Wednesday, April 6, 2016

ဒုတိယအကြိမ် မကွေးတိုင်းဒေသကြီးလွှတ်တော် ပထမပုံမှန်အစည်းအဝေး(၁၁)ရက်နေ့တွင် မကွေးတိုင်းဒေသကြီးအစိုးရအဖွဲ့ ဝန်ကြီးများ၊ ဥပဒေချုပ်နှင့် စာရင်းစစ်ချုပ်တို့မှ ကတိသစ္စာပြု



မကွေး     ဧပြီ     
          ဒုတိယအကြိမ် မကွေးတိုင်းဒေသကြီးလွှတ်တော် ပထမပုံမှန်အစည်းအဝေး (၁၁)ရက်နေ့ကို ယနေ့ နံနက်(၁၀၀၀)နာရီက မကွေးတိုင်းဒေသကြီး လွှတ်တော်ခန်းမ၌ စတင်ကျင်းပပြုလုပ်ရာ မကွေးတိုင်းဒေသကြီး လွှတ်တော်ဥက္ကဋ္ဌ၊ ဒုတိယဥက္ကဋ္ဌနှင့် လွှတ်တော် ကိုယ်စားလှယ်များ တက်ရောက်ခဲ့ကြသည်။
          ရှေးဦးစွာ မကွေးတိုင်းဒေသကြီးဝန်ကြီးများအဖြစ် ခန့်အပ်တာဝန်ပေးအပ်နိုင်ရန် မကွေးတိုင်းဒေသကြီး အစိုးရအဖွဲ့ဝန်ကြီးချုပ်မှ အဆိုပြုလာသည့် ဝန်ကြီးဌာနအလိုက် အမည်စာရင်း ကို လွှတ်တော်သို့တင်ပြပြီး ယင်းအမည်စာရင်းနှင့်စပ်လျဉ်း၍ ကန့်ကွက်ဆွေးနွေးလိုသည့် လွှတ်တော် ကိုယ်စားလှယ်များ မရှိသည့်အတွက် လွှတ်တော်၏သဘောတူညီချက်ကိုရယူကာ လွှတ်တော်က သဘောတူအတည်ပြုကြောင်းကြေညာပြီး ယင်းဝန်ကြီးဌာနအလိုက် အမည်စာရင်းနှင့်စပ်လျဉ်း၍ ၂၀၁၃ ခုနှစ် မကွေးတိုင်းဒေသကြီးလွှတ်တော်ဆိုင်ရာ နည်းဥပဒေ ၅၃ အရ မကွေးတိုင်းဒေသကြီး လွှတ်တော်ကသဘောတူကြောင်း ဆုံးဖြတ်ချက်ကို မကွေးတိုင်းဒေသကြီး ဝန်ကြီးချုပ်ထံ ပေးပို့သွား မည်ဖြစ်ကြောင်း လွှတ်တော်ဥက္ကဋ္ဌက ကြေညာသည်။
          ထို့နောက် မကွေးတိုင်းဒေသကြီးအစိုးရအဖွဲ့ လုံခြုံရေးနှင့်နယ်စပ်ရေးရာဝန်ကြီးနှင့် ချင်းတိုင်းရင်းသား ရေးရာဝန်ကြီးတို့သည် ဒုတိယအကြိမ် မကွေးတိုင်းဒေသကြီးလွှတ်တော် ပထမပုံမှန်အစည်းအဝေး နဝမနေ့တွင် ကတိသစ္စာပြုပြီးဖြစ်ပါ၍ ကျန်ရှိသည့် ဝန်ကြီးများ၊ ဥပဒေချုပ်နှင့် စာရင်းစစ်ချုပ်တို့မှ ကတိသစ္စာပြုကြသည်။
