်သွားစေသည် ။ ထိုသို့ စိတ်ပျက်ပြီး ပါတီမှနှုတ်ထွက်သွားသူများကို စည်းရုံးရှင်းလင်းသိမ်းသွင်းရမည့်အစား အမှိုက်တွေရှင်းသွားသည် ဟု ဦးဝင်းထိန်မှပြောကြားခဲ့ခြင်းကလည်း ခေါင်းဆောင်ကောင်းမပီသသော အပြုအမူဖြစ်သည် ။NLD ပါတီ ကို ဒေါ်အောင်ဆန်းစုကြည်တရားဝင်ခေါင်းဆောင်အဖြစ်မဆောင်ရွက်နိုင်မီ ၊ ပါတီလုပ်ငန်းများနှင့်ကင်းကွာနေချိန် ၊ အားလုံးကလေးစားရသော သတင်းစာဆရာကြီးဦးဝင်းတင် ကွယ်လွန်ချိန် ၊ ဘဘဦးတင်ဦးလည်းအသက်အရွယ်အရ နာယအဖြစ်သာ အခမ်းအနားများ တက်နေရချိန်တွင် ပါတီတွင်း၌ ဦးဝင်းထိန်တန်ခိုးထွားလာခြင်းကလည်း NLD ပါတီအတွက် ထိုးနှက်ချက်တရပ်ဖြစ်သည် ။ ဦးဝင်းတင်သည် စစ်တပ်မှထွက်လာသူဗိုလ်မှူးဟောင်းတယောက်ဖြစ်သည်နှင့်အညီ သံတမန်မဆန်သော ၊ ယဉ်ကျေးဖွယ်ရာမရှိသော အချို့သောအတုံးလိုက်အတစ်လိုက်ပြောဆိုမှုများကိုလူအများကမနှစ်မြို့ကြချေ ။ ဥပမာ NLD အစိုးရရာထူးအပြောင်းအလဲများရှိမရှိမေးခွန်းကိုမေးမြန်းခဲ့သောသတင်းထောက် အားစောက်ရူးဟုအကြိမ်ကြိမ်ပြောဆိုခြင်းသည် ယဉ်ကျေးသော နိုင်ငံရေးလောက ၊မီဒီယာလောက၌ မရှိသင့်သော ကိစ္စများဖြစ်သည် ။ ထို့အပြင် ဦးဝင်းထိန်သည် ပါတီအတွင်းရေးမှူးအဖွဲ့ဝင်ဖြစ်သည်မှန်သော်လည်း အစိုးရကိစ္စများကိုဝင်ရောက်စွက်ဖက်ခြင်း ၊လမ်းညွှန်ခြင်း ၊ ဒုဝန်ကြီးတဦးကိုနုတ်ထွက်ရန်ညွှန်ကြားခြင်းများသည် အမှန်စင်စစ် ပါတီ Side နှင့် အုပ်ချုပ်ရေး(အစိုးရ) Side ကို မှားယွင်းစွာရောထွေးခေါင်းဆောင်နေခြင်းဖြစ်သည် ။ ထိုကိစ္စများကို NLD သည်ပါတီတွင်းအရေးယူမှု ဝေဖန်ထောက်ပြမှုမရှိခဲ့ပေ ။ဦးဝင်းထိန်ကို ပါတီခေါင်းဆောင်ပိုင်းတဦးအနေထက် ဒေါ်အောင်ဆန်းစုကြည်၏လူယုံတော်အဖြစ်အားလုံးကကြောက်နေရခြင်းဖြစ်သည် ။ ဤသည်လည်း NLD ပါတီကို နိုင်ငံရေးဝေဖန်စဉ်းစားတတ်သူအချို့ သဘောမကျသောအကြောင်းတခုဖြစ်သည် ။

