Friday, September 16, 2016

အောင်လံမြို့တွင် (ADB)ချေးငွေအကူအညီဖြင့် ဓါတ်အားလိုင်းနှင့်ထရန်စဖော်မာများ တိုးချဲ့တပ်ဆင်ဆောင်ရွက်နေ


          မကွေးတိုင်းဒေသကြီး၊သရက်ခရိုင်၊ အောင်လံမြို့တွင် လျှပ်စစ်ဗို့အားပြည်ဝစွာသုံးစွဲနိုင်ရေးအတွက် အာရှဖွံ့ဖြိုးရေးဘဏ်(ADB)မှ ချေးငွေအကူအညီဖြင့် (၆၆)ကေဗွီ ဓါတ်အားခွဲရုံ Switch Bay (၁)စုံ တိုးချဲ့တပ်ဆင်ခြင်း၊ ၊(၁၁/၀.၄)ကေဗွီ(၂၀၀)ကေဗွီအေ ထရန်စဖော်မာတိုးချဲ့တည်ဆောက်ခြင်း နှင့် (၄၀၀)ဗို့လိုင်း စံချိန်မမီကြိုးများအား အစားထိုးလဲလှယ်ခြင်းလုပ်ငန်းများ ဆောင်ရွက်လျှက်ရှိကြောင်းသိရသည်။အဆိုပါ လုပ်ငန်းဆောင်ရွက်နေမှုများအား စက်တင်ဘာ(၁၂)ရက်နေ့ နံနက်ပိုင်းက မကွေးတိုင်းဒေသကြီး လျှပ်စစ်အင်ဂျင်နီယာ ဦးအောင်သန်း နှင့်တာဝန်ရှိသူများ ကွင်းဆင်းစစ်ဆေးကာ တည်ဆောက်ရေးလုပ်ငန်းများ သတ်မှတ်စံချိန် စံညွန်းနှင့်အညီတည်ဆောက်ခြင်းရှိ၊မရှိ ၊လေလွှင့် ပျက်ဆီးဆုံးရှုံးမှုမရှိစေရေး၊ သတ်မှတ်အချိန်အတွင်းလုပ်ငန်းများပြီးစီးရေး၊  လုပ်ငန်းများဆောင်ရွက်ရာ ဝန်ထမ်းများနှင့် ပြည်သူများ လျှပ်စစ်အန္တရာယ်ကင်းရှင်းစွာလုပ်ဆောင်ကြရန်လမ်းညွန်မှာကြားခဲ့ကြောင်းသိရသည်။

 “ လက်ရှိ (၆၆)ကေဗွီ Switch Bay အတွက် ဆက်စပ်ပစ္စည်းများရောက်ရှိနေပြီး (၁၁/၀.၄)(၂၀၀)ကေဗီအေ ထရန်စဖော်မာ တိုးချဲ့တည်ခြင်းလုပ်ငန်းတွင် ထရန်စဖော်မာ(၇၇)လုံးတွင် (၅၂)လုံးတပ်ဆင်ပြီးစီးခြင်း၊(၄၀၀)ဗို့လိုင်းကြိုးလှယ်ခြင်း (၄၀)ကီလိုမီတာတွင် (၂၀)ကီလိုမီတာပြီးစီးခြင်း၊ (၄၀၀)ဗို့လိုင်း ကွန်ကရစ်တိုင်လဲလှယ်ခြင်း(၁၀၅၀)လုံးတွင် (၃၂၈)လုံးလဲလှယ်ပြီးစီးနေပြီးဖြစ်ကြောင်း ” သရက်ခရိုင်လျှပ်စစ်အင်ဂျင်နီယာ ဦးနိုင်လွင်ဦး မှပြောကြားသည်။

      အဆိုပါလုပ်ငန်းများအား (၂၀၁၆-၂၀၁၇)ဘဏ္ဍာရေးနှစ်အတွင်းအပြီးစီးဆောင်ရွက်သွားမည်ကြောင်းသိရပြီး ထိုလုပ်ငန်းများ ပြီးစီးသွားပါက အောင်လံမြိုတွင် လက်ရှိ (၆၆)ကေဗွီအ၀င် (၆.၆)ကေဗွီအထွက်ဖြင့် ဓါတ်အားပို့လွှတ်သုံးစွဲနေခြင်းအစား (၆၆)ကေဗွီအဝင် (၁၁)ကေဗွီအထွက်ဖြင့် မြို့တွင်းထရန်စဖော်များသို့ ဓါတ်အား ပို့လွှတ်ဖြန့်ဖြူးပေးသွား မည်ဖြစ်ကြောင်း သိရသည်။ 
 မြေလတ် နေဇော်

0 comments:

Post a Comment