                   မကွေးတိုင်းဒေသကြီးလွှတ်တော် တရားစီရင်ရေး၊ ဥပဒေရေးရာနှင့် တိုင်ကြားစာများ၊ အသနားခံစာများစိစစ်ဆောင်ရွက်ရေးကော်မတီဖွဲ့စည်းမည့် အဖွဲ့ဝင်ဦးရေ၊ တာဝန်၊ လုပ်ပိုင်ခွင့်၊ ရပိုင်ခွင့်နှင့် သက်တမ်းတို့ကို လွှတ်တော်ဒုတိယဥက္ကဋ္ဌ ဦးဇော်မျိုးဝင်းမှ လွှတ်တော်သို့တင်ပြပြီး ယင်းကော်မတီနှင့် စပ်လျဉ်း၍ ဆွေးနွေးလိုသည့် လွှတ်တော် ကိုယ်စားလှယ်များရှိပါက (၇.၄.၂၀၁၆) ရက်(ကြာသပတေးနေ့) လွှတ်တော်(၁၂)ရက်နေ့ အစည်းအဝေးတွင် ဆွေးနွေးမည်ဖြစ်ပါ၍  ယနေ့ရုံးချိန်အတွင်း လွှတ်တော်ရုံး ညွှန်ကြားရေးမှူးထံတွင် အမည်စာရင်းတင်သွင်းနိုင်ကြောင်း လွှတ်တော် ဥက္ကဋ္ဌက ကြေညာသည်။
          ၎င်းနောက် မကွေးတိုင်းဒေသကြီးလွှတ်တော် တရားစီရင်ရေး၊ ဥပဒေရေးရာနှင့် တိုင်ကြားစာများ၊ အသနားခံစာများ စိစစ်ဆောင်ရွက်ရေးကော်မတီဖွဲ့စည်းမည့် အဖွဲ့ဝင်များ၏ အမည်စာရင်းကို  မကွေးတိုင်းဒေသကြီးလွှတ်တော်ဥက္ကဋ္ဌက တင်ပြပြီး ယင်းအမည်စာရင်းနှင့် စပ်လျဉ်း၍ ဆွေးနွေး လိုသည့် လွှတ်တော်ကိုယ်စားလှယ်များရှိပါက ၇.၄.၂၀၁၆ ရက်(ကြာသပတေးနေ့) လွှတ်တော် (၁၂)ရက်နေ့ အစည်းအဝေးတွင် ဆွေးနွေးမည်ဖြစ်ပါ၍ ယနေ့ရုံးချိန်အတွင်း လွှတ်တော်ရုံး ညွှန်ကြားရေးမှူးထံတွင် အမည်စာရင်းတင်သွင်းနိုင်ကြောင်း လွှတ်တော်ဥက္ကဋ္ဌက ကြေညာပါသည်။
          ၂၀၁၆-၂၀၁၇ ဘဏ္ဍာနှစ် မကွေးတိုင်းဒေသကြီး၏ ဒေသန္တရစီမံကိန်းဥပဒေကြမ်းအပေါ် မကွေးတိုင်းဒေသကြီးလွှတ်တော် ဥပဒေပြုရေးဆိုင်ရာကော်မတီ၏ သဘောထားမှတ်ချက် အစီရင် ခံစာကို ကံမမဲဆန္ဒနယ်အမှတ်(၁)မှ ဦးဇော်ဝင်းက ဖတ်ကြားတင်သွင်းပြီး ချောက်မဲဆန္ဒနယ် အမှတ်(၂)မှ ဦးစိုးဝင်းက တင်ပြဆွေးနွေးကာ မကွေးတိုင်းဒေသကြီးအစိုးရအဖွဲ့ကိုယ်စား စီမံကိန်းရေးဆွဲရေးဦးစီးဌာန၊ ညွှန်ကြားရေးမှူး ဦးစန်းလွင်က ပြန်လည်ရှင်းလင်းဆွေးနွေးခဲ့သည်။
          ၂၀၁၆-၂၀၁၇ ဘဏ္ဍာနှစ် မကွေးတိုင်းဒေသကြီး၏ ဒေသန္တရစီမံကိန်းဥပဒေကြမ်းကို တစ်ပိုဒ်ချင်းစီ အလိုက် လွှတ်တော်၏အဆုံးအဖြတ်ကိုရယူကာ ဒုတိယအကြိမ် မကွေးတိုင်းဒေသကြီးလွှတ်တော် ပထမပုံမှန် အစည်းအဝေး (၁၂)ရက်နေ့ အစည်းအဝေးကို ၂၀၁၆ ခုနှစ်၊ ဧပြီလ ၇ ရက် (ကြာသပတေးနေ့) (၁၀း၀၀) နာရီအချိန်တွင် ဆက်လက် ကျင်းပမည်ဖြစ်ကြောင်း လွှတ်တော်ဥက္ကဋ္ဌက ကြေညာကာ အစည်းအဝေးကို ရုပ်သိမ်းခဲ့ကြောင်း သိရှိရသည်။
သန်းနိုင်ဦး(ငဖဲ)

0 comments:

Post a Comment