Sunday, July 24, 2016

မကွေးတိုင်းဒေသကြီးအတွင်း လျှပ်စစ်ဓာတ်အားဖြန့်ဖြူးရေးလုပ်ငန်း(ESE)၏ ပြည်သူ့အတွက် ရက်(၁၀၀)


မကွေး     ဇူလိုင်     ၂၄
လျှပ်စစ်နှင့်စွမ်းအင်ဝန်ကြီးဌာနအနေဖြင့် မကွေးတိုင်းဒေသကြီးအတွင်း လျှပ်စစ် ဓာတ်အား ပြည့်ဝတည်ငြိမ်စွာ ဓာတ်အားဖြန့်ဖြူးပေးနိုင်ရေး၊ ဓာတ်အားပြတ်တောက်မှု လျော့နည်းစေရေး၊ လျှပ်စစ်မီး မရရှိသေးသည့် မြို့နယ်၊ ရပ်ကွက်၊ ကျေးရွာများ လျှပ်စစ်မီးရရှိပြီး ဒေသဖွံ့ဖြိုး ရေးလုပ်ငန်းများ အကောင်အထည်ဖော် ဆောင်ရွက်နိုင် စေရေးလုပ်ငန်းများကို ဆောင်ရွက်လျှက် ရှိသည်။
အဆိုပါလုပ်ငန်းများ အနက်မှ မကွေးတိုင်းဒေသကြီး ဆင်ပေါင်ဝဲ မြို့နယ်တွင် 66/11kV, 5MVA ကိုးပင်ဓာတ်အား ခွဲရုံအား လျှပ်စစ်နှင့် စွမ်းအင် ၀န်ကြီးဌာန၊ လျှပ်စစ်ဓာတ်အားဖြန့်ဖြူးရေး လုပ်ငန်း(ESE)မှ ပြည်သူ့အတွက် ရက် (၁၀၀) စီမံချက်အရ ဓာတ်အားခွဲရုံ တည်ဆောက်ခြင်း လုပ်ငန်းများ ပြီးစီး၍ ဇူလိုင်၂၄ ရက်နေ့ နံနက် ၉နာရီက တိုင်းဒေသကြီးလျှပ်စစ်အင်ဂျင်နီယာ ဦးအောင်သန်းမှ 66/11kV, 5MVA ကိုးပင်ဓာတ်အားခွဲရုံမှ ၁၁ကေဗွီ ဖီဒါများဖြင့် ကျေးရွာ(၁၅)ရွာနှင့် ဆင်ပေါင်ဝဲမြို့အား ဓာတ်အားဖြန့်ပို့လွှတ်မှု အခြေအနေ ၊ ကျေးရွာများအတွင်း လျှပ်စစ် အန္တရာယ် ကင်းရှင်းစွာဖြင့် ပြည်သူများ ဓာတ်အားစတင် သုံးစွဲနေမှုများကို ကွင်းဆင်း ကြည့်ရှုစစ်ဆေးခဲ့သည်။
ကိုးပင်ဓာတ်အားခွဲရုံမှ ကျေးရွာ (၁၅)ရွာသို့  ဓာတ်အားပေးနိုင်ရေး အတွက် ၁၁ကေဗွီလိုင်း (၂၂.၁)မိုင်၊ ၁၁/၀.၄ကေဗွီ Distribution Transformer (၁၈)လုံးကိုလည်း တည်ဆောက် ပေးထားပြီးဖြစ်ရာ  ရွာသစ်၊ လယ်ကျိုး၊ မကြီးစမ်း၊ ချီစွတ်၊ ဘော်မြင့်၊ နတ်ရွာ၊ ကျောက်ဖြူတောင်၊ ကျွဲခြံ၊ ကျောက်ဆောင် စမ်း၊ စည်ပင်လှ၊ ချောင်းကောက်၊ ကိုးပင်၊ တောညောင်ပင်သာ၊ ကျေးခိုင်မ၊ အင်ပင်လှ ကျေးရွာများသို့ ဓာတ်အားဖြန့်ဖြူးပေးမည် ဖြစ်သည်။
66/11kV, 5MVA ကိုးပင်ဓာတ်အားခွဲရုံရှိ ၁၁ကေဗွီဖီဒါ(၃)ခုမှ ၁၁ကေဗွီ ဆင်ပေါင်ဝဲ ဖီဒါဖြင့် ဆင်ပေါင်ဝဲမြို့သို့လည်းကောင်း၊ ၁၁ကေဗွီ ကျေးရွာဖီဒါဖြင့် ကျေးရွာ(၁၅)ရွာသို့ လည်းကောင်း၊ ၁၁ကေဗွီ Station ဖီဒါဖြင့် ခွဲရုံအသုံးပြုခြင်းဖြင့် လည်းကောင်း ဗို့အားပြည့်ဝစွာဖြန့်ဖြူးပေးထားလျှက် ရှိသည်။ ထို့ပြင် ဆင်ပေါင်ဝဲမြို့နယ်၊ ကိုးပင်ကျေးရွာအနီးတွက် 66/11kV, 5MVA ဓာတ်အားခွဲရုံ တည်ဆောက်ပေးခြင်းဖြင့် အနီးပတ်ဝန်းကျင်ရှိ ကျေးရွာ( ၁၅ )ရွာ ၊ အိမ်ထောင်စုပေါင်း  ( ၃၁၅၀ ) ၊ မူလတန်း၊ အလယ်တန်း၊ အထက်တန်း စသည့် စာသင် ကျောင်း ( ၁၉ ) ကျောင်း ၊ ဆေးရုံ( ၂ )ရုံ ၊ ကျေးလက်ဆေးပေးခန်း( ၁ )ခု ၊ ဆက်သွယ်ရေး စခန်း ( ၂ )ခု နှင့် ဘုရား ကျောင်း ၊ ကန် စသည့် ဘာသာရေး အဆောက်အဦများ လျှပ်စစ်မီး ရရှိမည့်အပြင် ဒေသဖွံ့ဖြိုး တိုးတက်ရေးအတွက် လည်း အကျိုးကျေးဇူး များစွာ ရရှိလာမည် ဖြစ်ကြောင်း သိရသည်။