         ၂၀၁၅ ရွေးကောက်ပွဲတွင် NLD ပါတီ အပြတ်အသတ်အနိုင်ရ၍အစိုးရဖွဲ့သောအခါ ပြည်သူလူထုတွင် ချင်ခြင်းနှစ်ခုရှိသည် ။ ပါသင့်ပါထိုက်သူများ အစိုးရအဖွဲ့ များထဲတွင်ပါဝင်လာစေချင်ခြင်း နှင့် မပါသင့်မပါထိုက်သော လူများပါမလာစေချင်ခြင်းဖြစ်သည် ။ ပြည်သူလူထုသည် ပြည်ထောင်စုကြံ့ခိုင်ရေးပါတီကိုမလိုလား သဖြင့် NLD ကိုပုံအောမဲထည့်ခဲ့ကြသည် ။ စစ်ဗိုလ်ချုပ်ဟောင်းများကိုမမြင်လိုမတွေ့ လိုတော့ပေ ။ သို့ သော် အသစ်ဖွဲ့စည်းလိုက်သော အစိုးရအဖွဲ့ တွင် NLD ကိုတခါမှကောင်းကျိုးမပေးခဲ့ဖူးသော ပါတီမှ လူဟောင်းများကို ၀န်ကြီးရာထူးများနှင့်အခြားရာထူးကြီးများ ပြန်ပေးခဲ့သည် မှာအံ့သြစရာကောင်းလှသည် ။ လူထုကမလိုချင်တော့သဖြင့် မဲမပေးပဲဖြုတ်ချခဲ့သူများကို NLD ကဖုန်သုတ်ပွဲထုတ်လာတာသည် အပြောင်းအလဲကို အလွန်လိုလားနေသောမဲဆန္ဒရှင်ပြည်သူလူထု ဆန္ဒကိုပစ်ပယ်လိုက်ခြင်းဖြစ်သည် ။ လူထုသည် စစ်အာဏာရှင်စနစ်ကိုအလိုမရှိ ။ နှစ်ပေါင်းငါးဆယ်လောက် နည်းအမျိုးမျိုးဖြင့်အာဏာရယူထားသောစစ်ဗိုလ်ချုပ်များကို တတ်နိုင်သမျှမမြင်တွေ့ လိုတော့ ။ စစ်ဗိုလ်ချုပ်များနှင့်ပေါင်းကာ မတရားချမ်းသာလာကြသောခရိုနီများ၊စားဖားများကို အစိုးရအဖွဲ့သစ်တွင်မမြင်ချင်ကြတော့ပေ ။ယခင်အစိုးရလက်ထက်က ကြံ့ခိုင်ရေးအစိုးရကိုသစ္စာတော်ခံခဲ့သူများ အစိုးရသစ်တွင်ပါဝင်လာခြင်းကလည်းပြည်သူလူထု၏မကြေနပ်မှုကိုကြီးထွားစေသည် ။ သပိတ်မှောက်တက္ကသိုလ်ကျောင်းသားများနှင့်ဆက်ဆံရေးမကောင်းခဲ့သူ ကပညာရေးဝန်ကြီးဖြစ်ခြင်း ၊ ယခင်အစိုးရလက်ထက်တွင် အဘတို့ရှေ့မှကာကွယ်ပေးမှု၌အသားကျနေခဲ့သူကို ပြောရေးဆိုခွင့်ရှိသူခန့်ထားခဲ့ခြင်း၊ ကြံ့ခိုင်ရေးပါတီမှအမတ်အချို့ ၀န်ကြီးဖြစ်လာခြင်းတို့သည် NLD ကိုနှစ်ပေါင်းများစွာထောက်ခံလာသူများကိုဒေါသဖြစ်စေပါသည် ။တဖက်တွင် NLD ကို မိုးထဲရေထဲတွင် အမြဲတမ်းသစ္စာရှိခဲ့ ပူးပေါင်းခဲ့ကြသော SNLD အဖွဲ့ လို ရှမ်းတိုင်းရင်းသားဒီမိုကရေစီအဖွဲ့ချုပ်မှခေါင်းဆောင်များကို အစိုးရအဖွဲ့ထဲတွင် အရေးကြီးသော ထိပ်တန်းရာထူးများခွဲဝေပေးစေချင်သည် ။သို့ သော် NLD သည် မပေးခဲ့ချေ ။ ဦးခွန်ထွန်းဦးလိုလူသည် ဘယ်နေရာမှာမှ ပါမလာခဲ့ပေ ။ ဒါတွသည် ကိုယ်လုပ်ချင်ရာလုပ်လိုက်သော်လည်း တိုင်းရင်းသားများ (ရှမ်းတိုင်းရင်းသားများ)ရင်ထဲမှာ အနာတခုဖြစ်လာနိုင်သည် ။ ထိုရလာဒ်အဖြစ် ယခုအခါ ၂၀၁၇ ကြားဖြတ်ရွေးကောက်ပွဲတွင် SNLD ကို NLD သည် ရှမ်းပြည်နယ်မဲဆန္ဒနယ် ၆ နေရာတွင်  ရှုံးခဲ့ခြင်းဖြစ်သည် ။ မိမိအနိုင်ရနေချိန်တွင် မိတ်ဟောင်းများကိုလက်တွဲခေါ်ခြင်းထက် မိမိနှင့်အနေဝေးခဲ့သော မျက်နှာစိမ်းများကိုမျက်နှာသာပေးခဲ့မှု ရလာဒ်ဖြစ်သည်ဟုကျွန်တောကတော့ထင်မြင်ယူဆသည် ။

        နောက်တချက်မှာ ၂၀၁၅ ရွေးကောက်ပွဲတွင် လူကိုမကြည့်ပဲ ပါတီကိုကြည့်ပါဟူသော တိုက်တွန်းချက်၏ဘေးထွက်ဆိုးကျိုးဖြစ်သည် ။ NLD လွှတ်တော်ကိုယ်စားလှယ်များထဲတွင် စွမ်းဆောင်ရည်နိမ့်သော လွှတ်တော်အမတ်များစွာပါသည် ။ ရိုးသားကောင်းရိုးသားမည် ၊ ပါတီကိုသစ္စာရှိကောင်းရှိမည် ။သို့ သော် လူတော်များတော့မဟုတ် ။ထို့ ကြောင့် ပြည်သူလူထုသည် NLD အမတ်အချို့ကိုစိတ်ပျက်လာကြတာလည်းရှိသည် ။ ဤကိစ္စသည် ရှည်လျား၏ ။ NLD တဖွဲ့ တည်း၏အပြစ်တော့မဟုတ် ။ ပြည်ထောင်စုလွှတ်တော်ဝယ် ၂၅ ရာခိုင်နှုန်းသော တပ်မတော်သားကိုယ်စားလှယ် မူသေ  ကိုယ်စားလှယ် ၁၆၆ ယောက်ရှိ၏ ။ ရွေးကောက်ပွဲမှတဆင့် ရွေးချယ်ခံရမည့် ပြည်သူ့ ကိုယ်စားလှယ်မှာ ၄၉၈ ယောက်ရှိ၏ ။ စုစုပေါင်း တပ်မတော်သားနှင့် ရွေးကောက်ခံအမတ်ပေါင်းလိုက်လျှင် ၆၆၄ ယောက်ရှိ၏ ။ ထိုအချိန်တွင၂၀၁၅ရွေးကောက်ပွဲနီးချိန်တွင် ပြည်ထောင်စုကြံခိုင်ရေးနှင့်ဖွံ့ဖြိုးရေးပါတီမှလွှတ်တော်အမတ် ဘူးလက်လှဆွေ (ခေါ်)ဦးလှဆွေက သူတို့ကြံ့ခိုင်ရေးပါတီသည် ၂၆ ရာခိုင်နှုန်း (၁၇၂ယောက် ) ရွေးကောက်ပွဲမှာ နိုင်ခဲ့လျှင်ပင် လွှတ်တော်တွင်း၌ရှိပြီးဖြစ်သော တပ်မတော်သားကိုယ်စားလှယ် ၂၅ ရာခိုင်နှုန်း(၁၆၆ ယောက် )နှင့်ပေါင်းလိုက်လျှင် ပြည်ထောင်စုလွှတ်တော်၏ ၅၁ ရာခိုင်နှုန်း (ထက်ဝက်ကျော်) ထောက်ခံမှုဖြင့် အစိုးရဖွဲ့ကာ ဆက်လက်အုပ်ချုပ်နိုင်မည်ဖြစ်ကြောင်းပြောခဲ့ပါသည် ။ ထိုအချက်မှာအင်မတန်မသင့်လျော်သောပြောကြားချက်ဖြစ်သည် ။ ဥပဒေဘောင်ကျော်သောပြောကြားမှုဟုပင်ခေါ်၍ရသည် ။အဘယ့်ကြောင့်ဆိုသော် နိုင်ငံတော်နှင့် နိုင်ငံသားများကိုကာကွယ်စောင့်ရှောက်ပြီး တို့ တာဝန်အရေးသုံးပါးကို ကာကွယ်မည်ဆိုသောတပ်မတော်ကိုကြံ့ခိုင်ဖွံ့ဖြိုးရေးပါတီ၏ ပုလင်းတူဗူးဆို့ သဖွယ် အပိုင်တွက်ပြီးရောထွေးပြောခဲ့ခြင်းကြောင့်ဖြစ်သည် ။ အမှန်မှန်မှာ တပ်မတော်သည် နိုင်ငံသားအားလုံးနှင့်သက်ဆိုင်သောအဖွဲ့ကြီးဖြစ်ပြီး ကြံခိုင်ရေးပါတီမှာ သူ့ ပါတီဝင်များနှင့်သာဆိုင်သောအဖွဲ့ဖြစ်သည် ။ ထိုနှစ်ဖွဲ့ ကိုတဖွဲ့တည်းလိုလို လုံးချသောကိစ္စတွင် တပ်မတော်သည် ထိုစကားပြောခဲ့သူ ဦးလှဆွေကိုထိုသို့ မသင့်မလျော်မပြောကြားရန်တရားဝင်သတိပေးတားမြစ်ရမည်ဖြစ်သည် ။ သို့ သော် ကျွန်တော်သိသလောက် ထိုသို့ သတိပေးတားမြစ်မှုမျိုးမရှိခဲ့သဖြင့် ပြည်သူလူထုသည် တပ်မတော်နှင့်ကြံခိုင်ရေးပါတီသည် တဖွဲ့ တည်းအတူတူပင်ဖြစ်သလိုလိုထင်ကုန်ကြပါသည် ။ ထိုသို့ ဆိုလျှင် ပြည်သူလူထုကလုပ်နိုင်သည်မှာ ပြည်ခိုင်ဖြိုးအစိုးရပြန်တက်မလာစေလိုလျှင် NLD ပါတီအစိုးရဖွဲ့နိုင်သည့် ၅၁ ရာခိုင်နှုန်းဖြစ်သော ၃၃၃ ဦး ပြည်ထောင်စုလွှတ်တော်ထဲသို့ အရောက်ပို့ ဖို့ ပဲ ရှိတော့သည် ။

အကယ်၍သာထိုစဉ်က တပ်မတော်ကာကွယ်ရေးဦးစီးချုပ်သည် ပြည်ခိုင်ဖြိုးပါတီနှင့်တပ်မတော်အတူတူမဟုတ်ကြောင်း တဖွဲ့တည်းလိုလို ထင်ယောင်ထင်မှားဖြစ်အောင်မပြောဆိုသင့်ကြောင်း တားမြစ်ထုတ်ပြန်ခဲ့မည်ဆိုလျှင် ပြည်သူလူထုသည် NLD ၃၃၃ ဦး လွှတ်တော်ထဲသို့ ပို့ နိုင်ရန် လူကိုမကြည့်ပဲ ပါတီကိုသာကြည့်၍ မဲပေးကြဖို့ သိပ်ပြီးအသည်းအသန်ကြိုးစားကြမည်မဟုတ်ပေ ။ ထို့ ကြောင့် လူကိုမကြည့်ပဲပါတီကိုပဲကြည့်၍ရွေးချယ်ခဲ့ကြခြင်းတွင် ဘေးထွက်ဆိုးကျိုးအနည်းငယ် ယခုအခါပေါ်ပေါက်လာသော်လည်း ထိုသိုဖြစ်ရခြင်းတွင် NLD တခုတည်း၏အမှားမဟုတ်ချေ ။ပြည်သူလူထု၏အမှားလည်းမဟုတ် ။ထိုသို့ ဖြစ်အောင် အင်အားစုအားလုံး တွန်းပို့ ခဲ့ကြခြင်းသာဖြစ်ပေသည် ။ လိုရင်းကိုပြန်ချုပ်ရလျှင် ထိုစဉ်က