Thursday, May 12, 2016

အထူးလိုအပ်ချက်ရှိသောကလေးများ ပြုစုလေ့ကျင့်မှုအခြေခံသင်တန်းဖွင့်လှစ်




မကွေးမေ၁၁
          မကွေးတိုင်းဒေသကြီး လူမှုဝန်ထမ်းဦးစီးဌာန မကွေးမူလတန်းကြိုကျောင်းတွင်ယမန်နေ့နံနက် ၉ နာရီကအထူးလိုအပ်ချက်ရှိသောကလေးများ ပြုစုလေ့ကျင့်မှုအခြေခံသင်တန်းဖွင့်ပွဲကျင်းပခဲ့ရာ လူမှုဝန်ထမ်းဦးစီးဌာန တိုင်းဒေသကြီးဦးစီးမှူးကိုယ်စားလက်ထောက်ညွှန်ကြားရေးမှူး ဒေါ်နွယ်နွယ်ဦးဦးကအဖွင့်အမှာစကားပြောကြားသည်။
          ၄င်းနောက် မသန်မစွမ်းသက်ငယ်သင်တန်းကျောင်း(ရန်ကုန်)မှဒုကျောင်းအုပ် ဒေါ်ခင်လေးရီကရပ်ရွာမှာရှိတဲ့ မသန်မစွမ်းကလေးသူငယ်များရဲ့ စရိုက်လက္ခဏာ၊ အခြေခံလိုအပ်ချက်တွေ၊သူတို့ရဲ့ အားနည်းချက်၊ အားသာချက်များကို ကြည့်ပြီးမိဘတွေနဲ့၊ရပ်ရွာမှာရှိတဲ့ ပြည်သူလူထုတွေနဲ့ သူတုိ့လေးတွေကိုဘယ်လိုပြုစုစောင့်ရှောက်ရမယ် ဆိုတဲ့ အခြေခံလိုအပ်ချက်တွေ သိရှိစေဖို့နဲ့ မသန်စွမ်းအသိပညာဗဟုသုတနှင့်ကလေးငယ်များရဲ့နောက်ဆက်တွဲကျန်းမာရေးစောင့်ရှောက်မှုများအား ပြုစုစောင့်ရှောက်သူများသာမက ပတ်ဝန်းကျင်ပြည်သူများကပါရောဂါတွေဘယ်လိုဖြစ်တတ်တယ် ဘယ်လိုအမျိုးအစားတွေ ရှိတယ်ဆိုတာကိုအသိပညာပေး ဖြန့်ဝေပေးခြင်းဖြစ်ကြောင်းပြောသည်။
          အဆိုပါသင်တန်းကိုမကွေးတိုင်းဒေသကြီးအတွင်းရှိပခုက္ကူ၊ရေစကြို၊ချောက်၊ရေနံချောင်းမြို့များတွင် ဧပြီလ ၂၄ ရက်နေ့မှစတင်ကာ(၃)ရက်သင်တန်းများဖွင့်လှစ်ပို့ချခဲ့ပြီးမကွေးမြို့တွင် မေလ ၁၀ ရက်နေ့မှ ၁၂ ရက်နေ့ထိလည်းကောင်း၊ မင်းဘူးမြို့တွင်မေလ ၁၄ ရက်နေ့မှ ၁၆ ရက်နေ့ထိလည်းကောင်းဖွင့်လှစ်သင်ကြားပို့ချသွားမည်ဖြစ်ပြီးသင်တန်းသို့ ပညာရေးဌာနမှ ဆရာဆရာမများ၊ရပ်ရွာပြည်သူလူထုထဲမှ စိတ်ပါဝင်စားသူများ၊ ရပ်ရွာအခြေပြု ဖွင့်လှစ်ထားသည့် ကိုယ်အားကိုယ်ကိုးဆရာဆရာမများနှင့်မသန်စွမ်းမိဘများ၊စုစုပေါင်း(၅၀)ဦးကျော် တက်ရောက်ခဲ့ကြကြောင်းသိရှိရသည်။
သန်းနိုင်ဦး(ငဖဲ)

0 comments:

Post a Comment