Saturday, May 28, 2016

၂၀၁၆-၂၀၁၇ ပညာသင်နှစ် ကျောင်းအပ်နှံရေးနေ့ အခမ်းအနား ကျင်းပ



ငဖဲ     မေ     ၂၇
          မကွေးတိုင်းဒေသကြီး မင်းဘူးခရိုင် ငဖဲမြို့နယ် အခြေခံပညာအထက်တန်းကျောင်း ဗိုလ်ရွှဲ ခန်းမတွင် ၂၀၁၆-၂၀၁၇ ပညာသင်နှစ် ကျောင်းအပ်နှံရေးနေ့ အခမ်းအနားကို ယနေ့နံနက် ၉ နာရီက ကျင်းပပြုလုပ်သည်။
          အခမ်းအနားတွင် မြို့နယ်အုပ်ချုပ်ရေးမှူး ဦးဇော်လွင်က အဖွင့်အမှာစကားပြောကြားပြီး မြို့နယ်ပညာရေးမှူး ဒေါ်ခင်မာအေးချိုမှ ကျောင်းအပ်နှံရေးနေ့ဆိုင်ရာ လုပ်ငန်းစဉ်များကို ရှင်းလင်း ပြောကြားသည်။ ဆက်လက်၍ ပညာရေးဝန်ကြီးဌာနမှ အခမဲ့ဖြန့်ဝေပေးသော ပုံနှိပ်စာအုပ်များ၊ ဗလာ စာအုပ်များနှင့်မူလတန်းကျောင်းသား/သူများအတွက် ၀တ်စုံများကို မြို့နယ်အုပ်ချုပ်ရေးမှူးကပေးအပ် ရာ ကျောင်းသား/သူများမှ လက်ခံရယူသည်။
          ငဖဲမြို့နယ်တွင် အထက(၂)ကျောင်း၊အထကခွဲ(၂)ကျောင်း၊ အလက(၁)ကျောင်း၊ အလက ခွဲ(၁၃) ကျောင်း၊မူလွန်(၆)ကျောင်း၊အမက(၄၃)ကျောင်းနှင့်အမကခွဲ(၁၀)ကျောင်း စုစုပေါင်း အခြေခံပညာကျောင်းပေါင်း(၇၇)ကျောင်းရှိကာ မေလ(၂၅)ရက်နေ့တွင် ကျောင်းသား/သူ(၇၅၆၄)ဦး လက်ခံရရှိပြီး မေလ(၃၁)ရက်နေ့အတွင်း ကျောင်းနေအရွယ်ကလေးငယ်များ ရာနှုန်းပြည့် ကျောင်းအပ်နှံရေး ဌာနဆိုင်ရာများ၊လူမှုရေးအသင်းအဖွဲ့ဝင်များ၊ကျောင်းသားမိဘများနှင့်ပူပေါင်း ဆောင်ရွက်သွားမည်ဖြစ် ကြောင်း သိရသည်။
သန်းနိုင်ဦး(ငဖဲ)

0 comments:

Post a Comment