နိုင်ငံရေးလိုအပ်ချက်အရ အစိုးရအပြောင်းအလဲဖြစ်ရန် လူကိုမကြည့်ပဲ NLD ပါတီကိုသာ မဲပေးရွေးချယ်ခဲ့ကြသော်လည်း ယခုအခါ အေးအေးဆေးဆေး လူကိုကြည့်၍ စွမ်းဆောင်ရည်မြင့်သူကိုရွေးချယ်ခွင့်ရလာသည့်အချိန်တွင် မိမိဒေသနှင့် အလိုက်ဖက်ဆုံးလူကိုသာစေ့စေ့စပ်စပ်ရွေးချယ်ခဲ့ခြင်းက NLD ယခင်လိုနေရာအားလုံးအနိုင်မရခဲ့ခြင်း၏အဓိကအကြောင်းဖြစ်သည် ။ ဘာပဲဖြစ်ဖြစ် NLD သည် လာမည့် ၂၀၂၀ ရွေးကောက်ပွဲကို ၂၀၁၇ လိုမဖြစ်ချင်ဘူးဆိုလျှင် ကိုယ်စားလှယ်လောင်းရွေးချယ်ရာတွင် အောက်ခြေပြည်သူလူထု၏ဆန္ဒနှင့်ကိုက်ညီသော သူကိုသာ အသင့်တော်ဆုံးရွေးချယ်ကြရပေလိမ့်မည် ။ ထိုသို့မဟုတ်ပဲ ကိုယ်စားလှယ်လောင်းစိစစ်ရွေးချယ်ရေးအဖွဲ့ ဟူသော ဗဟိုမှလူနည်းစုလေးတစုတဖွဲ့ကသာ နေရာတိုင်းကိုလိုက်ဆုံးဖြတ်နေပါလျှင် ကျရှုံးခန်းကိုရင်ဆိုင်ရလိမ့်ဦးမည်ဖြစ်သည် ။ အမတ်လောင်းရွေးရာတွင် ဒေသခံဖြစ်သူ၊ ဒေသခံပြည်သူလူထုကကြည်ငြိုလေးစားထောက်ခံသူ ၊ အမှန်တကယ်အရည်အချင်းရှိသူ ဆိုသောအချက်သုံးချက်ကိုသာအဓိကထားရွေးချယ်ရမည်ဖြစ်သည် ။ ဗဟိုမှဝင်ေ၇ာက်စွက်ဖက်မှု နည်းနိုင်သမျှနည်းရမည်ဖြစ်သည် ။ ဒေသခံတို့၏အသံကိုနားစွင့်ရပေမည် ။

       ဤသည်တို့မှာ ဘာကြောင့် ၂၀၁၇ တွင် NLD ပါတီဘာကြောင့် မဲဆန္ဒနယ် ၁၉ နေရာတွင် ၉ နေရာပဲနိုင်ခဲ့သလဲဆိုသော အဖြေများဖြစ်သည် ။ ကျန်တာတွေကတော့အကြောင်းအများကြီးရှိနိုင်သည် ။ မဲပေးနိုင်သော လူဦးရေထက်တကယ်တန်းမဲလာပေးသောလူဦးရေမှာ အလွန်နည်းနေခြင်း (ပြည်သူများ မဲလာမပေးသူများနေခြင်း)သည်လည်း NLD ရှုံးရခြင်းအကြောင်းတရပ်ဟု ဦးဝင်းထိန်ကသုံးသပ်သည် ။ မှန်ပေ၏ ။ သို့ သော် လူတွေဘာကြောင့်မဲလာမပေးကြသလဲဆိုတာတော့ကိုယ့်ဘာသာစဉ်းစားအဖြေထုတ်ကြဖို့လိုမည်ဖြစ်သည် ။ ပြည်သူလူထုကိုအပြစ်ပုံချသောအဖြေထက် လူတွေမလာချင်လောက်အောင်ဘာတွေကိုစိတ်ပျက်သွားကြတာလဲ ။ဘာတွေကိုမကြေနပ်တာလဲ ။ ငါတို့ဘာတွေလိုအပ်နေသလဲဟုသာ ကိုယ့်ကိုယ်ကို သတ္တုချ၍ ဝေဖန်ဆန်းစစ်ကြရမည်ဖြစ်သည် ။ လူတွေကအသိဥာဏ်နုံနဲ့လို့ မဲလာမပေးကြလို့ဟု တော့ အလွယ်ပြော၍ရမည်မဟုတ် ။ မြန်မာနိုင်ငံသားများသည်တိုင်းပြည်အတွက် တကယ်တန်းလိုအပ်လာသည့်အခါတိုင်း အသက်ပေးကာရှေ့ တန်းမှထွက်ခဲ့ကြတာ ဖက်ဆစ်ဂျပန်တော်လှန်ရေးတွင်တကြိမ် ၊ ၁၉၈၈ အရေးအခင်းတွင်တကြိမ် ၊ ၁၉၉၀ ရွေးကောက်ပွဲတွင်တကြိမ် ၊ ၂၀၁၅ တွင်တကြိမ် အကြိမ်ကြိမ်သက်သေပြခဲ့ပြီဖြစ်သည် ။ NLD အာဏာရလာသောအခါ ပြည်သူလူထုကို တိုက်ရိုက်အကျိုးပြုသောကိစ္စများကိုသာ ဦးစားပေးလုပ်ကိုင်စေချင်ပါသည် ။ ပြည်သူလူထုအများစုကိုထိမည့်ကိစ္စများရှောင်နိုင်သလောက်ရှောင်စေချင်သည် ။ သမ္မတရုံးတွင် သင်္ကြန်ပိတ်ရက် ၅ ရက် ၊၁၀ ရက် ကိစ္စကိုမှဖြောင့်ဖြောင့်တန်းတန်း ရှင်းရှင်းလင်းလင်းမရေးသားတတ်မကြေညာတတ်သည့်လူမျိုးကို နေရာပေးစေခိုင်းမှုမျိုးတွေ ပြင်စေချင်သည် ။ အရင်အစိုးရလက်ထက်ကအကျင့်တွေအတိုင်း လိုက်နေဆဲဖြစ်သည့် အချို့သောအရာရှိဆိုးများနှင့်ပြတ်ပြတ်သားသားလမ်းခွဲစေချင်သည် ။ NLD အစိုးရအဖွဲ့ ဝင်များနှင့်လွှတ်တော်အမတ်များသည် ဒေါ်အောင်ဆန်းစုကြည်ထံမတင်ပြရလျှင်ဘာမှ ကိုယ့်ဘာသာမလုပ်ဝံ့ကြသော ကျောင်းထိုင်ဆရာတော်ကြီးမသိပဲဘာမှမလုပ်ဝံ့သောကိုရင်လေးတွေလိုပြုမူနေကြတာတွေပြင်စေချင်သည် ။ ပါတီနှင့်အစိုးရမသဲကွဲပဲ ပါတီခေါင်းဆောင်ဆိုသူက အစိုးရအဖွဲ့ကို ၀င်ရောက်စွက်ဖက်အမိန့် ပေးညွှန်ကြားနေတာတွေ ပြင်စေလိုသည် ။ တကယ်တော်သောဝန်ကြီးတွေကိုခန့်စေလိုသည် ။တကယ်တော်သော အမတ်လောင်းတွေကိုရွေးစေလိုသည် ။ ငါတို့တော်လို့ တတ်လို့ ဒီနေရာရောက်လာခြင်းထက် ဒေါ်အောင်ဆန်းစုကြည်မျက်နှာနှင့် ဒီနေရာရောက်လာကြတာပါလားဟု အမှန်အတိုင်းမြင်ကြစေလိုသည် ။ဒါဆိုလျှင် ၂၀၂၀ တွင် အခြေအနေကောင်းနိုင်မည်ဖြစ်သည် ။ ၂၀၁၇ မုန့် စာကျောင်းဆင်းချိန်ခေါင်းလောင်းကြီးကတော့ ခေါက်ပြီးသွားပြီ ။ အပြီးသတ်ခေါင်းလောင်းကြီးနောက်သုံးနှစ်တွင်လာပါလိမ့်မည် ။နိုင်ချင်လျှင်ပြင်စေသတည်း။

သရ၀ဏ်(ပြည်)

စောင့်ကြည့်ဂျာနယ်
၇.၄.၂၀၁၇

0 comments:

Post a Comment