Thursday, March 31, 2016

ဘူးကျေးရွာ သုတကမ္ဘာ စာကြည့်တိုက်ဖွင့်ပွဲကျင်းပ


စေတုတ္တရာ      မတ်      ၃၁
မင်းဘူးခရိုင်၊စေတုတ္တရာမြို့နယ် ဘူးကျေးရွာ ပြည်သူများ စာဖတ်ခြင်းအလေ့အထကောင်းများရရှိစေရန်နှင့် အသိပညာ ဗဟုသုတတိုးပွားရရှိ၍ လူမှုဘ၀ဖွံ့ဖြိုးတိုးတက်စေပြီး ကျေးလက်နေကျောင်းသား/သူများမှ လူရည်ချွန် များ ထွက်ပေါ်လာစေရန်ရည်ရွယ်၍ သုတကမ္ဘာစာကြည့်တိုက် ဖွင့်ပွဲအခမ်းအနားကို မတ်လ(၃၀) ရက်နေ့နံနက်(၉)နာရီက စာကြည့်တိုက်ရှေ့တွင် ကျင်းပခဲ့သည်။
စာကြည့်တိုက် အဆောက်အဦသစ်ဖွင့်ပွဲအခမ်းအနားအထိမ်းအမှတ်ဖဲကြိုးအား မြို့နယ် ပြန်ကြားရေးနှင့် ပြည်သူ့ဆက်ဆံရေးဦးစီးဌာနမှူး ဒေါ်နုနုလွင်၊ဘူးကျေးရွာအုပ်ချုပ်ရေးမှူး ဦးစန်းအောင်နှင့် စာကြည့်တိုက် ဆောက်လုပ်ရေးကော်မတီဥက္ကဋ္ဌ ဦးသောင်းမြင့်တို့မှ ဖဲကြိုးဖြတ်ဖွင့်လှစ်ပေးပြီး ဖွင့်ပွဲအထိမ်းအမှတ်အခမ်းအနား အားစာကြည့်တိုက်အတွင်း၌ ဆက်လက်ကျင်းပရာ ဘူးကျေးရွာအုပ်ချုပ်ရေးမှူးမှ အဖွင့်အမှာစကားပြောကြား ခဲ့သည်။ဆက်လက်၍ မြို့နယ် ပြန်/ဆက် ဦးစီးဌာနမှူး ဒေါ်နုနုလွင်မှ စာကြည့်တိုက်ဖွင့်လှစ်ပေးရခြင်းအကြောင်း၊ စာဖတ်ခြင်းအလေ့အထကောင်းများရရှိစေပြီး စာဖတ်ရှိန်မြှင့်တင်ရေးနှင့် စာကြည့်တိုက် ရေရှည်တည်တံ့ခိုင်မြဲ ရေးအကြောင်းတို့ကို အကျယ်တ၀င့် ရှင်းလင်းပြောကြားပြီး သုတ/ရသစာအုပ်၊စာစောင်များအား စာကြည့်တိုက် တာဝန်ခံထံ ပေးအပ်လှူဒါန်းခဲ့သည်။
အဆိုပါစာကြည့်တိုက်သည် ၂၀၁၅-၂၀၁၆ ဘဏ္ဍာရေးနှစ် မြန်မာနိုင်ငံစာကြည့်တိုက်များဖောင်ဒေးရှင်း မတည်ငွေ ကျပ်(၁၀)သိန်း၊ပြည်သူလူထုထည့်ဝင်ငွေ(၂၀၉၂၅၆၀)ကျပ်၊စုစုပေါင်း (၃၀၉၂၅၆၀)ကျပ်ဖြင့် အလျား (၂၇)ပေ၊အနံ(၁၄)ပေ၊အမြင့် (၁၂)ပေရှိ အုပ်ညှပ် တစ်ထပ်တိုက်အဆောက်အဦဖြစ်ကြောင်းသိရှိရသည်။
