Wednesday, May 18, 2016

မိုးသက်လေပြင်းတိုက်ခတ်၍ ပျက်စီးနေအိမ်များ ပြန်လည်ပြုပြင်ထူထောင်ရေး ကူညီဆောင်ရွက်




မင်းဘူး       မေ      ၁၈
          မကွေးတိုင်းဒေသကြီး မင်းဘူး(စကု)မြို့နယ်တွင် မေလ(၁၅)ရက်နေ့ ညနေပိုင်းက မိုးသက်လေပြင်းများ တိုက်ခတ်ခဲ့မှုကြောင့် ကျေးရွာများရှိ လူနေအိမ်များစွာ ပျက်စီးခဲ့ရာ မင်းဘူးခရိုင် ရဲတပ်ဖွဲ့မှူး ဒု-ရဲမှူးကြီး ၀င်းမောင် ဦးစီးသော ခရိုင်/မြို့နယ် ရဲတပ်ဖွဲ့ဝင်များမှ ပြန်လည်ပြုပြင်ထူထောင်ရေးလုပ်ငန်းများကို မေလ (၁၇)ရက်နေ့ နံနက်ပိုင်းမှစ၍ ကျေးရွာနေပြည်သူလူထုများနှင့်ပူးပေါင်းကာ ၀ိုင်းဝန်းကူညီဆောင်ရွက်ပေးနေ လျက်ရှိသည်။
          မင်းဘူး(စကု)မြို့နယ်တွင် လေပြင်းတိုက်ခတ်မှုကြောင့် ကျေးရွာပေါင်း (၂၅)ရွာရှိ အိမ်ခြေ (၆၀၀)ကျော် ပျက်စီးခဲ့ရာ၊ ကျောက်စစ်ပုံကျေးရွာ၊ကံသစ်ကျေးရွာ ၊ကုလားပါးကျေးရွာ၊မန်းကောက်ကျေးရွာ၊ပင်လယ်သက် ကျေးရွာ၊ကျောက်စံကျေးရွာ တို့တွင် ပျက်စီးဆုံးရှုံးမှုများခဲ့သဖြင့် ခရိုင်/မြို့နယ် ရဲတပ်ဖွဲ့ဝင်အင်းအား (၅၁)ဦးမှ အဆိုပါကျေးရွာ များသို့ သွားရောက်၍ ပြိုလဲသစ်ပင်များရှင်းလင်းခြင်း၊ လူနေအိမ်များ အမြန်ပြန်လည်ပြုပြင်ခြင်း ကျေးရွာချင်းဆက်လမ်းများအား ရှင်းလင်းပေးခြင်းတို့ကို ကျေးရွာပြည်သူလူထုနှင့် ပူးပေါင်းဆောင်ရွက်ပေးနေ လျက်ရှိကြောင်းသိရှိရသည်။
တင်ထွန်းဦး(မင်းဘူး)

0 comments:

Post a Comment