Friday, September 16, 2016

ဆူးပုတ်ပင်များစိုက်ပျိုး၍ မိသားစုဝင်ငွေတိုးပွားရရှိ




ပွင့်ဖြူ         စက်တင်ဘာ        ၁၅
          မကွေးတိုင်းဒေသကြီး၊ပွင့်ဖြူမြို့နယ်အတွင်းရှိ မုန်းချောင်းကမ်းပါးဝန်းကျင် ကျေးရွာအများစုသည် ကိုင်းမြေနုများကို စိုက်ပျိုးရေးလုပ်ငန်းဖြင့် အဓိကထား လုပ်ကိုင်နေလျက်ရှိရာ  ဆူးပုတ်ပင်များကိုစီးပွားဖြစ်   စိုက်ပျိုးလုပ်ကိုင်လျက်ရှိကြသည်။
          ဆူးပုတ်ပင်များကို စိုက်ခင်း/ခြံစည်းရိုးများအဖြစ် စိုက်ပျိုးကြပြီး၊မိသားစုဝင်ငွေကို အထောက်အပံ့ရ လျက်ရှိသည်။ ဆူပုတ်ပင် (၀.၂၅)ဧကလျင် အပင် (၅၀၀၀)ခန့်အထိတန်းပေးစိုက်ပျိုးကြပြီး၊ (၁)နှစ်သားအရွယ် တွင် စတင်၍ အညွှန့်များ ခူးဆွတ်ရောင်းချနိုင်သည်။(၅)ရက်လျင်(၁)ကြိမ်အညွှန့်များကိုက်ခူး၍ တစ်ကြိမ်လျင် (၂၀)ပိဿာမှ (၂၅)ပိဿာထိ ထွက်ရှိပြီး တစ်ပိဿာလျင် (၁၆၀၀)ကျပ်ဖြင့် ရောင်းချရသည်။
          ဒေးဒရဲကျေးရွာနေ ဆူးပုတ်ပင်စီးပွားဖြစ်စိုက်ပျိုးသူ ဦးမောင်စန်းမှ ဆူးပုတ်ပင်ကို အစေ့တိုက်ရိုက်ချနည်း နဲ့ အပင်စိုက် နှစ်မျိုးရှိတယ်၊ကျွန်တော်ကတော့ အစေ့တိုက်ရိုက်ချစိုက်ပျိုးတယ်၊ တစ်နှစ်သားမှာ စခူးရတယ်၊ အပင်ပြုစုမှုသက်သာတယ်၊လုပ်အားခလည်း အကုန်သက်သာတယ်၊ ဖောက်သည်မှာတဲ့အပေါ်မူတည်ပြီး အညွှန့် တွေ ကိုက်ဖြတ်ခူးပေးရတာရှိတယ်၊ ကိုင်းမြေပတ်လည်ကိုလည်း ဆူးပုတ်ပင်တွေနဲ့ စည်းရိုးလုပ်ထားတော့ အပို ၀င်ငွေရတာပေါ့ ၊ ဟုပြောသည်။
          ဆူးပုတ်ပင်သည် ပူအိုက်စွတ်စိုသော ရာသီဥတုကို နှစ်သက်ပြီး၊ မြန်မာပြည်အလယ်ပိုင်းဒေသများတွင် အပင်ဖြစ်သန်၍ စီးပွားဖြစ်စိုက်ပျိုးနိုင်သည်။ ပွင့်ဖြူမြို့နယ်ကျေးရွာများမှ ထွက်ရှိသော ဆူးပုတ်ရွက်များကို မင်းဘူး၊စလင်းမြို့များမှတဆင့် မကွေး၊ရန်ကုန်၊မန္တလေးမြို့ကြီးများအထိ တင်ပို့ရောင်ချနေလျက်ရှိကြောင်း သိရှိရသည်။
သူရထွန်း(ပွင့်ဖြူ)

0 comments:

Post a Comment