Sunday, September 4, 2016

ပွင့်ဖြူမြို့ ပြည်သူ့ဝန်ဆောင်မှုရုံး (OSS) သို့ ပြည်သူများစိတ်ဝင်စားလျက်ရှိ




ပွင့်ဖြူ        စက်တင်ဘာ       
          မကွေးတိုင်းဒေသကြီး၊မင်းဘူးခရိုင်၊ပွင့်ဖြူမြို့နယ်အထွေထွေအုပ်ချုပ်ရေးဦးစီးဌာနရုံးရှိ ပြည်သူ့ဝန် ဆောင်မှုရုံး (OSS) သို့အများပြည်သူများ ဌာနဆိုင်ရာများနှင့်ဆက်သွယ်လုပ်ကိုင်ရသည့်လုပ်ငန်းများ အဆင်ပြေချောမွေ့မြန်ဆန်စွာဆောင်ရွက်ပေးနေသဖြင့် ပြည်သူများ စိတ်ဝင်စားလာလျက်ရှိသည်။    
          အဆိုပါ ပွင့်ဖြူမြို့နယ် ပြည်သူ့ဝန်ဆောင်မှုရုံးကို ၂၀၁၅-ခုနှစ်၊နိုဝင်ဘာလ(၂၄)ရက်နေ့မှ စတင်ဖွင့်လှစ် ဆောင်ရွက်ပေးခဲ့ရာ ရက်(၁၀၀)စီမံချက်ကာလအတွင်း လုပ်ငန်းပေါင်း (၁၉၇၃)ခု ၀န်ဆောင်မှုပေး၍ဆောင်ရွက် ပေးနိုင်ခဲ့ပြီး၊ ရုံးစတင်ဖွင့်လှစ်သည်မှ ယနေအချိန်ထိ လုပ်ငန်းပေါင်း (၂၅၄၀)ခု ဆောင်ရွက်ပေးနိုင်ခဲ့သည်။ ပြည်သူ့ဝန်ဆောင်မှုရုံးတွင် အထွေထွေအုပ်ချုပ်ရေးဦးစီးဌာန၊ မြို့နယ်ရဲတပ်ဖွဲ့၊ အလုပ်သမား လူဝင်မှုကြီးကြပ် ရေးနှင့် ပြည်သူ့အင်အားဆိုင်ရာဦးစီးဌာန၊ မြို့နယ်လယ်ယာမြေစီမံခန့်ခွဲရေးနှင့်စာရင်းအင်း ဦးစီးဌာန၊ မြို့နယ် လျှပ်စစ်ဓါတ်အားဖြန့်ဖြူးရေးလုပ်ငန်း၊မြို့နယ် စည်ပင်သာယာရေးအဖွဲ့၊ ပြည်သူ့ကျန်းမာရေးဦးစီးဌာန၊ ပြည်တွင်း အခွန်များ ဦးစီးဌာန၊ မြို့နယ်မီးသတ်ဦးစီးဌာန စုစုပေါင်း ဌာနအဖွဲ့အစည်း(၉)ခုဖြင့် ဖွဲ့စည်းဆောင်ရွက် ပေးနေလျက်ရှိသည်။
          ပွင့်ဖြူမြို့နယ် ပြည်သူ့ဝန်ဆောင်မှုရုံးသို့ မကွေးတိုင်းဒေသကြီး အုပ်ချုပ်ရေးမှူး ဦးကျော်မြင့်၊ ခရိုင်အုပ်ချုပ်ရေးမှူး ဦးသိန်းဇော် တို့မှ စက်တင်ဘာလ(၃)ရက်နေ့ နံနက်(၉)နာရီက လာရောက်ကြည့်ရှုစစ်ဆေး၍ ပြည်သူ့ဝန်ဆောင်မှုရုံးတွင် တာဝန်ယူဆောင်ရွက်နေလျက်ရှိသည့် ဌာနဆိုင်ရာ ၀န်ထမ်းများအား လုပ်ငန်းများဆောင်ရွက်နေမှုတို့အား ကြည့်ရှုစစ်ဆေးအားပေး၍ လိုအပ်သည်များကို ညှိနှိုင်း ပေါင်းစပ်ဖြည့်ဆည်း ဆောင်ရွက်ပေးခဲ့ကြောင်းသိရှိရသည်။
တင်ထွန်းဦး(မင်းဘူး)

0 comments:

Post a Comment