Tuesday, July 19, 2016

မကွေးတက္ကသိုလ်ကြက်ခြေနီအသင်း သင်တန်းဆင်းပွဲကျင်းပ

မကွေး        ဇူလိုင်       ၁၆

မကွေးတိုင်းဒေသကြီး ကြက်ခြေနီကြီးကြပ်မှုကော်မတီ နှင့် မကွေးတက္ကသိုလ်ကြက်ခြေနီအသင်းတို့ ပူးပေါင်းဖွင့်လှစ်သည့် ကြက်ခြေနီအခြေခံအဆင့် ရှေးဦးပြုစုခြင်းသင်တန်း အမှတ်စဉ်(၁)၊အမှတ်စဉ်(၂) သင်တန်း ဆင်းပွဲ အခမ်းအနားအား မကွေးတက္ကသိုလ် စာသင်ခန်းမ၌ ဇူလိုင်လ(၁၅)ရက်နေ့ ညနေ(၄)နာရီ အချိန်က ကျင်းပပြုလုပ်ခဲ့သည်။
အခမ်းအနားတွင်မကွေးတက္ကသိုလ် ကြက်ခြေနီအသင်းနာယက ဒုတိယပါမောက္ခချုပ် ဆရာကြီး ဒေါက်တာသက်လွင်က အဖွင့်အမှာစကးပြောကြားရာတွင် “ ကြက်ခြေနီအသင်းကြီးရဲ့ မျှော်မှန်းချက်ကတော့ နိုင်ငံတစ်ဝှမ်းမှာရှိတဲ့ ဘေးဒုက္ခကျရောက်လွယ်သူများနှင့် ဘေးအန္တရာယ်ကျရောက်နေသူများအတွက် အများပြည်သူ တို့ကိုယ်တိုင် ပါဝင်ဆောင်ရွက်တဲ့ လူမှုဂရုဏါလုပ်ငန်းများ အချိန်အခါမရွေးလုပ်ဆောင်တဲ့ ထိပ်တန်းအဖွဲ့အစည်း ဖြစ်လာစေဖို့ပဲဖြစ်ပါတယ်။ ဒါ့ကြောင့် မောင်တို့၊မယ်တို့အနေနဲ့ မွန်မြတ်သန့်စင်တဲ့ ကြက်ခြေနီလုပ်ငန်းများရဲ့ မျှော်မှန်းချက်တွေကို ကြင်နာသနား၊ဂရုဏါထားတဲ့စိတ်နဲ့ လူတိုင်းကို မေတ္တာစိတ်ဖြင့် ကူညီရင်း အကောင်အထည် ဖေါ်ကြပါ ” ဟု တိုက်တွန်းပြောကြားခဲ့သည်။
ဆက်လက်၍ မကွေးတိုင်းဒေသကြီးကြက်ခြေနီကြီးကြပ်မှုကော်မတီ ဦးစီးမှူးဒုတိယတန်း ဦးအောင်စိုး က သင်တန်းဆင်းအမှာစကားပြောကြားပြီး ၂၀၁၅-၂၀၁၆ ပညာသင်နှစ် ကျောင်းသား၊ကျောင်းသူများတက်ရောက် ခဲ့သည့် သင်တန်းအမှတ်စဉ်(၁)၊အမှတ်စဉ်(၂)တို့မှ သင်တန်းသူ၊သင်တန်းသားများကိုယ်စား သင်တန်းသား နှစ်ဦး အား သင်တန်းဆင်းလက်မှတ်များပေးအပ်ခဲ့သည်။ ဆက်လက်၍ သင်တန်းများတွင် ရေးဖြေစာမေးပွဲ ထူးချွန်ဆု ရရှိခဲ့သော သင်တန်းသားများအား ကြက်ခြေနီအသင်းနာယက ဒုတိယပါမောက္ခချုပ် ဆရာကြီး ဒေါက်တာသက်လွင် က ဆုများပေးအပ်ခြင်း ၊ သင်တန်းဆရာများ နှင့် သင်တန်းတွင်သရုပ်ပြပေးခဲ့ကြသည့် ကြက်ခြေနီကြီးကြပ်မှု ကော်မတီတာဝန်ရှိသူများအား မကွေးတက္ကသိုလ်ကြက်ခြေနီအသင်းဥက္ကဌ ဒေါက်တာချောခင် က ဂုဏ်ပြု လက်ဆောင် ပေးအပ်ခြင်းများ ဆောင်ရွက်ခဲ့သည်။
၁၉၃၇ ခုနှစ်ကစတင်တည်ထောင်ခဲ့သော မြန်မာနိုင်ငံကြက်ခြေနီအသင်းသည် လူမှုဂရုဏါ လုပ်ငန်း များကို ဆင်းရဲဒုက္ခနည်းပါးသက်သေစေရန် ဆိုသည့်ရည်ရွယ်ချက်ဖြင့် ဆောင်ရွက်လျှက်ရှိပြီး ကျန်းမာရေးမြှင့်တင်ရန် ၊ ရောဂါဘေးကြိုတင်တားဆီးရန် နှင့် ဘေးဒုက္ခကျရောက်သူများကို ကူညီပေးရန် ဆိုသည့် လုပ်ငန်းစဉ်(၃)ရပ်ကို အကောင်အထည်ဖော်ဆောင်ရွက်လျက်ရှိကြောင်း သိရသည်။
သန်းနိုင်ဦး(ငဖဲ)

0 comments:

Post a Comment