Wednesday, August 31, 2016

၂၁ ရာစု ပင်လုံညီလာခံ ကြိုဆိုထောက်ခံပွဲ မကွေးလွတ်လပ်ရေးကျောက်တိုင် ပန်းခြံတွင် ကျင်းပ


မကွေး     သြဂုတ်      ၃၀
မကွေးမြို့တွင် ပြည်ထောင်စုငြိမ်းချမ်းရေး ညီလာခံ ၂၁ ရာစု ပင်လုံထောက်ခံကြိုဆိုပွဲကို ယနေ့နံနက် ၈ နာရီခွဲက စတင်ကျင်းပရာ လူထုချီတက်ပွဲစုရပ် များဖြစ်သည့် အမှတ်(၁)လမ်းကြောင်းမှ အင်းအား(၂၀၀)ခန့်ဖြင့် မြသလွန်ဘုရားကွင်းစုရပ်မှ မြို့မဈေး၊ ပြည်တော်သာလမ်း၊ ဗိုလ်ချုပ်လမ်း တို့မှ တဆင့်လွတ်လပ်ရေးကျောက်တိုင်ကွင်းသို့ လည်းကောင်း၊ အမှတ်(၂)လမ်းကြောင်းဖြစ်သည့် အေးစေတီ ဘုရားဝင်းအတွင်းစုရပ်မှ အင်အား(၂၅၀)ဦးခန့်ဖြင့် အထက(၁)လမ်း၊  လမ်းငါးသွယ်၊ ဗိုလ်ချုပ်လမ်းတို့မှ တဆင့် ဟောပြောပွဲပြုလုပ်မည့် လွတ်လပ်ရေးကျောက်တိုင်ကွင်းစုရပ်သို့ သွေးဝေလျှံအဖွဲ့၊ သွေးလိုတရအဖွဲ့များနှင့်လူမှုရေးအသင်းအဖွဲ့များ၊ ကျောင်းသား/သူများ၊ နိုင်ငံရေး ပါတီများက (၂၁)ရာစုပင်လုံညီလာခံကို ကြိုဆိုထောက်ခံပါ၏ ဆိုင်းဘုတ်များကို ကိုင်ဆောင်ပြီး စီတန်းလှည့်လည် လူထုချီတက် စုပေါင်းလမ်းလျှောက်ကြသည်။
ဆက်လက်၍ မကွေးမြို့ မြင်းစီးဗိုလ်ချုပ် ကြေးရုပ်နှင့် လွတ်လပ်ရေးကျောက်တိုင်စုရပ်တွင် ၉း၅၀ နာရီက ဟောပြောပွဲ ပြုလုပ်ရာ ပြည်ထောင်စုငြိမ်းချမ်းရေး ညီလာခံ ၂၁ ရာစု ပင်လုံ ထောက်ခံ ကြိုဆိုပွဲ ဖြစ်မြောက်ရေး ကော်မတီ ဥက္ကဌ ဦးမြင့်အောင်က အဖွင့်အမှာစကားပြောကြားပြီး၊ စာရေးဆရာ အသင်းသမဂ္ဂ ဦးနိုင်ယုဝေမှ ငြိမ်းချမ်းရေးကဗျာရွတ်ဆိုခဲ့သည်။
  ထို့နောက် ၈၈မျိုးဆက်သစ်ငြိမ်းချမ်းရေးနှင့် ပွင့်လင်းလူ့အဖွဲ့အစည်း အဖွဲ့ဝင်ဦးကိုကိုနိုင်မှ ပြည်ထောင်စုစိတ်ဓါတ်ကို ပြသသည့် ပင်လုံစာချုပ်ချုပ်ဆိုခြင်း နှင့် ပတ်သက်၍ လည်းကောင်း၊ ၈၈မျိုးဆက်သစ်ငြိမ်းချမ်းရေးနှင့် ပွင့်လင်းလူ့အဖွဲ့အစည်း အဖွဲ့ဝင် စာရေးဆရာမ ဒေါ်မြနှင်းသုန်မှ ပြည်ထောင်စုငြိမ်းချမ်းရေး ညီလာခံကျင်းပနိုင်ရေးနှင့် ပတ်သက်၍ လည်းကောင်း၊ ဦးခင်မောင်ကြင် (မောင်ကြင် သစ်ရာကောက်)မှ ငြိမ်းချမ်းသာယာတဲ့ ဒီမိုကရေစီနိုင်ငံ ထူထောင်နိုင်ရန် အခွင့်အခါသစ် ဖြစ်ပြီး အမျိုးသား ညီညွတ်ရေးကျောက်ဆိုင်ကျောက်ခဲလို ခိုင်မြဲအောင် ပြုလုပ်ရန်တို့ကို ဟောပြောခဲ့ကြပြီး  မကွေးမြို့နယ် အမျိုးသားဒီမိုကရေစီအဖွဲ့ချုပ်ပါတီ အလုပ်အမှုဆောင် ဦးစိုးမိုးမှ ပြည်ထောင်စု ငြိမ်းချမ်းရေး ညီလာခံအား ထောက်ခံကြိုဆိုပွဲသို့ ပါဝင်ကြသည့် ပြည်သူများအား ကျေးဇူးတင် စကားပြောကြားခဲ့ကြောင်း သိရှိရသည်။
သန်းနိုင်ဦး(ငဖဲ)

0 comments:

Post a Comment