စေတုတ္တရာမြို့နယ် ပြန်/ဆက် ဦးစီးဌာနမှူး၊ဒေါ်နုနုလွင်မှ “ မြို့နယ်အတွင်းရှိ ကျေးရွာနေ ပြည်သူလူထုများ အသိပညာ ဗဟုသုတ တိုးပွားရရှိစေပြီး ၊စာဖတ်ခြင်းအလေ့ အထကောင်းများ ရရှိစေရေးအတွက် နိုင်ငံတော်မတည်ငွေ၊စာကြည့်တိုက်ဖောင်ဒေးရှင်းမတည်ငွေနှင့် ပြည်သူလူထုထည့်ဝင် ငွေများဖြင့် ဘူးကျေးရွာ သုတကမ္ဘာစာကြည့်တိုက်၊ဒုံချောင်းကျေးရွာ ပညာဗိမာန်စာကြည့်တိုက်၊မကြီးစုကျေးရွာ တိုးတက်စာကြည့်တိုက်၊ညောင်အိုင်ကျေးရွာ ညောင်ပင်သာစာကြည့်တိုက်၊အောက်ပုံကျေးရွာ ထွန်းသစ်စ စာကြည့်တိုက်၊ စစ်ငန်းကျေးရွာ ဇွဲစာကြည့်တိုက်၊တပွင့်ကျေးရွာ အလင်းရောင်စာကြည့်တိုက်၊မကြီးစုကျေးရွာ ဗေဒါလမ်းစာကြည့်တိုက်၊ အောင်းကျေးရွာ ပညာရတနာစာကြည့်တိုက်၊ တန့်လည်ကျင်ကျေးရွာ အလင်းရောင် စာကြည့်တိုက်၊ကြီးဝကျေးရွာ မေတ္တာရောင်ခြည်စာကြည့်တိုက်၊ ပွင့်တောက်ကျေးရွာ ပွင့်ရတနာစာကြည့်တိုက်၊ ကြောင်သိုက်ကျေးရွာ ရောင်နီဦး စာကြည့်တိုက်၊အလယ်ပုံကျေးရွာ ပညာရွှေစင်စာကြည့်တိုက်၊ ပေါက်ချောင်း ကျေးရွာ အလင်းသော့ချက်စာကြည့်တိုက်၊ မြောင်းဦးကျေးရွာ ပွင့်သစ်စစာကြည့်တိုက်၊ မြေနီကုန်းကျေးရွာ လင်းရောင်ခြည်စာကြည့်တိုက်နှင့် ခြင်ပြစ်ကိုင်းကျေးရွာ ပညာပါရမီစာကြည့်တိုက်တို့ကို ဖွင့်လှစ်ပေးနိုင်ခဲ့ပြီး ယနေ့ အချိန်ထိ စာဖတ်သူ/စာငှားသူများဖြင့် ရှင်သန်လျက်ရှိပါတယ်၊ ဆက်လက်ပြီး ကျန်ရှိကျေးရွာများကိုလည်း စာကြည့်တိုက်များ ထူးထောင်ဖွင့်လှစ်နိုင်ရေး အတွက် ဆက်လက်ကြိုးပမ်းဆောင်ရွက်နေလျက်ပါ ”ဟု ပြောသည်။
စေတုတ္တရာမြို့နယ်သည် မင်းဘူးခရိုင်၏ အနောက်မြောက်ထောင့်တွင်တည်ရှိပြီး ချင်းတိုင်းရင်းသား အများစု နေထိုင်သော မြို့ဖြစ်ပြီး၊ မုန်းချောင်းတမံ၏ ၀န်ကျင် တောင်တန်းများပေါ်တွင် ကျေးရွာများ ပြောင်းရွှေ့တည်ဆောက်နေထိုင်ကြသော ကျေးလက်နေပြည်သူများ အသိပညာဗဟုသုတ တိုးပွား ရရှိစေရန်နှင့် လူနေမှုဘ၀ ဖွံ့ဖြိုးတိုးတက်စေရေးတို့အတွက် ကျေးရွာစာကြည့်တိုက်များကို ထူးထောင်ဖွင့်လှစ် ပေးရခြင်းဖြစ်ကြောင်းသိရှိရသည်။
သူရထွန်း(ပွင့်ဖြူ)

0 comments:

Post a Comment