Saturday, May 28, 2016

တောင်သူများထံ စိုက်ပျိုးချိန်အမီ လက်ဝယ်ရရှိရေး ထုတ်ချေးဆောင်ရွက်




ငဖဲ     မေ     ၂၆
          မကွေးတိုင်းဒေသကြီး မင်းဘူးခရိုင် ငဖဲမြို့နယ်မြန်မာ့လယ်ယာဖွံ့ဖြိုးရေးဘဏ်ခွဲမှ မြို့နယ်အတွင်းရှိ တောင်သူများသို့ မိုးရာသီ သီးနှံစိုက်ပျိုးစရိတ် ချေးငွေများကို မေလ ၁၉ ရက်နေ့မှစတင်၍ ထုတ်ချေးပေးလျက်ရှိရာ ကျေးရွာအုပ်စု(၂၃)အုပ်စုမှ တောင်သူလယ်သမားများအတွက် စုစုပေါင်းချေးငွေ ကျပ်သိန်းပေါင်း(၁၁၁၉၅.၅၀)အား ထုတ်ချေးပေးသွားမည်ဖြစ်ကြောင်းသိရသည်။
          ထိုသို့ဆောင်ရွက်ရာတွင် ယနေ့ မေလ ၂၆ ရက်နေ့အထိ ကျောင်းကုန်းကျေးရွာ၊မာန်အောင်ကျေးရွာ၊ဇင်ပြွန်းကျေးရွာနှင့်ရင်းရည်ကျေးရွာအုပ်စုများမှ တောင်သူ (၂၉၈)ဦး၏ လယ်မြေ(၄၄၆)ဧကအတွက်တစ်ဧကလျှင် စိုက်ပျိုးစရိတ် ကျပ်တစ်သိန်းခွဲနှုန်းဖြင့်လည်းကောင်း၊အခြားသီးနှံ(နှမ်း)စိုက်ဧက တစ်ဧကလျှင် စိုက်ပျိုးစရိတ် ကျပ်နှစ်သောင်းနှုန်းဖြင့်(၄၄၁)ဧက တို့အတွက် စုစုပေါင်း(၇၅၇.၂၀)သိန်းကို ထုတ်ချေးပေးခဲ့ကြောင်းနှင့်ကျန်ရှိသောကျေးရာအုပ်စုများမှ တောင်သူများထံသို့ စိုက်ပျိုးချိန်မီလက်ဝယ်ရရှိရေးအတွက် အမြန်ဆုံး ထုတ်ချေးဆောင်ရွက်ပေးသွားမည်ဖြစ်ကြောင်း သိရှိရသည်။
သန်းနိုင်ဦး(ငဖဲ)

0 comments:

Post a Comment