Saturday, June 11, 2016

တီဗွီအင်တာနာတိုင်ထောင်ရာမှ လူ(၂)ဦးဓါတ်လိုက် (၁)ဦးသေဆုံး


              ရေစကြိုမြို့၊ အမှတ်(၃)ရပ်ကွက်တွင် တီဗွီအင်တာနာတိုင်ထောင်ရာမှ လူ(၂)နှစ်ဓါတ်လိုက်ကာ (၁)ဦးသေဆုံးခဲ့မှု ဇွန်(၉)ရက်နေ့က ဖြစ်ပွားခဲ့ကြောင်းသိရသည်။

 ဖြစ်စဉ်မှာ ဇွန်(၉)ရက်နေ့ နေ့လည်(၃)နာရီခွဲအချိန်က လူတစ်ဦး ဓါတ်လိုက်သေဆုံးပြီး အခြားသူတစ်ဦး ဒဏ်ရာရရှိကြောင်းသတင်းအရ ရေစကြိုမြို့မရဲစခန်းမှူး ဒုရဲမှူးစည်သူအောင် သွားရောက်စစ်ဆေးခဲ့ခြင်းဖြစ်သည်။ ရေစကြိုမြို၊ အမှတ်(၃)ရပ်ကွက်၊ပင်လုံလမ်းရှိ  ” ဆန်းသစ် ” ကုန်မာဆိုင်၏ အိမ်ရှေ့ဝရန်တာပေါ်တွင် တီဗွီအင်တာနာတိုင်တပ်ဆင်ရန် အခကြေးငွေဖြင့်လိုက်လံတပ်ဆင်ပေးသူ ဦးဌေးလှိုင် နှင့်၏တူဖြစ်သူ သိန်းထိုက်ကျော်(ခ)ဖိုးချွန်၊အသက်(၁၈)နှစ်၊အမှတ်(၂)ရပ်ကွက်၊ရေစကြိုမြို့နေသူတို့(၂)ဦးသည် အင်တာနာတိုင်တပ်ဆင်ရန်အတွက် အသုံးပြုမည့် အရှည်(၂၀)ပေ၊လုံးပတ်(၁)လက်မခန့်ရှိ သံတိုင်အား ဦးဌေးလှိုင်မှ ကိုင်ဆောင်အသုံးပြုရာ လမ်းမဘက်ရှိ ဗို့အား 11KV လျှပ်စစ်ဓါတ်အားလိုင်းကြိုးနှင့်ထိမိပြီး ဓါတ်လိုက်နေစဉ် သိန်းထိုက်ကျော်(ခ)ဖိုးချွန်မှ ဝင်ဆွဲရာဓါတ်လိုက်ခဲ့သဖြင့် ဦးဌေးလှိုင်တွင် ဝဲလက်ဖဝါး၊လက်ဖျံ၊ လက်မောင်းနှင့် နောက်ကျောတို့တွင်အရေပြားစုတ်ပြဲလန်ကာညိုမဲဒဏ်ရာများ နှင့် သိန်းထိုက်ကျော်(ခ)ဖိုးချွန်တွင် ဦးခေါင်း နောက်စေ့ညိုမဲဖူးရောင်၊ဝဲလည်ပင်း/လည်ဂုတ်/လက်ပြင်နှင့် နောက်ကျောတို့တွင် မီးလောင်အရေပြားစုတ်ပြဲညိုမဲ၊ ဝဲပေါင်အတွင်းဘက်စုတ်ပြဲ၊ဝဲလက်ဖဝါးအရေပြားအရေပြား စုတ်ပြဲညိုမဲဒဏ်ရာတို့ရရှိခဲ့သဖြင့် အဆိုပါနေ့ နေ့လည် (၂)နာရီ(၄၅)မိနစ်အချိန် ဆေးရုံသို့ပို့ဆောင်ဆေးကုသမှုခံယူနေစဉ် သိန်းထိုက်ကျော်(ခ)ဖိုးချွန်မှာ နေ့လည်(၃) နာရီအချိန်တွင်ရရှိသောဒဏ်ရာဖြင့်သေဆုံးသွားခဲ့ခြင်းဖြစ်ကြောင်း အမှုစစ်၏စစ်ဆေးချက်အရသိရသည်။ ယင်းအမျိုးသားသေဆုံးမှုနှင့်ပက်သက်၍ ဒုရဲမှူးစည်သူအောင်မှ တရားလိုပြုတိုင်ကြားခဲ့သောကြောင့် ရေစကြိုမြို့နယ်၊ မြို့မရဲစခန်းမှ သေမှုသေခင်းအမှတ်စဉ် ၇/၂၀၁၆ ဖြင့်အမှုဖွင့်ထားကြောင်းသိရသည်။
နေဇော်

0 comments:

Post a Comment