Friday, November 18, 2016

ဝါစိုက်တောင်သူများအား ရွှေတောင်(၈)ချည်မျှင်ရှည်ဝါနှင့်ပတ်သက်၍ စိုက်ကွင်းအတွင်း နည်းပညာပေးရှင်းလင်း


မကွေး     နိုဝင်ဘာ      ၁၀
          မကွေးတိုင်းဒေသကြီး မကွေးမြို့နယ် အုန်းတွဲကျေးရွာရှိ တောင်သူဦးဝင်းမြင့်၏ ရွှေတောင်(၈) ချည်မျှင်ရှည်ဝါ တောင်သူနည်းပညာပေးစိုက်ခင်းတွင် စိုက်ပျိုးရေးဦးစီးဌာနက နိုဝင်ဘာ ၉ ရက်နေ့ မွန်းလွဲ ၁ နာရီက တောင်သူနည်းပညာပေး ကွင်းသရုပ်ပြပွဲပြုလုပ်ရာ မကွေးတိုင်းဒေသကြီး စိုက်ပျိုး ရေးဦးစီးဌာနမှ ဒု-တိုင်းဦးစီးမှူး၊ခရိုင်ဦးစီးမှူး၊မြို့နယ်ဦးစီးမှူးနှင့် တိုင်း၊ခရိုင်၊မြို့နယ်မှ ၀န်ထမ်းများ၊ အုန်းတွဲကျေးရွာ၊တမို့ကျေးရွာ၊သြဇာကုန်းကျေးရွာနှင့်ယင်းဆိပ်ကျေးရွာတို့မှ ၀ါစိုက်တောင်သူစုစုပေါင်း (၁၂၅)ဦးတို့ တက်ရောက်ခဲ့ကြသည်။
          အဆိုပါ ကွင်းပြပွဲတွင် ဒု-တိုင်းဦးစီးမှူးက လက်ရှိဌာနမှဖြန့်ဖြူးပေးနေသော ငွေချည်(၆)၊ ငွေချည်(၉)နှင့်ရွှေတောင်(၈)၀ါမျိုးများမှ မျိုးရိုးဗီဇ အရည်အသွေး လက္ခဏာများကို ၀ါစိုက်တောင်သူ များအနေဖြင့် ကျယ်ကျယ်ပြန့်ပြန့် သိရှိလိုက်နာဆောင်ရွက်နိုင်စေရန် အကျယ်တ၀ံ့ ရှင်းလင်း ပြောကြားပြီး မြို့နယ်ဦးစီးမှူးမှ တစ်ဧက ၀ါပိသာ(၁၀၀၀)ကျော် ထွက်ရှိရေးအတွက် အထွက်တိုး နည်းပညာ(၁၀)ချက်ကို ရှင်းလင်းပြောကြားကာ တောင်သူများနှင့် အပြန်အလှန် ဆွေးနွေး ခဲ့ကြသည်။
          ထို့နောက် တောင်သူ ဦးဝင်းမြင့်၏  ရွှေတောင် (၈) ချည်မျှင်ရှည်ဝါ တောင်သူနည်းပညာပေး စိုက်ပျိုးထားသော စိုက်ခင်းတွင် စိုက်ပျိုးရေးဌာန၀န်ထမ်းများက တောင်သူများနှင့်ပူးပေါင်းပြီး စိုက်ပျိုးထားရှိပုံ၊လုပ်ငန်းဆောင်ရွက်ချက်များနှင့်ပတ်သက်၍ ရှင်းလင်းပြောကြားကာ တောင်သူများ သိလိုသည့်မေးမြန်းချက်များအား ပြန်လည်ရှင်းလင်းပြောကြားခဲ့ကြကြောင်း သိရှိရသည်။
သန်းနိုင်ဦး(ငဖဲ)

0 comments:

Post a Comment