Friday, August 19, 2016

ဝါခေါင်လပြည့်နေ့တွင် စန္ဒကူးနံ့သာကျောင်းတော်ရာစေတီတော်မြတ်တွင် ဘုရားဖူးလာပြည်သူများဖြင့် အထူးစည်းကားလျက်ရှိ




ပွင့်ဖြူ         သြဂုတ်         ၁၈
          မင်းဘူးခရိုင်၊ပွင့်ဖြူမြို့နယ်အတွင်းရှိ စန္ဒကူးနံ့သာကျောင်းတော်ရာစေတီတော်မြတ်တွင် ၀ါခေါင်လပြည့်နေ့၊သြဂုတ်လ (၁၈)ရက်နေ့တွင် အနယ်နယ်အရပ်ရပ်မှ ဘုရားဖူးလာပြည်သူများဖြင့် အထူးစည်းကားလျက်ရှိသည်ကိုတွေ့ရှိရသည်။
          စန္ဒကူးနံ့သာကျောင်းတော်ရာစေတီတော်မြတ် ၀ါတွင်းကာလ ငါးကျွေးဆိတ်ဖွင့်ပွဲကို ၀ါဆိုလပြည့်နေ့၊ ဇူလိုင်လ(၁၉)ရက်နေ့တွင် စည်းကားသိုက်မြိုက်စွာကျင်းပခဲ့ပြီး ဘုရားပွဲတော်ကာလမှာ ၀ါဆိုလပြည့်နေ့မှ သီတင်ကျွတ်လပြည့်နေ့ အထိ (၄)လကြာ ကျင်းပဆောင်ရွက်သည့်ပွဲတော်ဖြစ်သည်။
          ၀ါတွင်းကာလ(၄)လအတွင်း ၀ါခေါင်လပြည့်နေ့သည့် အထူးစည်းကားပြီး ၀ါဏိစ္စဂါမကျေးရွာခေါ် ယခု ဘူးသည်ကျေးရွာနှင့် သစ်တော်ကျေးရွာကြားရှိ ဘုရားဖူးငါးကြီးများ လာရောက်ရာ ငါးကျွေးဆ်ိပ်တွင် နံနက် (၄) နာရီမှ စ၍ ငါးစာကျွေးသူများဖြင့် အထူးစည်းကားလျက်ရှိပြီး ၀ါခေါင်လဆန်း (၁၄)ရက်နေ့ နံနက်(၅)နာရီမှစ၍ ဘုရားဖူးငါးကြီးများ မုန်းချောင်းရေပြင်ပေါ်၍ ဦးခေါင်းများဖော်၍  ငါးစားများ လာရောက်စားကြသည်ကို အနယ်နယ်အရပ်ရပ်မှ ဘုရားဖူးပြည်သူများတွေ့မြင်ခဲ့ကြရသည်။
          စန္ဒကူးနံ့သာကျောင်းတော်ရာစေတီတော်ကြီး၏ ရင်ပြင်တော်တွင် ဘုရားဖူးလာပြည်သူများ၊ ဥပုဒ်သီတင်း ဆောက်တည်ကြသူများဖြင့် စည်းကားလျက်ရှိရာ ညအိပ်တည်ခို ဘုရားဖူးလာပြည်သူများဖြင့် ဇရပ်၊တန်ဆောင်းများတွင်လည်း စည်းကားလျက်ရှိကြောင်းသိရှိရသည်။
သူရထွန်း(ပွင့်ဖြူ)

0 comments:

Post a Comment