Monday, March 28, 2016

မင်းဘူးခရိုင်အတွင်းရှိ မြို့နယ်များတွင် စာကြည့်တိုက်များ ၀န်ဆောင်မှု မြှင့်တင်ရေး အလုပ်ရုံဆွေးနွေးပွဲများ ကျင်းပလျက်ရှိ




မင်းဘူး        မတ်       ၂၆
          ကျေးလက်နေပြည်သူများ စာဖတ်ခြင်းအလေ့အထကောင်းများရရှိပြီး အသိပညာဗဟုသုတများ တိုးပွားရရှိစေရေးနှင့် ကျေးရွာ စာကြည့်တိုက် များရေရှည် တည်တံ့ခိုင်မြဲစေရန် ရည်ရွယ်၍ စာကြည့်တိုက်များ ၀န်ဆောင်မှု မြှင့်တင်ရေးအလုပ်ရုံဆွေးနွေးပွဲများကို မင်းဘူခရိုင်အတွင်းရှိ မြို့နယ်များတွင် မတ်လ(၁၂)ရက်နေ့ စ၍ ကျင်းပပြုလုပ်လျက်ရှိသည်။
          စာကြည့်တိုက်များဝန်ဆောင်မှုမြှင့်တင်ရေးအလုပ်ရုံဆွေးနွေးပွဲများကို မတ်လ(၁၂)ရက်နေ့မှ (၁၃)ရက်နေ့ထိ မင်းဘူးမြို့နယ်တွင်လည်းကောင်း၊ မတ်လ(၁၆)ရက်နေ့မှ(၁၇)ရက်နေ့ထိ ပွင့်ဖြူမြို့နယ် တွင်လည်းကောင်း ၊မတ်လ(၁၈)ရက်နေ့မှ(၁၉)ရက်နေ့ထိ စလင်းမြို့နယ်တွင်လည်းကောင်း၊ မတ်လ (၂၀)ရက်နေ့မှ (၂၁)ရက်နေ့ထိ ငဖဲမြို့နယ်တွင်လည်းကောင်၊မတ်လ(၂၄)ရက်နေ့မှ(၂၅)ရက်နေ့ထိ စေတုတ္တရာမြို့နယ်တွင်လည်းကောင်း ကျင်းပဆောင်ရွက်ခဲ့သည်။
          စာကြည့်တိုက်များ ၀န်ဆောင်မှုမြှင့်တင်ရေးအလုပ်ရုံဆွေးနွေးပွဲများတွင် တက်ရောက်လာသော စာကြည့်တိုက်တာဝန်ခံများမှ စာကြည့်တိုက်ဝန်ဆောင်မှုနှင့် စာကြည့်တိုက်များ ရေရှည်တည်တံ့ခိုင်မြဲစေရေး တို့အတွက် အားနည်းချက်၊အားသာချက်များ၊ဖြည့်ဆည်းဆောင်ရွက်ပေးရမည့်အချက်များ၊စာဖတ်ပရိသတ် တိုးပွား ရရှိစေရေးနှင့် စာဖတ်ခြင်းအလေ့အထကောင်းများ ရှင်သန်ဖွံ့ဖြိုးစေရေး၊ကလေးသူငယ်များ စာဖတ်ခြင်း အလေ့အကျင့်ကောင်းများ ရရှိစေရန် ဆွဲဆောင်စည်းရုံးဆောင်ရွက်ရမည့်အချက်များကို ကျေးရွာဒေသ အလိုက် လက်တွေ့ဆောင်ရွက်နေရမှုများအပေါ် တင်ပြဆွေးနွေးခဲ့သည်။
          အဆိုပါ အလုပ်ရုံဆွေးနွေးပွဲတွင်  မြို့နယ်များအတွင်းရှိ ကျေးရွာစာကြည့်တိုက်များမှ စာကြည့်တိုက်တာဝန်ခံ (၃၀)ဦးတက် ရောက်ဆွေးနွေးခဲ့ပြီး၊ ကျေးရွာစာကြည့်တိုက်များ၏ လက်တွေ့ ဆောင်ရွက်နေရမှု အတွေ့အကြုံများကို နှီးနှော ဖလှယ်  အပြန်အလှန် ဆွေးနွေးခဲ့ကြောင်းသိရှိရသည်။
သူရထွန်း(ပွင့်ဖြူ)

0 comments:

Post a Comment