ယခင်က ကျွန်တော်တို့ဒေသမှာ လျှပ်စစ်မီးရဖို့ဆိုတာ စဉ်းစားလို့တောင် မရပါဘူး သို့သော် လည်း ဒီဘက်အစိုးရ လက်ထက်ကြတော့ ကိုးပင်မှာ ဓာတ်အားခွဲရုံရောက်ပြီဆိုတော့ ကျွန်တော်နှင့် အတူ တစ်ရွာလုံးက စိတ်ဝင်စားတယ် ဓာတ်အားခွဲရုံ မြေနေရာကအစ ကျွန်တော်တို့ဒေသကနေ အကုန်အကျခံ နေရာပေးခဲ့ပါတယ် လက်ရှိအနေအထားမှာ ကျွန်တော်တို့ရွာမှာ အိမ်ခြေ(၄၀၀) လောက်ရှိပြီး(၄၀)လောက်က ကိုယ့်မီးစက်နဲ့ကိုယ် လင်းရတဲ့အနေအထားပါ၊ ကျွန်တော် စက်မှု လက်မှုလုပ်ငန်းလုပ်ပါတယ် ကိုယ့်စက်နဲ့ကိုယ်လင်းရတာပေါ့၊ ကျန်တဲ့ ထမင်းဆိုင်၊ဈေးဆိုင်ခန်းတို့လဲ ဒီလိုပါဘဲ၊ ဒီလိုမီးထွန်းရတဲ့စရိတ်ကို ကျွန်တော်တို့မှာ လက်ရှိဒီဇယ်ဈေးမဟုတ်ဘဲ ယခင်ကဈေးနဲ့ ဆိုရင် တစ်လကို တစ်သိန်းခွဲ ကုန်ကျပါတယ၊် ယခု လျှပ်စစ်မီးရလာတဲ့ အချိန်မှာ ကုန်ကျစရိတ် ကများစွာ သက်သာသွားတော့မှာ ဖြစ်ပါတယ် လက်ရှိမှာ အိမ်ခြေ(၂၀၀)ကျော် မီးယူထားပြီးပါပြီ လမ်းမီးကြိုးများမှာလဲ သွယ်တန်းထားပြီးဖြစ်နေပါပြီ  ကျွန်တော်တို့ရွာ ၂၃ ရက်နေ့ညက စတင် မီးလင်းခဲ့ရပါပြီ၊ ရွာသူရွာသားတွေ စိတ်ဝင်စားကြပါတယ် ညနက်သန်းခေါင်တောင်မှ မီးကို မမြင်ဘူးကြတော့ ထ ထကြည့်တာ တစ်ရွာလုံး မအိပ်ရသလောက်ပါဘဲ ကျွန်တော်တို့ဒေသမှာ မမျှော်မှန်းတဲ့ ကိစ္စတွေကို နိုင်ငံတော်မှ ပံ့ပိုးလာတဲ့ အတွက်ကြောင့် နိုင်ငံတော်ကို များစွာ ကျေးဇူးတင်ပါကြောင်း ဆင်ပေါင်ဝဲမြို့နယ် ကိုးပင်ကျေးရွာ မီးလင်းရေးကော်မတီ ဦးသိန်းဝင်းက ပြောသည်။
ဆင်ပေါင်ဝဲမြို့သည်  ၁၉၉၁ခုနှစ် ဇူလိုင်လ ၂၈ ရက်နေ့မှ စတင်ပြီး မကွေးမြို့ မကြီးကန် ပင်မဓာတ်အားခွဲရုံမှ ၁၁ကေဗွီဓာတ်အားလိုင်းဖြင့် ဆင်ပေါင်ဝဲမြို့သို့ ၄၈မိုင်ခန့် ဓာတ်အားလိုင်း သွယ်တန်းဖြန့်ဖြူးခဲ့ရာ ဆင်ပေါင်ဝဲမြို့တွင် ဗို့အားကျဆင်း၍ ဓာတ်အားပြတ် တောက်မှုများလည်း မကြာခဏ ဖြစ်ပေါ်ခဲ့ရပြီး ယခုအခါ တည်ဆောက်ပြီးစီးသည့် 66/11kV, 5MVA ကိုးပင် ဓာတ်အား ခွဲရုံမှ ၁၁ ကေဗွီလိုင်း(၁၇)မိုင်ခန့်ဖြင့် တည်‌ဆောက် ဓာတ်အားပေးထားသဖြင့် ဗို့အားတိုးတက် ကောင်းမွန်ပြီး ဓာတ်အားပြတ်တောက်မှု လျော့နည်းသွားတော့မည် ဖြစ်ကြောင်း သိရှိရသည်။
သန်းနိုင်ဦး(ငဖဲ)

0 comments:

Post a Comment