Wednesday, September 28, 2016

ပွင့်ဖြူမြို့နယ်တွင် ကျေးလက်နေပြည်သူများဖွံ့ဖြိုးတိုးတက်ရေး စီမံကိန်းရေးဆွဲနည်းသင်တန်းများပို့ချ




ပွင့်ဖြူ     စက်တင်ဘာ        ၂၆
          မကွေးတိုင်းဒေသကြီး၊မင်းဘူးခရိုင်၊ပွင့်ဖြူမြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာနနှင့် အသက် မွေးဝမ်းကျောင်းနှင့်စားနပ်ရိက္ခာဖူလုံမှုအဖွဲ့ (LIFT Fund) တို့ပူးပေါင်း၍ ကျေးရွာဖွံ့ဖြိုးရေးစီမံကိန်း ရေးဆွဲနည်း သင်တန်းများအား စက်တင်ဘာလ (၂၀)ရက်နေ့မှ စတင်၍ ပွင့်ဖြူမြို့နယ်အတွင်း သင်တန်းပို့ချရန် ကျန်ရှိကျေးရွာများအား အပတ်စဉ်အလိုက် ဆက်တိုက်ပို့ချနေလျက်ရှိရာ ကျောင်းတော်ရာကျေးရွာအုပ်စု၊ ဘုရားကြီးဝန်း အတွင်းရှိ မဟာမုနိကျောင်းတွင် နံနက်(၉)နာရီက သင်တန်းဖွင့်ပွဲကျင်းပခဲ့သည်။
          အဆိုပါသင်တန်းဖွင့်ပွဲတွင် မြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာန၊ဦးသိန်းဇော်ထွန်းမှ မြန်မာတစ်နိုင်ငံလုံးတွင် ကျေးရွာဖွံ့ဖြိုးရေးစီမံကိန်းကို (၂၉)မြို့နယ်သာ ဆောင်ရွက်ခွင့်ရရှိခဲ့ပါတယ်၊မကွေးတိုင်းဒေသကြီး အတွင်းရှိ (၂၅)မြို့နယ်မှာ ပွင့်ဖြူမြို့နယ်က ပထမဆုံး ဆောင်ရွက်ခြင်းဖြစ်ပါတယ်၊ အပတ်စဉ်အလိုက် (၁၄)ကြိမ် အသုတ်ခွဲ ဖွင့်လှစ်ခဲ့တာ သြဂုတ်လအတွင်း လက်ခုပ်ကျေးရွာအုပ်စုမှာ(၁၆)ရွာ၊ ကံသာကြီးကျေးရွာအုပ်စုမှာ (၉)ရွာ နဲ့ လယ်ကိုင်းကျေးရွာအုပ်စုမှာ (၁၄)ရွာ ဖွင့်လှစ်ပေးနိုင်ခဲ့ပါတယ်၊ မြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာန ဦးစီးမှူး ဦးကျော်ကျော်နှင့် ၀န်ထမ်းများ၊(LIFT Fund)မှ ဒေါ်မြတ်ဆုထွန်း ( Development Planner ) တို့ကသင်တန်းကို ဦးဆောင်ဖွင့်လှစ်ပို့ချပေးနေတာပါ၊ယခု စက်တင်ဘာလအတွင်း ကျောင်းတော်ရာကျေးရွာအုပ်စုမှာ ကျောင်းတော်ရာ၊ ဇီးကိုင်း၊မင်းမြေကျေးရွာအုပ်စုများအတွင်းရှိကျေးရွာ (၁၃)ရွာမှ သင်တန်းသား (၂၆)ဦးကို စက်တင်ဘာလ (၂၀)ရက်နေ့မှ (၂၃)ရက်နေ့အထိ (၄)ရက်ကြာ သင်ကြားပို့ချပေးသွားမှာပါ ဟုပြောသည်။
          ကျေးလက်ဒေသဖွံ့ဖြိုးတိုးတက်ရေးစီမံကိန်းရေးဆွဲနည်း သင်တန်း တက်ရောက်ပြီးဖြစ်သည့် ညောင်ကုန်း ကျေးရွာနေ ဦးသန်းမင်းထွေးမှ ကျေးလက်ဖွံ့ဖြိုးတိုးတက်ရေးစီမံကိန်းရေးဆွဲနည်းသင်တန်းတက်ရောက်ပြီး ရွာမှာ ဒေသခံများ စုဖွဲ့ကာ ကိုယ့်ကျေးရွာရဲ့ သယံဇာတထွက်ရှိမှု၊ ၀မ်းစာဖူလုံမှု၊ လမ်းပန်းဆက်သွယ်ရေးနှင့် ပညာရေး၊ကျန်းမာ ရေးကဏ္ဍ ပေါင်းစုံကို ဆွေးနွေးဖြစ်ခဲ့တယ်၊ ကျေးရွာရဲ့ အဓိက လိုအပ်ချက်တွေကို ဖော်ထုတ်ပြီး ဘယ်လိုဖြည့်ဆည်း ဆောင်ရွက်ရမလဲ ဆွေးနွေးတိုင်ပင်ဖြစ်ခဲ့ပါတယ်၊ ဒီလိုသင်တန်းတွေတက်ရောက်ရတာ မိမိနေထိုင်တဲ့ ဒေသ/ကျေးရွာ ဖွံ့ဖြိုးတိုးတက်ရေး ကို အထောက်အကူအများကြီး အကျိုးပြုစေပါတယ်  ဟုပြောသည်။
          ကျေးလက်ဒေသဖွံ့ဖြိုးတိုးတက်လာစေပြီး လူနေမှုစီးပွားဘ၀ဖွံ့ဖြိုးရေး အထောက်အကူပြုစေရန်  ကျေးရွာဖွံ့ဖြိုးရေးစီမံကိန်းရေးဆွဲနည်း သင်တန်းများကို မြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ အခမဲ့ ကျေးရွာအုပ်စုများအရောက် ဆက်လက် သင်တန်းပို့ချပေးသွားမည်ဖြစ်ကြောင်းသိရှိရသည်။
တင်ထွန်းဦး(မင်းဘူး)

0 comments:

Post a Comment