Wednesday, June 15, 2016

တောင်သူများ စိုက်ပျိုးချိန်အမီ စိုက်ပျိုးနိုင်ရေး မိုးရာသီသီးနှံဘဏ်ချေးငွေများထုတ်ချေး


စေတုတ္တရာ     ဇွန်      ၁၅
မင်းဘူးခရိုင်၊စေတုတ္တရာမြို့နယ် မြန်မာ့လယ်ယာဖွံ့ဖြိုးရေးဘဏ်၊မြို့နယ်ဘဏ်ခွဲမှ မြို့နယ်အတွင်းရှိ တောင်သူများအား မိုးရာသီ(သီးနှံစုံ) စိုက်ပျိုးစရိတ် ဘဏ်ချေးငွေများကို မေလ(၁၈)ရက်နေ့မှ စတင်ထုတ်ချေး ပေးလျက်ရှိရာ ကျေးရွာအုပ်စု (၃၄)အုပ်စုမှ တောင်သူ (၁၇၅၀)ဦးအတွက် စုစုပေါင်းချေး ငွေကျပ် ပေါင်(၃၉၄၂.၈၀)သိန်းအား ထုတ်ချေးပေးရန် လျားထားကြောင်းသိရှိရသည်။
ထိုသို့ထုတ်ချေးဆောင်ရွက်လျက်ရှိရာ  ဇွန်လ(၁၄)ရက်နေ့ထိ ကျေးရွာအုပ်စု (၁၇)အုပ်စုမှ တောင်သူ အစုအဖွဲ့ (၂၉၆)ဖွဲ့၊အဖွဲ့ဝင်တောင်သူ (၈၇၀)ဦးအား စပါး(၈၇၄)ဧက၊နှမ်း(၂၂၆၃)ဧက၊ပဲစဉ်းငုံ(၁၇၀၄)ဧက တို့အတွက် ချေးငွေကျပ် (၂၁၀၄.၄၀)သိန်း ထုတ်ချေးပေးပြီးဖြစ်ကြောင်းနှင့် ချေးငွေနှုန်းထားများမှာ စပါးတစ်ဧကလျင် စိုက်ပျိုးစရိတ်ကျပ်တစ်သိန်းငါးသောင်းနှုန်း၊နှမ်း/ပဲစဉ်းငုံတစ်ဧကလျင် စိုက်ပျိုးစရိတ် ကျပ် နှစ်သောင်းနှုန်းဖြင့် ထုတ်ချေးပေးလျက်ရှိသည်။
ဖအိုင်အရှေ့ကျေးရွာနေ တောင်သူ ဦးမောင်စန်းမှ `` ယခုနှစ် စိုက်ပျိုးစရိတ်ကို တိုးပြီး ထုတ်ချေး ပေးတော့ အခြားက ငွေတိုးပေးချေးငှားစိုက်ပျိုးရတာ အများကြီးသက်သာလာတယ်၊အတိုးနှုန်းလည်းသက်သာ တယ်၊စိုက်ပျိုးချိန်မီ ထုတ်ချေးပေးတယ်ဆိုတော့ ကျွန်တော်တို့တောင်သူတွေ မိုးသီးနှံစိုက်ပျိုးရတာ အဆင်ပြေပါတယ်´´ ဟုပြောသည်။
တင်ထွန်းဦး(မင်းဘူး)

0 comments:

Post a Comment